шекеринска – Kurir.mk

Шекеринска призна гаф, ама не дава детали зошто биле вратени офицерите од НАТО

Тале Кристо — Thu, 28 Jan 2021 14:43:18 +0000

Министерката за одбрана Радмила Шекеринсака, после десетина дена молк, на вчерашната прес конференција конечно призна дека е направена грешка во процедурата за избор и предлагање офицери кои требало да добијат безбедносен сеертификат од НАТО, но тоа што не го толкува како скандал и нарушување на угледот на нашата земја како членка на НАТО туку како нормална појава која им се случувала и на други земји. Таа за да се заштити себеси од одговорност за ваквиот несоодветен избор и добиената шлаканица од НАТО вели дека штетно е да се влегува во математики од овој тип бидејќи тоа може да биде злоупотребено па затоа не треба да се зборува на оваа тема. Но, пораката испратена со овој потег од НАТО е многу јасна и недвосмислена и точно ја лоцира одговорноста, па Шекеринска и нејзините соработници треба да се отрезнат и да знаат дека политичките и партиски игри кои ги прават во државата не поминуваат во НАТО каде правилата за игра се јасни и нема место за партиско-политички комбинаторики и импровизации какви што Шекеринска и нејзините сопартијци ги прават во сите институции во државата. Самото тоа што Шекеринска призна дека во моментот кога се избирале преставници не можело да се номинираат луѓе кои веќе имале ресертифициран сертификат и дека сега кога е добиен шамарот од НАТО ќе се почекало да завршат иницијалните проверки за точно да се знае кои се луѓето кои можат да се исптатат за воени преставници, кажува дека целата претходна процедура била непрофесионална и исполитизирана со цел да се номинираат нејзини фаворити но бидејќи правилата во НАТО се строги и нема место за политичките игри на Шекеринска нечистите работи испливаа на површина. „Дефинитивно ќе имаме нова постапка, сакаме повеќе луѓе да поминат низ ресертификацијата. Ние во 2019 година и во 2020 кога се уште не бевме членка на НАТО не можевме да номинираме луѓе кои веќе имале ресертифициран сертификат или одново издаден сертификат затоа што уште не бевме членка. Сега веќе поголем број на луѓе имаат обновен НАТО сертификат и кога таа бројка ќе биде и поголема, кога ќе завршат овие иницијални проверки, точно ќе знаеме кои се луѓето кои можеме да ги испратиме таму да бидат воени преставници“, рече Шекеринска.

Мицкоски за изјавата на Шекеринска: До кога вакви манипулатори ќе ја навредуваат нашата интелигенција? (ВИДЕО)

Тале Кристо — Thu, 28 Jan 2021 10:52:51 +0000

Несериозни луѓе одлучуваат за сериозни работи, реагира преку социјалната мрежа ан Фејсбук лидерот на ВМРО-ДПМНЕ Христијан Мицкоски по скандалозната изјава на Шекеринска околу набавката на вакцините против корона вирус. Во продолжение интергрално ви ја пренесуваме реакцијата на Мицкоски: Несериозни луѓе одлучуваат за сериозни работи. До кога вакви манипулатори ќе ја навредуваат нашата интелигенција? Додека тие го тестираат заедничкото трпение, 2800 луѓе починаа од корона. „Шекеринска: Ние можевме први да набавиме вакцини, но народот ќе си помислеше дека ги тестираме на нив, затоа чекавме до сега да се увериме во нивната безбедност.", вели во сојата објава Мицкоски.

Ковачки: Оставка од Шекеринска и одговорност за бламот кој и го приредија на Македонија пред НАТО

Тале Кристо — Mon, 18 Jan 2021 16:06:11 +0000

Шекеринска и Пендаровски да не се кријат зад партиски соопштенија зад СДСМ и да одговорат кој и зошто ги прекршил процедурите при номинациите за воен претставник на Македонија во НАТО во Брисел. Земјата ја понижувате и срамите заради вашиот аматеризам, истакна на денешната прес-конференција членот на ИК на ВМРО-ДПМНЕ Драган Ковачки. Ова е блам пред НАТО и Шекеринска и Пендаровски треба да сносат одговорност. Тие двајца ја понижуваат и Македонија и Алијансата, со самото тоа што две ипол години немаме наш воен претставник во НАТО. Четири години сте власт во државата, а се однесувате како да сте опозиција. Јавноста мора веднаш да добие одговор на прашањата: 1. Дали Шекеринска знаела дека постои безбедносна пречка за лицата што ги номинирала, и ако знаела, зошто го довела во заблуда Претседателот на државата да дава согласност и да ја срами државата пред нашите сојузници? 2. Дали Пендаровски ќе побара одговорност од Шекеринска, затоа што го довела во заблуда или ќе си одмолчи и релативизира? 3. Ако не е запазена процедурата за избор, зошто не е, и кој е тој, односно таа што е над процедурите за да може да одлучува по сопствено, односно партиско убедување? Ќе упатам и прашање и до СДСМ: Кој ве повика да давате одговори во име на Министерството за одбрана и на Претседателот на државата? Каде почнуваат, а каде завршуваат надлежностите на партијата и каде почнуваат и каде завршуваат надлежностите на министерството? Неодговарањето на прашањата од страна на институциите, е класично непочитување на демократските принципи за отчетност и одговорност и тоа во многу говори за капацитетот на лицето што ја води институцијата. Бараме одговорност од Шекеринска и Пендаровски. Во секоја друга НАТО членка до сега ќе имавме оставка од министерот за одбрана. Одговорност веднаш. Оставка на Шекеринска веднаш!, порача Ковачки.

Арсовски: Заев, Димитров, Шекеринска, Османи молчат и очигледно поддржуваат странски политичари да вршат говор на омраза кон македонскиот народ

Тале Кристо — Tue, 01 Dec 2020 19:44:53 +0000

На тема говор на омраза, вечерва портпаролот на ВМРО-ДПМНЕ Димче Арсовски, во 24 Анализа во Телевизија 24, истакна дека актуелната власт односно Заев, Димитров, Шеќеринска и останатите дозволуваат странски политичари до вршат говор на омраза кон македонскиот народ Ксенофобијата е многу лоша после скандалозното интервју на премиерот Зоран Заев, оргомен број на реакции од страна на граѓаните, но и од друга страна странски политичари кон македонските политичари и македонскиот народ, каде што на некој начин се обидуваат да наметнат потчинетост на нашиот народ што е неопростливо и неоправдано, посочи портпаролот. А од друга страна пак вели Арсовски нема никаков коментар од страна на Владата, што нззачи дека Заев, Димитров, Шекеринска, Османи и останатите молчат значи дозволуваат некој да го понижува македонскиот народ, кој го застапуваат во Владата. За жал имаме таква Влада која дозволува и поддржува очигледно некој да го понижува овој народ, ваква влада нема никаде во светот, влада која не си го заштитува својот народ, истакна Арсовски. Арсовски посочи исто така дека жали затоа што нема претставник на СДСМ на вечерашната дискусија, затоа што би сакал да поразговара јавно за пуленот на СДСМ и лидер во говор на омраза, Бранко Тричковски.

Дали во 2008 некој ја обвини Шекеринска дека е антизападна креација, за нејзиниот став “неприфатлива е промената на Уставното име за влез во НАТО”?

Тале Кристо — Thu, 12 Nov 2020 07:18:29 +0000

Дали во 2008г некој|било кој ја обвини @Sekerinska дека е антизападна креација, Антинато, Руски пиун, за нејзиниот став “неприфатлива е промената на Уставното име за влез во НАТО” ?
—
п.с а денес секој кој е против промената на името е етикетиран како државен непријател 👉 pic.twitter.com/98wK2Y3ZRk
— Демир (@Trollowsky) November 11, 2020

Милошоски: Шекеринска и Димитров шират лажни вести за да си ги прекријат сопствениот неуспех

Тале Кристо — Thu, 25 Jun 2020 17:30:37 +0000

Кандидатот за пратеник во изборната единица 5 од ВМРО-ДПМНЕ Антонијо Милошоски, во вечерашното гостување во емисијата Само Вистина коментирајќи ги изјавите на Радмила Шекеринска и Никола Димитров дека тој бегал од добивање на покана за предметот Моќник, вели дека е разбирливо зошто Шекеринска и Димитров шират лажни вести за да си ги прикријат сопствените неуспеси. -Го слушнав тоа од Шекеринска и од Димитров и гледам дека во недостиг од свои вести од своја програма шират лажни вести. Јас уредно сум ги примал сите покани кои што се однесувале на мене, вклучително и таа покана од Катица Јанева, сега една од осудените уште во месец април оваа година. Но за жал Шекеринска и Димитров треба да измислат некоја лага за политичкиот опонент за да можат да ги покрија неуспесите кои што ги имаат досега, рече Милошоски. Според него, Шекеринска ќе доживее голем пораз на предвремените парламентарни избори бидејќи се што ветила во 2016 година не го реализира. -Зошто Шекеринска и Димитров одбираат на таков начин да шират лажни вести за мене, прво затоа што во спротивно Радмила Шекеринска би требало да збори зошто не е направен детското одморалиште во Битола, во Пелистер каде што заедно со Павле Богоевски се сликаа и таа вети во 2016 година дека тоа ќе биде завршен проект. Нема ништо од тоа. зошто не е објавен Копанки во Битола, Шекеринска го вети во 2016 година, а нема ниту К од Копанки. Зошто не е направен автопатот Меџитлија, Битола, Прилеп, Велес кој што го вети Радмила Шекеринска нема ништо од тоа. И сега Радмила мора да измислува нови противници, нови теми, лажни теми, за да народот заборави што Шекеринска ветуваше пред 4 години. Ништо од тоа што ветуваше нема остварено и затоа мислам дека ќе доживее голем пораз, нагласи Милошоски.

Ѓорчев: Шах – мат за Шекеринска, Оливер Спасовски и Мила Царовска

Тале Кристо — Wed, 24 Jun 2020 18:40:38 +0000

Шах - мат за Шекеринска, Оливер Спасовски и Мила Царовска во 1 минута. Матирани на купче, напиша во својата објава на Фејсбук Влатко Ѓорчев од ВМРО-ДПМНЕ. Имено, станува збор за видео од неговото синоќешно гостување во емисијата „200“ на телевизија Алсат, кога всушност пред самите екрани разоткри дека всушност СДСМ се тие кои што не ги почитуват здраствените препораки и самите уште пред еден месец без потребната заштита делеа летоци низ градовите во Македонија, а кога и речиси пола нивно раководство завршија во изолација, некои од нив и се заразија со Ковид-19, а целата нивна пратеничка група од ИЕ2 заврши во домашна изолација.

Радмила втора дебата по ред не може да каже кога Македонија ќе почне преговори со ЕУ

Тале Кристо — Mon, 22 Jun 2020 17:16:18 +0000

Во вечерањното гостување на „Само вистина“ на Канал 5 телевизија во дебатата со потпретседателот на ВМРО-ДПМНЕ Александар Николоски, Радемила Шекеринска повторно нема одговор на прашањето кога Македонија ќе започне преговори со ЕУ. -Радмила втора дебата по ред не може да каже кога Македонија ќе почне преговори со ЕУ. Тоа е бидејќи нема ништо и од датумот. Европа не преговара со криминалци кои пикаат пари во торби и кои бараат рекет од 6 милиони евра, стои во во Фејсбук објавата на Николоски. Николоски упорно ја прашуваше да го открие точниот датум но таа немаше одговор. Не добивме датум, добивме почеток на преговори на 27 март. Не сум баба Ванѓа ниту пак некој во комисијата не е баба Ванѓа да знае кога ќе почнеме преговори среде корона криза-објасни Шекеринска.

Ковачки: Шекеринска денот на авијацијата го честиташе со прелет на грчки авиони

Тале Кристо — Wed, 10 Jun 2020 12:33:42 +0000

После полкот за специјални операции и тенковските единици, во 2024 година Македонија останува и без борбените хелихоптери. Денеска министерот Шекеринска го честиташе денот на “нашата авијација” со прелет на авиони Ф-16 од Р. Грција, пишува на социјалната мрежа кандидатот за пратеник Драган Ковачки.

После полкот за специјални операции и тенковските единици, во 2024 година Македонија останува и без борбените хелихоптери. Денеска министерот @Sekerinska го честиташе денот на “нашата авијација” со прелет на авиони Ф-16 од Р. Грција. https://t.co/ZW7AQehk5l
— Драган Ковачки (@Kovacki1) June 10, 2020