Шенол Ѓунеш – Kurir.mk

Германецот Кунц пред промоција во нов селектор на Турција

Ивана Ефремовски — Fri, 17 Sep 2021 15:34:54 +0000

Предводникот на германската фудбалска репрезентација до 21 година Штефан Кунц (58) е прв кандидат за наследник на Шенол Ѓунеш на селекторската клупа на Турција. Ѓунеш претходно овој месец доби отказ по серијата слаби резултати со турскиот национален тим, која кулминираше со поразот од 6-1 од Холандија во мундијалските квалификации. Германската фудбалска федерација (ДФБ) официјално соопшти денеска дека нема да му прави пречки на Кунц доколку ја прифати турската понуда. – Раководството на ДФБ едногласно одлучи да го ослободи Штефан Кунц од обврските кои произлегуваат од важечкиот договор доколку „постигне договор со Турската фудбалска федерација“. Од своја страна, ДФБ не сака да биде пречка во неговиот следен чекор во кариерата, се наведува во соопштението. (МИА)

Ѓунеш веќе не е селектор на Турција

Ивана Ефремовски — Fri, 10 Sep 2021 12:55:01 +0000

Фудбалската федерација на Турција и селекторот на националниот тим Шенол Ѓунеш договорија денеска заемен прекин на соработката.

До раскин на договорот дојде откако турската репрезентација загуби во вторникот во мундијалските квалификации со високи 6-1 на гостувањето против Холандија во Амстердам. За Турција тоа беше прв пораз во квалификациската група Г, на кој му претходеше и киксот на домашен терен против Црна Гора, кога Турците освоија само бод по водството од 2-0. – По разговорот со главниот тренер на националниот тим Шенол Ѓунеш, одлучено е спогодбено да се разделиме, стои во официјалното соопштение на Турската фудбалска федерација. Гунеш седна на селекторската клупа во март 2019 година, а, засега, се уште нема официјални најави кој би можел да го наследи на должноста. (МИА)