шенон доерти – Kurir.mk

НОВ ПЕКОЛ ЗА ХОЛИВУДСКАТА АКТЕРКА – остана без здравствено осигурување поради бизарна причина додека ракот никако да го излечи! (ФОТО)

Дарко Андоновски — Fri, 17 Mar 2023 17:46:26 +0000

Актерката Шенон Доерти се прослави со улогата на Бренда во серијата „Беверли Хилс“, а подоцна имавме можност да ја гледаме како Пру во хит серијата „Волшебнички“. За жал, Шенон со години се бори со ракот на дојката, а сега на Инстаграм објави дека синдикатот на актерите SAG-AFRTA одбива да ѝ ги покрие медицинските трошоци бидејќи претходната година не заработила 26.470 долари, што е минимум за да се стекне со право на здравствено осигурување. „Јас сум љубопитна за таквите како мене кои работат од 10-годишна возраст и редовно плаќаат членарина во синдикатот, а кога не можеме да работиме поради болест, нашето здружение не напушта. Мислам дека можеме да работиме подобро за сите наши членови и мислам дека вие сте личноста која може да го направи тоа“, напиша таа, меѓу другото означувајќи ја нејзината колешка Фран Дрешер, кој е претседателка на споменатото здружение. „Животното осигурување не треба да се заснова на годишен приход. Тоа е доживотен придонес. Не е во ред тоа што јас и многу други кои плативме доживотно членство да бидеме оставени само затоа што не ги исполнуваме вашите сегашни критериуми“, заклучила актерката. За потсетување, на Шенон во 2015 година ѝ беше дијагностициран рак, по што ѝ беше извршена мастектомија, а исто така беше подложена на бројни третмани со хемотерапија и зрачење. Иако беше на ремисија, болеста ѝ се врати и таа редовно ги ажурира своите следбеници на Инстаграм за тоа како се чувствува.

Шенон Доерти против „културата на исклучување“

Катерина Бојаџиева — Mon, 14 Feb 2022 09:24:53 +0000

Шенон Доерти размислува да направи „навистина искрена емисија“ против „смешната култура на исклучување во која живееме“, и покрај нејзината битка со ракот. Својот став таа го изнесе на Инстаграм, покрај самосликот. „Набљудувајќи го нашиот свет… Каква станува мојата земја?!“, се прашува таа. – „Она што го гледам е толку многу омраза и болка… И злоупотребата на животните е доказ, како и заканата од војна, бездомништво и занемарувањето на човековите права!“, напиша таа. Глумицата од ТВ-серијата „Беверли Хилс“ од 1990-тите, продолжи да зборува против културата на исклучување, нагласувајќи дека тоа нема да ја спречи да има свое мислење. „Вознемирувачки е тоа што луѓето се чувствуваат принудени да молчат во страв од реперкусии. Сите имаме право на наше мислење. Не мора сите да размислуваме исто. Тоа треба да го ценат сите“, истакна таа. Шенен навести и своја инетернет-емисија која ќе содржи различни мислења… „Уморна сум од само два гласа. Има и трет. Дури и четврти… Засега ви посакувам на сите мир, сочувство и почит кон СИТЕ живи суштества“, го завршува таа својот Инстаграм-говор. „Kултура на исклучување“, или откажување, e стремеж кон бојкот на глумци поради искажано мислење, повлекување ликови, глумци и уметници, филмски и ТВ содржини или контроверзни шеги или однесување кое може да биде навредливо за некого, или е критикувано како политички некоректен однос. За противниците, „културата на исклучување“ е недозволива цензура на слободата на изразување во филмот, музиката и уметноста.

Ќе роните солзи откако ќе ги видите овие фотографии на славната актерка која се бори со ракот – сакам да им доловам на луѓето како изгледа пеколот

Дарко Андоновски — Sat, 09 Oct 2021 10:43:15 +0000

Актерката Шенон Доерти, повторно зборуваше за својата борба со ракот на дојката и покажа како изгледа без коса. Ѕвездата од серијата „Чари“ и „Беверли Хилс“ објави фотографии од болничката постела. Една од нив е селфи на која Шенон нема коса и има крварење од нос. Таа напишала тажни, но моќни зборови на Инстаграм. – Сакам со вас да споделам повеќе за моето патување од прва до наредна дијагноза. Дали е се убаво? Не, но искрено ова го објавувам со надеж дека ќе едуцирам луѓе и ќе им покажам како изгледа рак.

View this post on Instagram

A post shared by ShannenDoherty (@theshando)

– Се надевам дека ќе поттикнам други да одат редовно на мамографија и да го пребродат стравот од можни лоши резултати. Мене ракот на дојка ми беше дијагностициран во 2015 година. Одев на мастектомија и хемотерапија. Често имав крварање од носот поради хемотерапјата – напиша актерката и откри што и помогнало во таквите ситуации. – Не знам дали некој од вас го искусил ова. Се расположував самата себе носејќи смешни пижами која ми ги подари пријателката Кристи. Дали ми го поправиле расположението? Да! Изгледав урнебесно и се смеев самата на себе. Хуморот ми помогна да поминам низ она што мислев дека не можам. Се надевам ќе можеме сите да пронајдеме хумор во невозможните ситуации – напишала Шенон.

„Подготвена е да замине“: Болеста на славната Бренда од „Беверли Хилс“ е во терминална фаза

Ивана Ефремовски — Fri, 03 Sep 2021 13:13:17 +0000

Актерката Шенон Доерти, најпозната по улогата на Бренда во „Беверли Хилс“, минатата година откри дека повторно има рак. Најновите информации се загрижувачки. Болеста напредува и е во терминална фаза. Во последните денови, таа објави објава на Инстаграм која ги вознемири нејзините следбеници. -Дали некогаш сте почувствувале дека имате толку многу да кажете, а знаете дека нема да можете? - напиша актерката која, според блиски извори, секој ден е сѐ полошо. Лошата вест ја потврди и извор близок до актерката, кој наведува дека Шенон е „подготвена да си замине“ и дека не се плаши од смртта. -Човек се уморува од борба со ветерници. Така и се смачи да се бори со ракот. Иако не се откажува, свесна е дека нејзиното заминување е близу бидејќи наодите се доста лоши и воопшто не ветуваат, рекол пријател на семејството.

Познатата актерка преживува пекол: Откако откри дека повторно и се вратил ракот испрати необична порака, целиот свет плаче од овие зборови

Дарко Андоновски — Sun, 24 Jan 2021 12:02:17 +0000

Американската актерка која се прослави во серијата „Беверли Хилс“, Шенон Доерти пред неколку месеци ги шокираше фановите откако соопшти дека повторно се бори со ракот на дојката. Иако во текот на оваа борба била активна на социјалните мрежи, последниов месец таа на Инстаграм не споделува речиси ништо.

View this post on Instagram

A post shared by ShannenDoherty (@theshando)

Оваа нејзина постапка ги загрижи речиси сите нејзини фанови, а по тој повод таа сподели и прва објава по месец дена и тоа цитат, по што доби и многу охрабрувачки пораки.

View this post on Instagram

A post shared by ShannenDoherty (@theshando)

„Ни недостасуваат твоите слики, се надеваме дека си добро“, напиша една од нејзините фанови. „Често мислам на тебе. Не се откажувај, биди силна и ти посакуван најдобри желби“, стоеше во друг коментар од нејзините следбеници.

View this post on Instagram

A post shared by ShannenDoherty (@theshando)

Ѕвездата на „Беверли Хилс“ ја губи битката со страшната болест – И се бројат деновите

Магдалена Андонова — Sun, 27 Sep 2020 08:10:52 +0000

Шенон Доерти (49), американска актерка најпозната по улогите како Бренда Волш во тинејџерската серија „Беверли Хилс“ и Пруденс Халивел во „Вештерки“, повторно се бори за својот живот. Иако пред неколку години го надмина канцерот на дојка и се врати на малите екрани, во февруари годинава, Шенон објави дека канцерот се вратил, се проширил на лимфните јазли и дека сега е во последната, 4. фаза. За состојбата на актерката извести нејзиниот колега од серијата, „Беверли Хилс“, Џејсон Пристли, кој го глумеше ликот на Брендон, братот на Бренда. Во интервју за телевизиската станица „Студио 10“, тој изјави дека Доерти е во „прилично добар дух“ и дека нема да престане да се бори со сите сили за живот. -Шенон е навистина силна девојка, таа е борец и секогаш беше борец и знам дека ќе продолжи да се бори колку што може – вели Џејсон. Сепак, пријател на Доерти, кој сакал да остане анонимен, за медиумите открива поинаква слика за здравјето на актерката. -За жал, нејзината состојба е толку лоша што мислам дека нема да доживее да ја види 2021. година. Таа умира! Ова го кажувам со тешко срце, но Шенон не сака да бега од вистината и знае што ја чека наскоро – изјавил изворот близок до актерката.

Солзи, болка и страв: Славната актерка во жестока борба со најопасната болест

Ивана Ефремовски — Tue, 03 Mar 2020 15:58:18 +0000

Шенон Доерти (48) се бори против тумор во фаза 4 со поддршка на нејзините најблиски. Ѕвездата од серијата Беверли Хилс 90210 отворено зборува за тоа дека неколку нејзини пријатели се со неа, поддржувајќи ја да води помирен и поздрав живот додека се бори со карцином. -После една година борба против ракот што се враќа и други стресови, повторно се навраќам на тоа, рече 48-годишната актерка. -Се грижам за себе и станувам храбра секој ден. Не е секогаш лесно. Имам денови кога сум депресивна или само мрзлива. Но, јас туркам со помош на пријатели. Шенон ја спомна нејзината пријателка Ен-Мари Кортрајт, изјавувајќи дека е немилосрдна во нејзината одлука да ја однесе на пешачење и да ги научи нејзините нови начини на готвење, „кои ја хранеа мојата душа, како и мојот стомак, но на многу здрав начин“.

Во февруари, Доерти откри дека нејзиниот карцином на дојка се вратил откако отиде во ремисија во 2017 година.

Шокантни обвинувања: „Шенон Доерти лажеше за ракот за да се извлече на суд“

Ивана Ефремовски — Tue, 11 Feb 2020 13:30:31 +0000

Американската актерка Шенон Доерти (48) неодамна ја информираше јавноста дека ракот и се вратил, односно дека болеста е веќе во четврти стадиум. На таа изјава реагираше осигурителната компанија „Стејт фарма“, која заклучила дека актерката ја злоупотребува болеста за да предизвика сожалување. Од осигурителната компанија тврдат дека тоа би ѝ помогнало во судскиот спор. Во март лани Шенон ја тужеше компанијата, бидејќи не ѝ го исплатиле целиот износ за поправање на нејзината куќа, која е оштетена во текот на пожарот во Калифорнија во 2018 година. Нејзините адвокати тврдат дека морала од свој џеб да ги плати поправките кои инаку би требало да ги покрие осигурувањето и дека ова судење ѝ предизвикува дополнителен стрес за време на тешката болест. „Шенон Доерти умира од рак кој е во четвртата фаза. Наместо своите последни години да ги проживее во мир во својот дом, таа мора на суд да се бори со осигурителната компанија“, пишуваат странските медиуми. Компанијата досега ѝ исплатила 1,1 милион долари, а Шенон тврди дека трошоците на комплетната поправка изнесуваат речиси четири милиони долари.

Трогателна порака: Славната актерка откри дека ѝ се вратил ракот

Ивана Ефремовски — Tue, 04 Feb 2020 18:00:53 +0000

Актерката Шенон Доерти објави дека ѝ се вратил ракот на дојка и дека прогресирал до четврта фаза. -Има денови кога си велам: ‘Зошто јас?’. Потоа си велам: ‘А, зошто пак не јас? Кој друг? Зарем има некој кој ова го заслужува? Никој од нас не го заслужува’. Ова е тешка таблета за проголтување, пишува таа во писмото до обожавателите на Светскиот ден на борба против ракот. Ѕвездата на ТВ-сериите „Беверли Хилс 90210“ и „Маѓепснички“ во 2015 откри дека има рак на дојка и постојано на социјалните мрежи објавуваше детали од нејзините борба и лекување. Четириесет и осумгодишната глумица лани го сними продолжението на „Беверли Хилс“, додека дијагнозата ја држела во тајност. -Луѓето во оваа фаза можат да работат. Животот не ни завршува кога ќе ја добиеме дијагнозата. Сѐ уште имаме за живеење, вели Доерти.

Ни беа омилени близнаци пред 19 години: Вака денес изгледаат Брендон и Бренда (ФОТО)

Ивана Ефремовски — Mon, 01 Jul 2019 15:09:17 +0000

Од завршетокот на серијата „Беверли Хилс“ поминаа 19 години, а како што е познато, на големо се подготвуваат новите епизоди од ова остварување што беше популарно во 90-тите години од минатиот век. Додека фановите очекуваат што ќе се случи со популарните ликови, Шенон Доерти, која ја глуми Бренда Волш, објави заедничка фотографија со колегата Џејсон Присли, кој во серијата беше нејзиниот брат Брендон Волш. -И само така, близнаците се вратија, напиша актерката во описот.

View this post on Instagram

And just like that, the twins are back.

A post shared by ShannenDoherty (@theshando) on Jun 26, 2019 at 8:23pm PDT