Шериф Тирасол – Kurir.mk

Николов: Уште еднаш докажавме дека победата над Реал Мадрид не била случајна

Бошко Тасиќ — Wed, 08 Dec 2021 08:44:08 +0000

Македонскиот фудбалски репрезентативец Бобан Николов, кој влезе во второто полувреме на меч од ЛШ беше стрелец на изедначувачкиот погодок во судиското продолжение од средбата. за Шериф Тирасол Тој смета дека ова реми е огромно остварување за неговиот тим. „Покажавме дека сме зрел тим, дека не се плашиме од никого и дека заслужено ќе играме во Лига на Европа. Среќен сум за резултатот кој го оствари мојот тим, без разлика на тоа кој ќе го постигнеше голот. Игравме добро во второто полувреме и воопшто не се приметуваше на теренот дека играме против великан како Шахтјор, предводен од еден од најталентираните млади тренери, Роберто Де Зерби, кој е како Гвардиола. Ја ‘затворивме’ Лигата на шампионите како што посакуваме и уште еднаш докажавме дека победата над Реал Мадрид не била случајна“ изјави Николов. Шериф групната фаза ја заврши со седум бода, зад Реал Мадрид и Интер, а пред Шахтјор.

Боби Николов со гол во последните секунда донесе европска пролет на Шериф

Бошко Тасиќ — Tue, 07 Dec 2021 22:06:59 +0000

Македонскиот фудбалски репрезентативец Бобан Николов е вистински херој на својот тим Шериф Тираспол. Вечерва во последното, 6. коло од групната фаза во Лигата на шампионите погоди на гостувањето кај Шахтјор за 1-1 во последните секунди од мечот. Со ова реми и бод составот од Молдавија си ја потврди европска пролет откако заврши на 3. место и обезбеди настап во Европска лига

ЛШ: Шериф на Боби Николов го шокираше Реал Мадрид, ПСЖ ја доби битката против Сити

Бошко Тасиќ — Tue, 28 Sep 2021 21:03:22 +0000

Манчестер Сити почесто ја имаше топката во своите нозе, но не ги реализираше своите шанси, овозможувајќи на ПСЖ да дојде до победа (2:0) во дербито од Лигата на шампионите. Резултатот го отвори Идриса Геје во 8. минута, во меѓувреме Донарума беше сигурен на голот, а Сити не можеше да ја затресе неговата мрежа, по што казната стигна преку Меси во 74. минута. За Аргентинецот ова е прв гол во дресот на ПСЖ и погодок кој донесе посебна радост кај домашните фанови. Тимот на нашиот Бобан Николов (влезе во судиското продолжение) поведе уште во 25. минута, Реал израмни од пенал преку Бензема во вториот дел, а шокот следуваше во 90. минута. Тил постигна спектакуларен погодок, Куртоа не можеше да направи ништо, а Шериф освои историски три бода во дуелот со Реал Мадрид. На другите натпревари одиграни вечерва во ЛШ: Порто-Ливерпул 1:5 Милан-Атлетико Мадрид 1-2 Борусија Д-Спортинг 1:0 РБ Лајпциг-Бриж 1:2

Бобан Николов во својот деби настап за Шериф постигна гол (ВИДЕО)

Бошко Тасиќ — Sun, 19 Sep 2021 20:16:21 +0000

Македонскиот фудбалски репрезентативец, Бобан Николов, беше стрелец на единствениот погодок на Шериф Тираспол на вечерашното гостување кај Зимбру (1-1), во меч од 10. коло од првенството на Молдавија. Ова беше првпат Македонецот да се најде во стартниот тим на молдавскиот шампион, по двете средби на кои влегуваше во финишот. Тој стрелаше прецизно во 34. минута.

Шериф по шест одиграни меча има 13 бодови, но што е поважно, Николов почна да игра добро поради што реално е да се очекува да биде во стартниот состав на молдавскиот тим во следниот меч од Лигата на шампионите, за десет дена на гости кај Реал Мадрид. https://streamable.com/5fvvyx

Николов: Чест ми е што дојдов во тим како Шериф

Бошко Тасиќ — Sun, 12 Sep 2021 12:07:03 +0000

Од оваа лето македонскиот фудбалски репрезентативец Бобан Николов потпиша за Шериф Тирасол, кој направи изненадување со самиот пласман оваа сезона во Лигата на шампионите. 27-годишникот се радува на предизвикот кој го носи новата средина. „Дојдов тука и можам да кажам дека ми се допаѓа проектот во кој што ќе бидам дел во наредната сезона. Се надевам дека периодот на адаптација ќе трае кратко, а потоа ќе можам да се фокусирам да давам максимум за клубот. Ќе имам голема конкуренција, но тоа е добра работа. Најважно е сите да се здрави, па тренерот нека одлучува кој ќе игра, а кој не. Во новата сезона ќе играме во Лигата на шампионите. Тоа е чекор напред за сите нас. Мислам дека нема да разочараме. Чест ми е што дојдов во тим како Шериф Можам да потврдам дека ќе дадам максимум и се надевам на многу радосни моменти со екипата“, изјави македонскиот играч за врска. Фудбалските почетоци на Николов беа во Брегалница, а потоа неговата кариера го однесе во Виторул, Вардар, МОЛ Фехервар, Лече, а сега и во Шериф.

ЛШ: Црвена Звезда елиминирана од Шериф

Бошко Тасиќ — Tue, 10 Aug 2021 20:21:42 +0000

Молдавскиот фудбалски клуб Шериф Тираспол направи изненадување и ја елиминираше Црвена ѕвезда во третото коло од квалификациите за пласман во Лигата на шампиони. Шериф на свој терен победи со 1:0 и тоа беше доволно ако се знае дека пред една недела во Белград одиграа нерешено 1:1. Ѕвезда беше фаворит во овој двомеч, но Шериф покажа дека има квалитет да изненади. Голот кој беше вреден пласман во плејофот за пласман во ЛШ на Шериф, го постигна Арболеда во судиското надополнување од првото полувреме. Во следнат афаза ќе игра и Ференцварош, иако вечерва загуби на гости кај Славија Прага со 1:0, доволно им беше победата од првата средба на свој терен со 2:0.