Шериф Тираспол – Kurir.mk

Бобан Николов го облече дресот на Реал Мадрид (ФОТО)

Ристе Здравков — Wed, 29 Sep 2021 07:12:48 +0000

Македонскиот репрезентативец Бобан Николов со Шериф Тираспол дојде и го покори „Сантијаго Бернабеу“. Шериф направи сензација и славеше со 1-2, а Николов влезе во игра во судиското продолжение. За МАКФУДБАЛ ексклузивно, по големиот триумф. „Лудница… Што да кажам. Кога ќе го победиш на „Бернабеу“ клубот за кој си навивал од мал, си плачел на негови порази…Сега плачевме сите, но од среќа. Ова ќе го паметам до крајот на животот, за ова вреди да се игра фудбал“, изјави за МАКФУДБАЛ од „Бернабеу“, Бобан Николов. Од ваков голем триумф, мора да се има и спомен. Боби го зеде дресот на Лука Модриќ. „Ги заменивме дресовите со Лука Модриќ. Чест ми е, многу сум среќен“, дополни Боби Николов.

Шериф е четвртиот клуб што го победи Реал во ЛШ под водство на Анчелоти

Тале Кристо — Wed, 29 Sep 2021 06:27:17 +0000

Екипата на Шериф Тираспол е четвртиот тим што го победи Реал Мадрид во Лигата на шампионите под водство на тренерот Карло Анчелоти. Молдавците за кои настапува македонскиот репрезентативец Бобан Николов, синоќа со 2:1 славеа сензационална победа на „Сантијаго Бернабеу“. За прв пат, Италијанецот водеше клуб од главниот град на Шпанија од 2013 до 2015 година. Тогаш Реал во две сезони загуби само од Борусија Дортмунд (во четвртфиналето на Лигата на шампионите 2013/14, но се пласира во полуфиналето), Шалке (во осминафиналето од Лигата на шампионите 2014/15, но успеа да помине во четвртфиналето) и Јувентус (во полуфиналето на Лигата на шампионите 2014/15 кога беше елиминиран). Така, Анчелоти на чело на Реал Мадрид загуби за прв пат во групата од Лигата на шампионите. Во следното коло, Реал ќе се соочи со Шахтјор на 19 октомври. По две кола во Д-групата, Шериф е прв со шест бода, Реал има три, Интер и Шахтјор освоија по еден бод.

Бобан Николов потпиша за Шериф Тирасол

Бошко Тасиќ — Fri, 20 Aug 2021 15:59:28 +0000

Македонскиот фудбалски репрезентативец, Бобан Николов, ќе биде нов член на молдавскиот шампион Шериф. Николов една сезона настапуваше во италијанскиот второлигаш Лече, а сега се сели во Молдавија, каде има големи шанси да биде дел и од групната фаза на Лигата на шампионите. Шериф го победи Динамо Загреб со 3:0 на првата средба од плејофот и доколку излезе со позитивен резултат од двомечот, ќе настапува во групната фаза на најелитното европско натпреварување. Николов ја започна интернационалната кариера во романскиот тим Вицорул Констанца, се врати во Македонија како член на Вардар, за подоцна да настапува за унгарски Фехервар и Лече. За нашиот репрезентативец кој настапуваше и на Европското првенство се интересираа повеќе клубови, но решил да ја прифати понудата на Шериф Тираспол, кој денес го потврди трансферот.

Шкендија го совлада Шериф и со минимална предност патува за Молдавија

Ивона Петрова — Wed, 25 Jul 2018 06:02:04 +0000

Македонскиот првак Шкендија го победи Шериф Тираспол од Молдавија со 1:0 на првиот натпревар од второто квалификациско коло за Лигата на шампионите што се одигра во Скопје.

Стрелец на единствениот гол беше Бесарт Ибраими, кој од слободен удар во 24-та минута му донесе минимално водство на македонскиот шампион од 1:0, но доволно за победа. Шкендија во првиот дел преку Стенио Жуниор имаше уште две сериозни шанси да ја зголеми предноста и тоа во 36-та минута бразилскиот фудбалер не успеа да реализира удар со глава, а потоа во 41-та минута ја погоди стативата. Шериф неколкупати се обиде да стигне до израмнувачки гол, но Шкендија благодарение на интервенциите на голманот Костадин Захов ја зачува предноста до крајот на натпреварот. Реваншот се игра седум дена подоцна на 31 јули од 19:00 часот во Тираспол.

Шкендија против Шериф Тираспол на 24 јули во Скопје

Ивона Петрова — Thu, 19 Jul 2018 14:10:26 +0000

Македонскиот шампион Шкендија првиот натпревар од второто квалификациско коло за Лигата на шампионите против Шериф Тираспол од Молдавија ќе го игра на 24. јули во Скопје со почеток од 20:15 часот. Реваншот се игра седум дена подоцна на 31. јули од 19:00 часот во Тираспол. Шкендија во првото коло го елиминираше велшки ТНС, а Шериф беше подобар од Торпедо Кутаиши од Грузија.