Шерил Кол – Kurir.mk

Шерил Кол ужива во богатство додека нејзиниот брат проси на улица (ФОТО)

Магдалена Андонова — Tue, 31 Aug 2021 07:31:56 +0000

Богатството на пејачката Шерил Кол се проценува на над 48 милиони евра, а нејзиниот брат Ендрју Твиди е бездомник и принуден да проси на улица. Ендрју (41) за британските медиуми открива дека со години не разговара со својата славна сестра. Таа некогаш му плаќала за рехабилитација од дрога за 20.000 фунти, а сега веројатно и не знае колку му е тешка состојбата. – Просам овде веќе три месеци и тоа ми го скрши срцето. Имам дотолку гордост, да го **ам. Со семејството што го имам, не треба да сум тука. Страшно е!, изјави тој за „Сан“. Тој сега се жали дека Шерил не му помага. Ендрју има долга историја на насилно однесување и зависност од алкохол и дрога. Тој во мигов живее во шатор со пријател што го сретнал на улица, и вели дека останал без покрив над главата, откако раскинал со девојката на почетокот на оваа година. Има и син од претходна врска. Тој 2011 година заврши в затвор и мина шест години, за вооружен грабеж, а во 2005 година, исто така, за грабеж, беше осуден на четири години затвор. Во првиот грабеж учествувал 1993 година, кога имал само 13 години, а потоа шест години бил сместен во поправен дом поради напад врз двајца ученици. Поради престојот во затвор, тој ја пропушти и венчавката на неговата сестра со фудбалерот Ешли Кол во 2006 година. – Шерил сака да ми помогне, но јас не успеав премногу. Знам дека тоа ѝ го крши срцето, но не сум доволно силен да го средам тоа. Плачам кога ќе помислам дека толку ја повредувам сестра ми. Ѝ реков дека треба да се срами од мене, но таа ме сака и не сака да се откаже од мене, вели Ендрју во интервју од 2008 година. Шерил никогаш не зборуваше јавно за проблемите на нејзиниот брат, но се знае дека му помогнала да се бори со зависноста. (МИА)

Пејачката се засрами и го прекри лицето откако Бекам и одговори среде емисија на безобразната понуда (ФОТО)

Дарко Андоновски — Fri, 04 Jan 2019 19:01:21 +0000

Пејачката Шерил Кол гостуваше во емисијаа „Big Show“ и учествуваше во играта „Send to all“ (испрати на сите), а по оваа играа таа се засрами и поцрвени во студиото. Имено тоа е предизвик каде гостите мора да го препуштат нивниот телефон на водителот и тој да прати одредена порака на целиот именик. Па така таа им испрати порака дека ќе позира гола на курс за сликање и ги повикува да дојдат да ја гледаат. Потоа започнаа да стигнуваат и повратни одговори, а меѓу првите кои реагираа беше Викторија Бекам која очигледно не знаела дека таа гостува во емисија. „Пардон?“, кратко одговори Бекам, а водителот пораката ја прочита на глас, по што Шерил го прекри лицето од срам. Останатите ја прифатија шегата, додека уште една „Спајс“ девојка и одговори дека „сакала таа да и го нацрта нејзиниот задник“.

Уште еден славен пар се разделува, почна борбата за детето и милионите

Ивона Петрова — Thu, 22 Feb 2018 16:36:42 +0000

Шерил Кол и нејзиниот десет години помлад партнер Лијам Пејн се пред разделба. Парот се препира околу старателството над синот и распределбата на неговите 54 милиони фунти. Поранешниот член на „One direction“ наводно се консултирал со адвокати и во тек се преговори за тој да може да го заштити имотот. Парот живеел две години во вонбрачна заедница, а во март минатата година станаа родители на момче. -Не ме погодуваат гласините и прашањата дали ми е тешко. Ништо не ми е тешко, кратко и двосмислено одговорила Шерил на прашањето на новинарите кои и било поставено деновиве. Неименуван извор за „Сан“ изјавил дека Лијам би сакал да останат заедно, но за секој случај се распрашува за правните процедури. -Нивната врска одамна е нестабилна, па Лијам само презема мерки на претпазливост. Но, да не се лажеме, ним навистина им е тешко, вели изворот кој наведува дека сите се надеваат дека до разделба нема да дојде. Најмногу поради детето кое треба да наполни една година и е круна на нивната љубов.