шерон озборн – Kurir.mk

„Зад неговото слатко лице се крие најбезобразната славна личност“: Озборн откри каков е Ештон Качер

Ивана Ефремовски — Sun, 10 Sep 2023 16:02:41 +0000

Шерон Озборн, сопругата на легендарниот рокер Ози Озборн, тврди дека актерот Ештон Качер е „најбезобразната славна личност што некогаш ја запознала“. Во една емисија таа мораше да одговара на различни прашања, а меѓу нив имаше и такво прашање. На почетокот Шерон не можеше веднаш да се сети на името на Ештон. „Млад тип што е оженет со актерка, глумеше во „Лудите седумдесетти“...“ се обиде да објасни таа. Нејзината ќерка Кели и помогна: „Ештон Качер“? "Да!" Шерон извика. „О, грубо, безобразно, безобразно мало момче“, рече таа тогаш. „Навистина?“, шокирано ја праша ќерката. „Да, грдо мало суштество“, додаде таа. Познато е дека Шерон претходно ги спомнуваше несогласувањата со Ештон. Во 2018 година, таа во ток-шоуто на Лери Кинг рече дека Ештон има негативен став кон неа затоа што еднаш погрешно го изговорила неговото име. Тој влезе нервозен и ме праша што сум направила во индустријата. „Дете, не почнувај со мене. Затоа што ќе те јадам и ќе те смачкам. Не знаеш со кој си имаш работа, дете“, му рекла Шерон.

Шерон Озборн проговори за болеста на Ози

Ивона Петрова — Thu, 06 Oct 2022 10:57:50 +0000

Шерон Озборн искрено проговори за здравствените битки на својот сопруг Ози, односно – како Паркинсоновата болест на рокерот влијаеле врз семејството, откако ја открило неговата дијагноза откриена пред две години. – Се потсетувам на мојот сопруг, кој беше енергичен, сакаше да излегува на прошетки, правеше двочасовно шоу на сцената секоја вечер, трчајќи наоколу како „луд човек“… Одеднаш, вашиот живот, просто, застанува, вели Шерон во новиот документарец „Прилагодувајќи се на Паркинсон“. Таа натаму додаде дека е тажна за својот сопруг. – Моето срце се кине за него. Тажна сум и за себе што го гледам вака, но она низ што тој минува е полошо, изјави таа. Во јануари 2020 година, Ози – заедно со неговата сопруга и двете од нивните деца Кели (37) и Џек (36), на емисијата „Добро утро Америка“ ја соопштија веста за неговата болест.

Нивната љубовна приказна наскоро ќе се прикаже и на големото патно – снимен филм за Шерон и Ози Озборн

Магдалена Андонова — Fri, 22 Oct 2021 10:50:49 +0000

Љубовната приказна на Шерон и Ози Озборн наскоро ќе се прикаже на големото платно. Филмот го снима „Сони пикчрс“, а сценариото е на Ли Хол. - Нашиот однос понекогаш беше бурен, но бескрајната љубов успеа да нѐ одржи заедно. Драго ни е што аранжманите за снимањето се во тек, изјави Шерон. Двојката се венча во 1982 година, по тригодишна врска. Многу од песните на рок-бендот „Блек Сабат“ на Ози, како и оние што ги снимил за време на неговата соло-кариера, ќе бидат дел од филмот. Ова познато семејство претходно беше и во главна улога во реалното шоу на Ем-ти-ви – „Озборнови“. Се емитуваше од 2002 до 2005 година, а нивниот син Џек (35) и ќерка им Кели, исто така, беа дел од шоуто. Сепак, иако шоуто беше меѓу најгледаните продукции на Музичката телевизија во тоа време, нивната најстара ќерка Ејми одби да учествува во снимањето. (МИА)

Ози Озборн се обидел да ја убие сопругата

Ивана Ефремовски — Wed, 09 Sep 2020 11:27:38 +0000

Светски познатиот британски рокер Ози Озборн во новиот документарен филм под наслов „Биографија: Деветте животи на Ози Озборн“, раскажува како пред 30 години се обидел да ја убие неговата сопруга Шерон. Тие се в брак 38 години. -Тоа не е баш едно од моите најголеми достигнувања. Сè на што се сеќавам е дека се разбудив во затворот Амершам (Англија), па го прашав полицаецот: „Зошто сум овде?“ Тој ми рече: „Сакаш да ти го прочитам обвинението?“ Па, почна – „Џон Мајкл Озборн, Вие сте уапсен за обид за убиство…“, раскажува рокерот од „Блек Сабат“. Тоа се случило 1989 година. Шерон раскажува дека тоа се случило среде некој настап, имало голем метеж и оти Ози, просто, не бил при себе. -Само ми рече „Ние одлучивме дека ти треба да умреш“. Беше смирен. Многу смирен… И одеднаш почна да ме дави. Ме легна наземи и седна врз мене, се потсеќа Шерон. Според неа, на тој настан му претходеле неколку караници меѓу нив двајца. (МИА)