APPLE ЌЕ ВИ ПЛАТИ 2 МИЛИОНИ ДОЛАРИ ако успеете да го пробиете новиот „Lockdown Mode“

Ристе Здравков — Thu, 21 Jul 2022 06:05:12 +0000

„Lockdown Mode“ или Режим за заклучување е новата функција за iPhone, iPad и Mac. За да ја потврди супериорноста на новиот систем, неговиот творец, компанијата Епл објави дека ќе му плати два милиони долари на оној кој ќе ја пробие заштитата на Lockdown Mode. Во објава на веб-страницата на Apple Newsroom, компанијата ја објави новата функција, која ќе дојде на iOS 16, iPadOS 16 и macOS Ventura на есен. Компанијата ја опишува новата функција како „екстремна, опционална заштита за многу мал број корисници кои се соочуваат со сериозни, насочени закани за нивната дигитална безбедност“. Иван Крстиќ, шеф на одделот за безбедносно инженерство и архитектура на Apple, рече дека функцијата е специјално дизајнирана за малиот број корисници кои може да доживеат „високо насочени сајбер напади“. „Apple ги прави најбезбедните мобилни уреди на пазарот. Режимот за заклучување е револуционерна способност што ја одразува нашата непоколеблива посветеност да ги заштитиме корисниците дури и од најретките, најсофистицирани напади. Додека огромното мнозинство корисници никогаш нема да бидат жртви на високо насочени сајбер напади , ќе работиме неуморно за да го заштитиме малиот број корисници. Тоа вклучува продолжување со дизајнирање одбрани специјално за овие корисници, како и поддршка на истражувачи и организации ширум светот кои вршат критично важна работа во разоткривањето на платеничките компании кои ги создаваат овие дигитални напади”, истакна Крстиќ. За да го зајакне „Режимот за заклучување“ со текот на времето, Apple го зголеми износот што истражувачот може да го заработи за заобиколување на заштитата од 1 на 2 милиони долари како дел од програмата Apple Security Bounty. Од компанијата велат дека тоа е најголема можна исплата за ваква програма во индустријата. Apple, исто така, дава грант од 10 милиони долари на Фондот за достоинство и правда за да им помогне на „поддршката на организациите кои истражуваат, откриваат и спречуваат високо насочени сајбер напади“.

11-годишно девојче се спасило од киднапер бидејќи му поставило едно прашање (ВИДЕО)

Ивана Ефремовски — Fri, 16 Nov 2018 08:58:41 +0000

11-годишната Медисон се спасила од можно киднапирање бидејќи на странецот кој ја повикал да влезе во неговиот автомобил му поставила едно прашање, пишува “Independent”. Малото девојче и нејзината другарка шетале во близина на паркот во градот Пикан Крик во американската држава Аризона, кога покрај нив застанал маж во бело возило и му кажал на девојчето дека нејзиниот брат доживеал несреќа и дека тоа мора да појде со него. -Медисон на тоа го прашала која е шифрата, а кога киднаперот не знаел да ѝ одговори, таа одбила да влезе во автомобилот и тој заминал без неа, стои во соопштението од полицијата. “Многу се исплашив дека нешто му се случило на мојот брат, но потоа се сетив да го прашам за шифрата, а кога не ја знаеше, побегнав од него”, изјавило 11-годишното девојче. Нејзината мајка за “Fox10” објаснила дека смислила шифра со своите деца токму за такви ситуации. “Шифрата која ја смисливме ѝ го спаси животот на мојата ќерка. Ми кажа дека некој пробал да ја киднапира, а никогаш не би ми паднало напамет дека навистина ќе мораме да ја употребиме шифрата. Горда сум на неа бидејќи се сетила на тоа”, вели мајката Бренда Џејмс.

шифра – Kurir.mk

APPLE ЌЕ ВИ ПЛАТИ 2 МИЛИОНИ ДОЛАРИ ако успеете да го пробиете новиот „Lockdown Mode“

11-годишно девојче се спасило од киднапер бидејќи му поставило едно прашање (ВИДЕО)