шик јелак – Kurir.mk

Николоски: Ветивме дека ќе го суспендираме ДУП-от и нема да дозволиме крими приватизација на Шик Јелак

Ивана Ефремовски — Mon, 11 Apr 2022 18:26:42 +0000

Крими приватизацијата на Шик Јелак во Тетово и обидот за да таму се реализираат околу 200.000 метри квадратни станбена и деловна површина беше првата голема крими афера после изборите во 2020 година. Имено владата на СДСМ и ДУИ, односно на Зоран Заев и Али Ахмети беше изгласана на 30ти август во македонското собрание, недела а веќе 31 август понеделник во општина Тетово беше изгласан Деталниот урбанистички план со што на Миодраг Дака Давидовиќ му се додели бизнис од некаде над 200 милиони евра, посочи Александар Николоски, потпретседател на ВМРО-ДПМНЕ во вечерашното гостување во емисијата „Што не е јасно“ на ТВ Алфа.

Тој случај е еден пример на јасната дволичноста на власта. Имено власта која што зборува за прозападни вредности е власта која што на Дака Давидовиќ кој што е еден експонент на големо на српските политики на Балканот му додели таков ДУП. Значи Теута Арифи и ДУИ му додели таков ДУП на Дака, преку оф шор фирми од Панама, што значи дека можеби се работи и за нечисти пари и за пари кои што условно кажано доаѓа на спорен начин во Македонија. И тоа беше еден пример како врз основа на други интереси се прескокнуваат тие декларативни заложби во јавноста, рече тој.

Николоски истакна дека изградбата на 200.000 метри квадратни станбена и деловна површина било всушност ветување на ВМРО-ДПМНЕ, односно како што додаде тој после промената на локалните избори и победата на Билал Касами за градоначалник на Тетово како и формирање на ново советничко мнозинство каде што ВМРО-ДПМНЕ е значаен и суштински дел се суспендирал овој ДУП, со што неправдата се исправила.

Слушнавме и разговори во јавноста кои што излегоа каде што јасно се индицираше дека се дадени пари на луѓе блиски на власта, се споменуваше Рашковски во тие разговори, се споменуваа и други лица кои што се блиски на ДУИ така што тој случај ја покажа дволичноста на оваа владина коалиција.

И тоа беше една од нашите ветувања дека тука ќе ја исправиме работата, после промената на локалните избори и победата на Билал Касами за градоначалник на Тетово и формирање на ново советничко мнозинство каде што ВМРО-ДПМНЕ е значаен и суштински дел на тоа ново советничко мнозинство, на наша иницијатива и на барање на Билал Касами се суспендираше овој ДУП со што неправдата се исправи. И овој е еден пример што треба да правиме и што ќе правиме после формирањето на владата, каде што едни вакви афери што се отвораат ќе мора да имаат своја разрешница, таму каде што е возможно да се исправи правдата, да се исправи и секако да има одговорност, изјави Николоски.

Откако Николоски ја обелодени аферата за Дака и ШИК Јелак, општина Тетово донесе конечна одлука за суспензија на ДУП-от

Тале Кристо — Fri, 08 Apr 2022 13:49:42 +0000

Советот на Општина Тетово, денеска донесе и конечна одлука за суспензија на детален урбанистички план (ДУП) за урбан блок 57А откако за ова поведе иницијатива на последната седница во 2021 година. Овој ДУП беше донесен во време на претходната градоначалничка, на местото на Шумарско-индустрискиот комбинат (ШИК) „Јелак“ каде се предвидени да се градат десетици згради за домување и трговски центри. За одлуката да се донесе суспензија на овој ДУП гласаа 16 советници, додека 12 беа воздржани а немаше никој против. На гласањето му претходеше и едночасовна дебата меѓу советниците. Советниците од редовите на ДУИ реагираа на предлог точката на дневен ред, образложувајќи дека Министерството за транспорт и врски дало мислење во кое наведува дека нема повреда на законските одредби при усвојувањето на конкретниот урбанистички план. -Согласно одлуката за суспензија беше донесена и одлука за отпочнување на постапка за изменување и дополнување на ДУП за урабниот блок 57А. Сега следи ревидирање на процесот. Со оваа одлука Тетово се спасува од задушување на згради без критериуми, без паркови и зеленило, изјави градоначалникот Биљал Касами. За потсетување, потпретседателот на ВМРО-ДПМНЕ Александар Николоски уште во 2020 година го објави овој скандал во режија на СДСМ и ДУИ. - Крими коалицијата СДСМ/ДУИ донесе ДУП од 200 милиони евра за офшор фирма од Панама, сопственост на контроверзен бизнисмен. Помина едена недела откако објавив за усвојувањето на ДУП за „ШИК Јелак” во Тетово со кој се предвидува урбана џунгла во градот со нови 2.000 станови за 8.000 жители и огромни деловни комплекси со вкупна заработка за инвеститорот од 200 милиони евра, истакна Николоски.

Николоски: Советот на општина Тетово донесе одлука за суспендирање на ДУП-от на Шик Јелак, храбра одлука на Касами и советниците на ВМРО-ДПМНЕ, Алијанса и БЕСА

Магдалена Андонова — Thu, 30 Dec 2021 14:53:27 +0000

Суспендиран ДУП-от за ШИК Јелак на контроверзниот Дака Давидовиќ. Правдата победува ги остваруваме ветувањата! Денес Советот на општина Тетово донесе одлука со која почнува постапка за суспендирање на Деталниот Урбанистички план за просторот на ШИК Јелак во Tетово. Би сакал да честитам за оваа храбра одлука на Градоначалникот на Тетово Билал Касами како и мнозинството во Советот составено од политичките партии БЕСА, ВМРО-ДПМНЕ, Алијанса за Албанците како и независните Подобро за Тетово кои ја донесоа оваа одлука, стои во Фејсбук статусот на потпретседателот на ВМРО-ДПМНЕ, Александар Николоски. Тој напиша дека суспендирањето на овој ДУП зад кои стои контроверзниот Дака Давидовиќ, а кој беше поврзан со бројни манипулации направени од оваа Влада и чии директни актери се највисоките Владини функционери покажува дека промените носат правда. - Jавноста се сеќава на разговорите кои се слушнаа пред изборите во 2020 година во кои се договараа пари, парцели и интереси на штета на Тетово и тетовчани. Исто така јавноста се сеќава дека во 2020 година по изгласувањето на Владата СДСМ/ДУИ ова беше прва одлука која се донесе. Јас тогаш во јавност изнесов бројни сознанија кои дојдоа до мене, се работи за сомнителен капитал зад кој стојат оф шор фирми поврзани со Дака Давидовиќ и врвот на власта во Mакедонија. Добивав дури и закани да се откажам од објавување на овој скандал, но за мене интересот на граѓаните и борбата со криминалот се пред се! По промените во Тетово и изборот на Билал Касами за Градоначалник како и ново мнозинство во Советот од кое дел е ВМРО-ДПМНЕ се покажа дека може да се работи подобро и поправедно! Суспензијата на планот покажува дека правдата доаѓа, сега на локално ниво, а по предвремените избори и на централно ниво, додава Николоски во својата Фејсбук објава.

Николоски: Добив и закани да не ја објавувам аферата за „Шик Јелак“ и Давидовиќ – Дака, сега видовме дека се потврди криминалот вреден 200 милиони евра на СДСМ и ДУИ

Тале Кристо — Sat, 27 Mar 2021 14:29:51 +0000

Во одговор на новинарско прашање денеска потпретседателот на ВМРО-ДПМНЕ Александар Николоски при посетата на Јегуновце, во врска со прашањето за аферата од 200 милиони евра кој тој ја обелодени во јавноста за „Шик Јелак“ и бизнисменот Миодраг Давидовиќ – Дака, рече дека криминалот царува во Македонија, како и дека добил закани за да не го обелоденува скандалот, за кој сега се гледа дека бил направен криминал вреден 200 милиони евра од функционери на СДСМ и ДУИ. -Ако гледам од лична перспектива голема е сатисфакцијата затоа што точно е дека прв кој во јавноста излезе за тоа што ќе се случува во Тетово и кој криминал се спрема, но тоа беше негирано тогаш, а сега гледаме дека истото се потврдува, вели Николовски. Тој посочи во одговорот дека ако ја гледаме суштината факт е дека криминалот царува во Македонија, како и дека идеалите и идеите застануваат таму каде што започнуваат парите, а чесно ги слушаме ДУИ како велат што мислат за србите, што мислат за случувањата во Косово, но кога доаѓа екстремен бизнисмен во Македонија со торба пари за Теута Арифи и Советот на Тетово завршува се и тогаш започнуваат да се корумпираат, но истото важи и за СДСМ и за Зоран Заев. -Од една страна на Зоран Заев устата му е полна со геостратешките интереси на Македонија коишто ние како ВМРО-ДПМНЕ силно ги поддржуваме, но од друга страна на еден од најголемите екстремисти на Балканот којшто користи црни пари за финансирање на екстремизам му овозможуваат бизнис од 200 милиони евра, истакна Николоски. Николоски посочи дека кога тој го обелоденил скандалот станувало збор за црни пари од фирми во Панама, па сфатиле по тоа дека се извадени на чисто и нема поента да се кријат и затоа отидоа преку фирмата на Дака во Црна Гора. -Прв пат ќе кажам за јавноста јас добивав и закани да не го објавувам скандалот и аферата затоа што се работело за моќни луѓе, но ќе кажам дека кај мене закани не поминуваат и ќе продолжам да објавувам криминални афери секогаш кога ќе имам сознанија за истите, вели Николоски.

Стоилковски: ДКСК мора да отвори предмет за ДУП за ШИК Јелак!

Дарко Андоновски — Sun, 11 Oct 2020 12:20:12 +0000

Мега скандалот ШИК Јелак, е корупциски мега-скандал за кој што ДКСК не реагира, како што не реагира за ништо во делот на високата корупција во која што има индиции за вмешаност на лица од владата на СДСМ и ДУИ, ова денеска преку прес-конференција го истакна Наум Стоилковски од ВМРО-ДПМНЕ. -Во духот на антикорупциските политики во време на избори, недозволиво е да се прават и прифаќаат измени во Детален Урбанистички План, со кои што субјекти би се стекнале со огромна материјална корист, а за што веќе е познато во јавноста. Деталниот план за ШИК Јелак, оној за кој што Заев нарачал гласање во Тетовскиот совет веднаш по изборите, морал да добие одобрување од министерството за транспорт и врски, од тогаш министерот Горан Сугаревски од СДСМ. Барањето за одобрување на ДУП-от од Општина Тетово до Министерството на Сугаревски од СДСМ е поднесено на 21 февруари оваа година. Односно е поднесено шест дена, откако беа распишани изборите и беше распуштено Собранието на 15 февруари, оваа година! Министерството водено од СДСМ, тогаш од Сугаревски, го одобрува Планот на 28 февруари. Внимавајте, 400 страници документи за ДУП за 230.000 м2 со натамошна претпоставена добивка од 200 милиони евра! Се донесува за само 7 дена, од кои два се викенд, Министерството одобрува ДУП за згради со 2.000 станови, 8.000 претпоставени жители, каде што се вклучени и онаа нарачана бензинска пумпа, како и со најголемиот Трговски центар во Македонија! Сето тоа е разгледано и одобрено од Министерството на СДСМ за само 7 дена!, вели Стоилковски. Тој додава дека парламентарните избори годинава требаше да се одржат на 12 април. Одлуката за предвремените парламентарни избори е донесена на 15 февруари и тогаш се распушти Собранието. И од тогаш започнува тој предизборен период, предизборни правила за институциите на државата. -Според позитивните законски норми институциите на државата работат и одлучуваат исклучиво само и само за неопходни работи. Одобрување на ДУП не е итна и неопходна работа. Согласно законите, согласно духот на антикорупциските политики во време на избори, ова е корупциски скандал. За носењето на ДУП-от за Шик Јелак, тогашниот министер за транспорт и врски од СДСМ, Горан Сугаревски, влегува во сериозен скандал спротивно на антикорупциски дух, со што има сериозен судир со законот. Министерот на СДСМ одобрил ДУП за 7 дена во период кога се распишани избори. ДКСК мора да се издигне од скутот на Мафијата. За ШИК Јелак и инволвираните лица во скандалот има премногу докази за корупција, додава Стоилковски.

Што стои позади новиот ДУП за ШИК Јелак во Тетово? (ВИДЕО)

Ивана Ефремовски — Tue, 22 Sep 2020 09:55:20 +0000

На последниот попис пред речиси 20 години, Тетово имало 52.000 жители. Сега, со само еден ДУП, се прави место за уште 8 илјади луѓе или 1/6 плус на попишаните. Екологистите алармираат дека дотраената градска инфраструктура не може да издржи ваков удар, ИВЗ повикува да не се гради на место каде некогаш имало гробишта, а опозициската ВМРО-ДПМНЕ обвинува дека зад целиот проект се крие криминал во интерес на власта и на сомнителен бизнисмен. 360 степени направи истражување: Што стои позади новиот ДУП за ШИК Јелак во Тетово? Нивниот прилог, ви го пренесуваме во продолжение:

Николоски: Целиот случај околу ШИК Јелак мириса на корупција

Ивана Ефремовски — Tue, 22 Sep 2020 07:50:47 +0000

Александар Николоски, потпретседател на ВМРО-ДПМНЕ во интервју во емисијата „360Степени“ на Алсат М, вели дека постапката за носење на деталниот урбанистички план за ШИК Јелак мириса на корупција и судир на интереси, бидејќи како што рече Министерството за транспорт и врски одобрува Детален урбанистички план со 233.000 метри квадратни за само 7 дена, посочувајќи дека тој или воопшто не е прочитан или е донесен по нечија наредба. -Согласно законот кога ќе се распишат изборите, запираат сите активности освен оние кои што се неопходни. Изборите беа распишани на 15 февруари, на 21 февруари оваа година општина Тетово поднесува барање за одобрение до Министерството за транспорт и врски. Министерството за транспорт и врски одобрува Детален урбанистички план со 233.000 метри квадратни, само хартијата е околу 300 страни за само 7дена од кои што два се викенд, и на 28 февруари го дава одобрението во услови кога во Македонија човек за обичен документ му треба месец или два за да го извади, што е јасно дека воопшто не е прочитан тој Детален урбанистички план, туку по нечија наредба само е потпишан. И второ е период на распишани избори, што е класичен конфликт на интереси, вели Николоски. Николоски праша зошто Владата не отишла на наддавање на објектот како би постигнала повисока цена, како и зошто владата не инсистирала прво да помине овој Детален урбанистички план за да се качи вредноста на земјиштето, односно како што рече тој да владата да оди со јавно надавање каде што уште повисока цена би се постигнала и би оствариле намирување на долговите и работниците, и сите оние кои што беа доверители во ШИК Јелак. -Прашањето е зошто владата не отишла на надавање, како би можело да се постигне повисока цена, прва варијанта. Втора варијанта не ги понудила на Фондот за здравство, па Фондот за здравство окрупни таму и втора работа е зошто владата не инсистирала прво да помине овој Детален урбанистички план за да се качи вредноста на земјиштето, па потоа да оди или со подавање со непосредна спогодба со многу повисока цена или да оди со јавно надавање каде што уште повисока цена би се постигнала и би оствариле намирување на долговите и работниците, и сите оние кои што беа доверители во ШИК Јелак. Сето ова мириса на многу корупција и на многу судир на интереси, изјави Николоски.

Хајредини: Школски пример на корупција е продажбата на државното земјиште кај ШИК „Јелак“ во Тетово

Ивона Петрова — Wed, 16 Sep 2020 07:29:04 +0000

За поранешниот функционер и аналитичар Џевдет Хајредини, продажбата на државното земјиште во Тетово кај поранешен ШИК „Јелак“ е школски пример на корупција. -Школски пример на корупција од највисоко до најниско ниво е продажбата на државното земјиште кај поранешниот ШИК "ЈЕЛАК" во Тетово. Не држи објаснувањето на Премиерот Заев, кога вели "нека се гради во Тетово, нека се шири во периферија, доста е во центарот на градот". Во центарот на градот, г.Заев, Теута и тој пред неа, со помош на Сугарески, исто како и на Попова Шапка, направиле урбицид, пишува на Фејсбук аналитичарот Хајредини. За потсетување, пратеникот на ВМРО-ДПМНЕ Александар Велјановски истакна дека владата за три недели донела одлуки за продажба на ШИК „Јелак“, комбинатот за кој Дака во „бомбите“ пред изборите вели дека дал мито од 300.000 евра. ВМРО-ДПМНЕ за продажбата на земјиштето бара итна истрага од ОЈО. Велјаноски побара ЈО да ги гони премиерот Зоран Заев и поранешниот генерален секретар на Владата Драги Рашковски за злоупотреба на службената положба и овластување според член 353 од Кривичниот законик.

Заев го призна скандалот со Дака и најави нови ДУП-ови по принципот на ШИК Јелак

Ивана Ефремовски — Mon, 07 Sep 2020 14:32:32 +0000

Сопственоста на инвеститорот е остварена за време на ВМРО-ДПМНЕ, вели Заев за ШИК Јелак Почитувањето на неизнасилено градење мора да биде составен дел на урбанизмот, почитувањето на зелените површини, и соодветен број на паркинг места е законски императив вграден во македонските закони што треба да се почитуваат. Сето друго е голо политиканство. Уште еднаш го кажувам главниот факт на какво било обвинување. Сопственоста на тоа земјиште или акционерска сопственост која е затекната или создадена од инвеститорот, е за време на владеењето на ВМРО-ДПМНЕ. Ова денеска го изјави премиерот Зоран Заев, во одговор на обвинувањата од ВМРО-ДПМНЕ дека власта дозволила на земјиштето на контроверзниот црногорски бизнисмен Миодраг Дака Давидовиќ во околината на Тетово, да се градат станови. -Детални планови во РСМ од независноста до сега се носат и ќе се носат. Сопственоста на дотичниот господин во ШИК Јелак е остварена во 2014, 2015 година и слично, тука нема промена во некаков вид на сопственост. Урбанистичкиот план е вратен три, четири пати, како што се и другите со сите забелешки од страна на Транспорт и врски и на крајот на февруари оваа година е даден на согласност. На крајот нека се гради во Тетово, нека се шири во периферијата, доста е во центарот на градот со узурпацијата на сите места, оцени Заев. Изрази уверување дека ќе се донесе план и за Тутунскиот комбинат, за старата касарна, за развојот на стадионот, за болницата и здравствените аспекти во Тетово. -Наша задача е да отвориме простор да растат и да се развиваат градовите во перифериите, ШИК Јелак е на влезот во Тетово. Досега Тетово и многу други градови во нашата земја патат заради тоа што сите се втурнуваат да градат згради и други објекти строго во центар. Верувам дека сите општини ќе продолжат да носат колку што е можно побрзо и поефикасно детални урбанистички планови за развој на општините. Општините се тие кои го димензираат нивниот развој, Транспорт и врски дава согласност и така треба да продолжиме. Имаме општини во Скопје и во внатрешноста кои веќе две и пол години немаат донесено детален план, истакна Заев. Лидерот на ВМРО-ДПМНЕ Христијан Мицкоски денеска на прес-конференција истакна дека првиот ден од мандатот Заев и ДУИ не го искористиле да помогнат на народот туку да го сменат деталниот урбанистички план во Тетово, за да може на земјиштето на контроверзниот бизнисмен Дака да градат станови, бизнис вреден околу 200 милиони евра. За ова вчера обвини и потпретседателот на ВМРО-ДПМНЕ Александар Николоски, кој рече дека власта дозволила во земјава мултимилионски бизниси на контроверзни личности од регионот.

Доказ: Рашковски и Заев донеле Одлука за продажба на ШИК Јелак во Тетово, за што Дака тврди дека дал мито од 300.000 евра

Ристе Здравков — Sun, 28 Jun 2020 11:21:59 +0000

После аудио бомбата во која контроверзниот српско-црногорски бизнисмен Миодраг Давидовиќ ДАКА тврди дека исплатил 300 илјади евра на генералниот секретар на Владата на Заев, Драги Рашковски, клопчето почнува да се одмотува. Имено во разговор со Зоран Милески Кичеец бизнисменот Дака е лут затоа што и покрај тоа што исплатил голема сума, се уште не му е испорачано тоа кое што го договарал со Рашковски и Заев. „Ги знам тие ваши трикови. Јас вас ви дадов 300.000 евра и 2.000 квадрати, работата не е завршена, што сакате уште. Јас тебе (мисли на Кичеец) те исплатив и со тебе немам ништо“- вели Давидовиќ Дака, на што Милески одговара дека има работа сега со Рашкоски. Според аудио “бомбата“ Дака со Рашковски и Заев го договарал да го добие просторот на Шумарско индустрискиот комбинат “Јелак“ во Тетово кој е голем неколку илјади метри квадратни во непосредна близина на центарот на градот. Дака: И јас да дознаам пред недела дена од Рашковски, да сега треба да вршат процена на ШИК Јелак после три години.Не ме зафркавај Зоран, ме прашуваш зошто сум лут. После 3 години, кога беше ти, Здравко и Перовски, ми ветивте за 7 дена ќе ми кажеше колку чини остатокот од ШИК Јелак, дали е така? Точно или не е точно? Дали ми ветивте? Кичеец: тоа тој го кажа, не јас. Дака: Па чекај тоа е твој другар, јас немам ништо со него. Дали е точно дека направи нула до денес? Епа што има да зборуваме тогаш. Дека навистина се подготвувал бизнисот меѓу Владата со контроверзниот Миодраг Давидовиќ Дака потврдуваат официјални документи. На 115-та седница на Влада одржана на 15.01.2019 како 120 точка била разгледувана информација за имотот од стечајна постапка од должникот ШИК Јелак АД Тетово, со предлог-одлука за давање согласност со подавка преку нотар да се понуди дел од деловен простор на другите сосопственици на деловниот простор, при што ја усвоиле Информацијата и ја донеле Одлуката за давање согласност со подавка преку нотар да се понуди дел од деловен простор на другите сопственици на деловниот простор. Ова потврдува дека Владата била ангажирана да се даде имотот на ШИК Јелак, за кое зборуваат Дака и Кичеец, па сега на ред се истражните органи за откријат кога и каде се дадени 300 илјади евра и 2000 метри квадратни со цел овој бизнис да се доведе до крај. Во аудио бомбата Дака и Кичеец говорат дека задолжени за таа работа биле Заев и Рашковски и за истото Дака веќе исплатил огромна сума на пари.