шилегов петре – Kurir.mk

Советничка група на ВМРО-ДПМНЕ: Новиот градски превоз е нова лага на мрзливиот Шилегов, 4 години помина во лажни ветувања и нула резултати

Тале Кристо — Fri, 09 Apr 2021 20:58:47 +0000

Мрзливиот Шилегов 4 години помина во убави лаги и ветувања кои не ги реализира, реагираат од Советничката група на ВМРО-ДПМНЕ во Град Скопје. Ветувањето за нов градски превоз е нова лага на мрзливиот Шилегов. Четири години помина во лажни ветувања и нула резултати. Трамвајот на тркала кој го ветува Шилегов не е обмислен проект и единствено го користи за предизборен маркетинг. Дополнително нема никаква студија за компатибилност со градскиот сообраќај како и можности за посебна инфраструктура. Шилегов не успеа да си го оствари ветувањето за подземни контињери, а не пак да прави трамвај на тркала. Човекот потроши повеќе време за лажење од тоа што троши за работа, се вели во реакцијата на Советничка група на ВМРО-ДПМНЕ.

Шилегов ќе прави од симболот на Скопје Универзална сала – Jавна соба

Тале Кристо — Thu, 17 Dec 2020 09:23:49 +0000

Вечерва во Скопје треба да се одржи интересен перформанс со почеток во 18:00 часот со кој треба да се разбие монотонијата поради коронавирусот, пишува порталот Нетпрес. „Пет девојки пред жешките излози на Универзална сала кои за момент ќе Ви го доближат шармот на улицата на црвените фенери со борделите во Амстердам, но и на времето кога Скопје живеело боемски живот и се будело со првиот мрак и посетите на атрактивните сексуални работнички“, се вели во обајвата за настанот на Фејсбук. Освен тоа, овој тричасовен перформанс преку директен пренос ќе може да го следите на фејсбук страната на STAR – The First Sex Workers Collective in the Balkans и на партнерите, ХОПС – Опции за здрав живот Скопје и Коалиција Маргини. Сексуалната работа во нашето општество е заградена со непробоен ѕид од предрасуди. (И)легалниот статус, потешкиот пристап до здравствените услуги, големата изложеност на насилство и етикетирањето се причината да ги губиме основните човекови права. Секојдневно сме изложени на насилство не само од своите клиенти туку и од органите на безбедноста, кои би требало да не заштитат. Голем дел од предизвиците за човековите права, слабостите и бариерите со кои се соочуваме ние сексуалните работници се должат на криминализацијата, рестриктивните закони, регулативи и практики. На оваа неправда Ве потсетуваме секој 17-ти декември, но овој пат похрабри, борбени, гласни, шармантни, силни, со совети како да си го зачувате здравјето!“, се вели во објаснувањето на овој настан. Второто издание на SKOPJE RED LIGHT DISTRICT 2020 во организација на СТАР – Прв колектив на сексуални работници на Балканот, ХОПС – Опции за здрав живот Скопје и Коалиција МАРГИНИ , е поддржано од Фондација Отворено општество – Македонија и SWAN – Sex Workers’ Rights Advocacy Network и се организира во рамки на Меѓународниот ден за СТОП на насилството врз сексуалните работници. Настанот ќе се организира во согласност со сите важечки протоколи и мерки за организирање на настани од овој тип, со строго почитување на мерките за заштита од ширење на КОВИД-19 вирусот. Извор: Нетпрес.мк

Се слават 40 години од прогласувањето за почесен граѓанин на Мајка Тереза, на која градскиот „татко“ Шилегов веднаш би и го срушил споменикот во изградба

Љупчо Цветаноски — Sat, 27 Jun 2020 09:10:22 +0000

Пред спомен-плочата на Мајка Тереза на плоштадот во Скопје, Институтот за духовно и културно наследство на Албанците – Скопје и Граѓанската асоцијација „Скопјанката Мајка Тереза“ – Скопје, денеска ќе ја одбележат 40-годишнината од нејзиното прогласувањето за почесен граѓанин на Град Скопје.

Ќе биде откриен натписот на спомен плочата, а од Институтот ќе информираат за финализирањето на процесот на институционализација на Одделот за наследството на Гонџа Бојаџиу.

Оваа активност е и во соработка со Универзитетот „Мајка Тереза“ – Скопје, НУ Спомен куќа на Мајка Тереза – Скопје, Хуманитарното здружение „Мајка Тереза“ – Струга и Агенцијата за примена на јазикот. Претходно, малку пред да се зарази со КОВИД-19, градоначалникот на Скопје, Петре Шилегов изјави дека ако Владата распише конкурс за пренамена на недоизградениот споменик на Мајка Тереза, тој ќе учествува со идејно решение за изградба на улица. Откако од Министерството за култура најавија дека наскоро ќе распишат конкурс за избор на идејно-архитектонско решение за пренамена на објектот, градоначалникот Шилегов не се откажува од намерата споменикот да се урне бидејќи наводно бил дивоградба изградена сред улица која го блокирала влезот на Плоштадот Макеоднија, наводно кршејќи го Уставот и низа закони. „Ако Владата наместо да го урне распише конкурс за решение во што да се пренамени објектот, тогаш Град Скопје ќе конкурира со идејно решение за улица. Доколку се оспорува можноста Градот како институција да учествува на јавниот конкурс, тогаш јас лично како граѓанин ќе доставам проект за изведба на улица. Бидејќи во конкурсот ќе има и награди, парите од наградата доколку решението за ослободување на овој простор победи, а се надевам дека ќе победи, ќе бидат наменети токму за изградба на улицата“,изјави Шилегов, кој набрги по тоа заболе од корона.