Шимон Марчињак – Kurir.mk

УЕФА го одбра главниот судија кој ќе го суди големото финале во ЛШ

Бошко Тасиќ — Tue, 23 May 2023 04:39:38 +0000

Шимон Марчинјак ќе ја има честа да биде главен судија на големото финале од Лигата на Шампионите што на 10 јуни ќе се игра во Истанбул, каде силите ќе ги одмерат екипите на Манчестер Сити и Интер. Полскиот арбитар важи за еден од најдобрите во Европа во последните години, во декември тој беше главен судија на големото мундијалско финале меѓу Аргентина и Франција, за сега да добие шанса да го води и натпреварот за европската круна меѓу Сити и Интер. Тој е меѓународен судија уште од 2011 година, во 2018 беше четврти судија на големото финале на ЛШ, а ова ќе му биде прв финален меч како главен судија во елитното европско фудбалско натпреварување. Марчињак сезонава делеше правда на осум натпревари од Лигата на Шампионите, меѓу нив и реваншот од полуфиналето меѓу Манчестер Сити и Реал Мадрид што „граѓаните“ го добија со убедливи 4-0. Ентони Тејлор од Англија е избран за главен судија на финалето од Лигата на Европа меѓу Рома и Севилја (31 мај, Будимпешта), додека Шпанецот Карлос дел Черо Гранце ќе биде задолжен за делење на правдата во финалето од Конференциската Лига на УЕФА меѓу Фиорентина и Вест Хем (7 јуни во Прага).

Колина: Арбитарот беше подобар од технологијата

Бошко Тасиќ — Mon, 19 Dec 2022 06:06:55 +0000

Шимон Марчињак од Полска беше судијата кој досуди еден пенал за Аргентина и два удари од белата точка за Франција во финалето на Светското првенство во Катар. Дуелот во регуларните 90 минути заврши 2:2, потоа во дополнителните 30 минути двата тима постигнаа уште по еден гол, за да на крајот на пенали Аргентина стана светски шампион. Францускиот селектор Дидие Дешамп имаше забелешки за судењето, но со него не се сложува првиот човек од судиската комисија на ФИФА, Пјер Луиџи Колина. Легендарниот италијански арбитар вели дека Марчињак одсудил перфектно во финалето. „Беше подобар и од технологијата“, рече Колина на прашањето да даде оценка за судијата и неговите одлуки.

Познат судијата за финалето меѓу Франција и Аргентина

Бошко Тасиќ — Fri, 16 Dec 2022 06:10:44 +0000

Полските медиуми откриваат дека нивниот судија Шимон Марчињак ќе застане на центарот на финалето на Светското првенство. Полјакот е познат по тоа што сака цврста игра. Тој нема покажано црвен картон цела тековна сезона, а важи за еден од судиите со најголемо искуство кои беа дел од Мундијалот. Аргентина и Франција ќе се соочат во мечот за титула в недела на „Лусаил Иконик“ во Лусаил.