шипка – Kurir.mk

Посебно е важно да го пиете во овој дел од годината: Зошто ви е толку потребен чајот од ШИПКА?

Ивана Ефремовски — Fri, 07 Oct 2022 13:21:16 +0000

Чајот од шипка е исклучително здрав, па затоа пијте го често. Помага со големата количина витамин Ц, има повеќе од лимонот портокалот и пиперката заедно, па супер е за имунитет и против настинки и грипови во периодот на есен и зима. Делува како природен аналгетик. Поради големите количини витамин Ц исто така се препорачува да се консумира и за време на настинките, вирусните инфекции или грипот. Тој се користи за низа стомачни проблеми како грчеви, намалување на желудочната киселина, иритацијата и чир во желудникот. Бидејќи ги олеснува и дигестивните проблеми, тој се пие и за дијареја и за тврда столица. Благотворно делува при сите проблеми поврзани со камења и песок во жолчката. Исто така се користи и за детоксикација на црниот дроб.

Со железна шипка и безбол палка нападнати две лица во својот дом

Тале Кристо — Sat, 25 Apr 2020 12:34:35 +0000

На 24.04. во 17.50 часот во Полициско одделение Групчин лицето И.М. (43) од село Добарце пријавил дека истиот ден тој и неговиот внук биле физички нападнати од страна на лицата А.А. и Ф.А. Имено околу 09,00 часот најпрво во неговиот двор влегло лицето Ф.А. кој побарал од неговиот внук Е.М. да си го чува врзано кучето во дворот затоа што му влегувало кај него дома по што ненадејно му удрил тупаница на Е.М. Неколку часа подоцна, поточно околу 15,30 часот, кај пријавителот дошол и синот на Ф.А., А.А. кој реагирајќи дека неговиот татко бил навредуван исто така му удрил една тупаница на И.М. Потоа расправијата продолжила во физичка пресметка- тепачка во која што Ф.А. и А.А. со железна шипка и безбол палка ги нападнале Е.М. и И.М. По настанот И.М побарал лекарска помош во Клиничка болница Тетово каде биле констатирани видливи повреди во пределот на лицето, како и скршеница на прст од десната рака. Се работи на целосно расчистување на случајот.

Набери здравје: Шипка (народно Шипци) Latin. Rosa canina

Катерина Бојаџиева — Tue, 17 Sep 2019 10:12:43 +0000

Шипка (народно Шипци) (Latin. Rosa canina) е диво грмушесто бодликаво растение од родот на розите и е едно од најлековиттите овошја во светот. Плодовите на шипката се богати со антиоксиданси со благотворното дејство на кардиоваскуларниот, нервниот и коскениот систем. Во практика се покажало дека дневна доза од екстракт на шипки, во вид на чај или мармалад, може да помогне во намалувањето на крвниот притисок и нивото на холестерол во крвта. Научниците сметаат дека шипките го намалуваат ризикот од срцеви заболувања кај дебелите луѓе за 17 проценти. Покрај користа за срцето и крвните садови, состојките на шипките го инхибираат растот на ракот на дојката, простатата, дебелото црево, леукемијата и ги спречуваат промените кои го поттикнуваат растот на туморот. Шипките се богати со витамин Ц и се сметаат за одлично средство против воспалителни процеси, а богати се и со витамин Б5, калиум, природни феноли како што се елагитанин и флавоноид. Шипките содржат и фитохемикалии кои го поттикнуваат создавањето на серотонинот за подобро расположение и естрогенот кој е одговорен за коскената маса. Ова откритие е многу важно за превенција на остеопорозата. За подигање на имунитетот и превенција на здравствените проблеми стручњаците препорачуваат дневна доза од 2,5 децилитри свеж сок или квалитетен купечки сок од шипки. Подготовката на шипките во домаќинството е голема, од нив може да се направи мармалад, желе, колачи, меласа, сокови, ликери, вино и чај. Поради сите овие специфики Шипката се смета за симбол на вечниот живот, плодноста и здравјето. Во Делчево, Пијанец и поширокиот Брегалнички регион, шипката е присутна во изобилство во природата како диво некултивирано растение и е достапно на сите љубители на производите од шипка да дојдат и самите да си наберат од неговите плодови. Превземно од Брегалнички.мк.

Македонец притворен во Будва, го претепал својот цимер од Македонија со метална шипка

Катерина Бојаџиева — Thu, 31 Jan 2019 11:57:53 +0000

Македонскиот државјанин, З.Д. (50) заработи притвор во траење од еден месец откако вчера околу 19 часот, во населбата Велји Виногради во Будва, со метална шипка го нападнал својот цимер, исто така македонски државјанин. -Од силината на ударот, претепаниот маж паднал на асфалтот. Затекнат е како лежи во локви крв на улица, по што му е укажана лекарска помош. Констатирани му се тешки повреди на главата. Полицијата успеа да го пронајде и уапси напаѓачот, пишуваат медиумите во Подгорица.