шипковица – Kurir.mk

Издадени наредби за испитување на несреќата во Шипковица во која загинаа двајца работници

Катерина Бојаџиева — Sat, 15 Jul 2023 09:48:00 +0000

Јавен обвинител од Основното јавно обвинителство Тетово изврши увид на лице место во Шипковица, каде при изградба на потпорен ѕид вчера загинаа двајца работници. Издадена е наредба за обдукција на телата на починатите, а јавниот обвинител нареди да се обезбеди и целокупната документација од правниот субјект кој ги ангажирал работниците, како и документацијата од општината поврзана со изградбата на ѕидот. На лице место беше повикан и Државниот трудов инспекторат, кој ќе изготви извештај. Во насока на утврдување на причините и проверка на целиот настан, се испитуваат повеќе лица.

Кривична пријава за измама против жител од тетовска Шипковица

Тале Кристо — Fri, 08 Jul 2022 15:42:56 +0000

СВР Тетово поднесе кривична пријава против А.Ј.(59) од с.Шипковица, тетовско, поради постоење основи на сомнение за сторено кривично дело „измама’’. Во текот на мај 2021 година, пријавениот од Н.М.(50) од с.Вешала зел одредена количина градежен материјал, но и покрај договореното, не го платил.

ВОЗАЧИ ВНИМАТЕЛНО: Поради магла намалена е видливоста на овие патни правци

Магдалена Андонова — Mon, 07 Mar 2022 18:00:02 +0000

Поради магла вечерва намалена видливост од 30 до 50 метри има на патот од село Шипковица до Попова Шапка, а на планинскиот превој Стража видливоста е намалена од 50 до 100 метри, информира Авто мото сојузот на Македонија. На останатите патни правци сообраќајот се одвива по влажни коловози, а на повисоките места наместа има остатоци од кашест снег на коловозот. Интензитетот на сообраќајот надвор од градските средини е умерен. (МИА)

Лице од Шипковица на разговор во полиција за пожарот на влезот од селото

Тале Кристо — Wed, 11 Aug 2021 10:44:55 +0000

Во врска со пожарот кај влезот во тетовското село Шипковица, пријавен вчера во 19.40 часот во Полициското одделение Попова Шапка, полициски службеници го затекнале Н.Б.(58) од Шипковица, кој во дворот на угостителски објект што граничи со шумата, запалил смет и други отпадни работи. – Пожарот бил изгаснат, а повредени лица нема. Во кооординација со Јавен обвинител со него е извршен службен разговор, а по целосно расчистување и документирање на случајот ќе следува соодветен поднесок, соопштија денеска од МВР.

Петчлено семејство од Шипковица ја изгуби куќата во пожар

Предраг Кукиќ — Sun, 04 Aug 2019 08:01:55 +0000

Два објекта, една куќа и една плевна, изгореа во пожари во Шипковица и Горни Челопек. Повредени нема, причинета е само материјална штета. Како што информира командантот на тетовската противпожарна единица Ука Алити, едниот пожар избувнал вчера, а другиот рано утринава. -За пожарот во Шипковица е пријавено околу 15 часот. На интервенција заминаа пет пожарникари со две возила. Во куќата живееше петчлено семејство, изјави Алити. Пожарот во Горни Челопек е пријавен ноќеска во 01:00 часот. Во објектот кој се користел како плевна за чување добиток и сточна храна е интервенирано со пет возила и седум пожарникари.

ТВ Алсат М: Во тетовско Шипковица мечка превртувала гробови и јадела од покојниците

Предраг Кукиќ — Thu, 01 Aug 2019 15:14:19 +0000

Жителите на тетовското село Шипковица, кое се наоѓа на падините на Шар Планина, деновиве наоѓале отворени гробови и човечки коски расфрлани низ гробиштата, објави ТВ Алсат-М. Според очевидци, штетата ја предизвикувала мечка, која ги кревала надгробните плочи и ги јадела остатоците од покојниците. Жителите се вознемирени од помислата дека мечката би можело да нападне и жители на селото и бараат помош од Министерството за земјоделство и шумарство, како и од СВР Тетово.