шишево – Kurir.mk

Без вода Матка, Глумово, Шишево и дел од Сарај

Дарко Андоновски — Mon, 14 Aug 2023 07:30:45 +0000

Поради уличен дефект на водоводна цевка на патот за с. Арнакија, без бода од 08:30 часот ќе бидат корисниците од селата Матка, Глумово, Шишево и дел од населбата Сарај, соопшти ЈП Водовод и канализација - Скопје. Водоснабдувањето ќе биде прекинато до отстранување на дефектот.

Извршен претрес во Шишево, пронајдена дрога

Ивона Петрова — Thu, 03 Dec 2020 11:34:58 +0000

Полициски службеници од СВР Скопје – Единица за недозволена трговија утринава во селото Шишево, скопско, врз основа на судска наредба извршиле претрес во домот на С.Т.(25). При претресот била пронајдена и одземена марихуана и предмети со остатоци од марихуана. Како што информираат од МВР, С.Т. бил приведен во полициска станица. По целосно документирање на случајот против него ќе биде поднесена соодветна пријава.

Без струја утре индустриски објекти во Шишево, Глумово и Матка

Тале Кристо — Fri, 24 Jul 2020 06:26:26 +0000

Без струја утре од 08:00 до 10:00 часот ќе останат корисниците од индустриските објекти во селата Шишево, Глумово и Матка во Општина Сарај. Регионалниот центар за управување со кризи денеска соопшти дека прекинот во снабдувањето со електрична енергија е поради планирани технички зафати во електро-системот на град Скопје од страна на „ЕВН Македонија“ АД.

Стојановски: Во 21-ви век жителите на Горна Матка, Долна Матка и Шишево немаат воопшто вода за пиење

Тале Кристо — Mon, 29 Jun 2020 15:48:39 +0000

Веќе 3 ден во 21век граѓаните на Горна Матка, Долна Матка и Шишево немаат воопшто вода за пиење или имаат мал притисок недоволен ни за раце миење. Замислете на 35 степени едно домаќинство да нема вода за било какви потреби. Ова е доказ дека власта не се грижи за основните потреби на граѓаните, обвинува кандидатот за пратеник од редовите на ВМРО-ДПМНЕ во ИЕ1 Мартин Стојановски. Ги повикуваме надлежните институции да излезат веднаш на терен и да го решат проблемот на граѓаните, пишува во својата објава Стојановски.

Еден обвинет за убиство и за обид за убиство кај Шишево

Ивона Петрова — Wed, 08 Apr 2020 08:19:27 +0000

Основното јавно обвинителство Скопје поднесе обвинителен акт против едно лице обвинето за убиство и обид за убиство, кое на 2 март минатата година со употреба на огнено оружје – полуавтоматски пиштол, со умисла лишил од живот едно лице, а уште едно се обидел да го лиши од живот, на локалниот пат меѓу селата Шишево и Глумово. -На критичниот ден, тој со својот автомобил го пресретнал автомобилот во кој се наоѓале двајцата оштетени заедно со уште едно лице – сведок на настанот и започнал вербална расправија. Во момент кога еден од оштетените започнал да се враќа кон своето возило за да влезе, обвинетиот му се приближил на кратко растојание и испукал кон него еден проектил од пиштолот, нанесувајќи му тешка телесна повреда во вид на огнострелна рана во пределот на главата. Потоа тргнал да се пресмета и со вториот оштетен. Сведокот се попречил меѓу нив, но обвинетиот му наредил да се тргне. За тоа време, оштетениот започнал да бега, па обвинетиот се стрчал и испукал повеќе проектили кон него, нанесувајќи му две огнострелни повреди. Како последица на овие повреди, оштетениот починал непосредно по приемот во болница, информираат од ОЈО. По настанот, обвинетиот се дал во бегство и една година беше недостапен на органите на прогонот. Надлежниот јавен обвинител до Основниот кривичен суд Скопје достави и Предлог за продолжување на претходно определената мерка притвор за обвинетото лице поради опасност од бегство, можност да ја попречува кривичната постапка со влијание врз сведоците и вештите лица, како и да го повтори делото. Лицето се товари за кривично дело – Убиство од член 123 став 1 како и за кривично дело – Убиство од член 123 став 1 во врска со член 19 (во обид) од Кривичниот законик.

Пет дена по убиството во Шишево, убиецот на младото момче и натаму е на слобода

Дарко Андоновски — Wed, 06 Mar 2019 20:07:03 +0000

Пет дена по убиството на 20 годнишното момче Ајдин Ајдини од Шишево, убиецот е се уште на слобода. Републичкиот јавен обвинител Љубомир Јовески вели дека тој случај се уште не пристигнал до Јавното обвинителство, пренесува ТВ 21. „МВР околу настанот собира доболнителни податоци и кога ќе ги собере сите податоци за да биде на ниво на кривична пријава ќе достави до ЈО“, рече Јовески. Иако Јовевски тврди дека имаат добра соработка со МВР, пред два дена министерот за внатрешни работи изјави дека против истото лице во 2014 година и во декември 2018 година поднесена е кривични пријави до Јавното обвинителство за носење оружје. „Таа постапка наместо да заврши со притвор оди по редовна постапка и тој е на слобода. Постојат многу вакви активности и тоа покажува дека мора системот да јакне. МВР не е безбедноста во државата сама по себе, МВР сме сите ние. Безбедноста во државата сме сите ние. Граѓаните и другите институции треба да преземат мерки од сопствена надлежност ако сакаме да бидеме ефикасни“, изјави Спасовски. Во 2018 година имало 18 убиства од кое едно не е расчистено. Само во изминатиот викенд се случија 3 убиства, по едно во Скопје, Тетово и Струга. Извор: ТВ 21

Запален автомобил „БМВ“ во Шишево

Дарко Андоновски — Sat, 11 Aug 2018 09:38:10 +0000

Непознати сторители утрово во село Шишево потпалиле автомобил марка „БМВ“ во сопственост на С.Т. од Шишево. Минситерството за внатрешни работи соопшти дека утрово околу 04.30 часот во центарот на село Шишево, Скопско, било опожарено патничко возило „БМВ“ со скопски регистарски ознаки, сопственост на С.Т. од село Шишево. Според пријавата, непознати лица најверојатно го полиле со запаллива течности и го опожариле во предниот дел, по што побегнале во непознат правец.Од сопственикот на возилото пожарот бил изгаснат. Увид ќе се врши во текот на денот. Се преземаат мерки за расчистување на случајот.