Му платиле половина милион евра за убиство на водачот на шкаљарскиот клан кој од безбедносни причини користел македонски пасош

Магдалена Андонова — Sat, 24 Oct 2020 09:23:13 +0000

Платениот убиец од Никшиќ Петар Мујовиќ 19), кој беше уапсен пред три дена, на полициското рочиште призна дека му биле исплатени половина милион евра за убиството на водачот на шкаљарскиот клан, Јован Вукотиќ. Како што се наведува, осомничениот признал дека се согласил да го убие Вукотиќ и дека го следел десет дена. Тој и објасни на полицијата како го следел Вукотиќ и го чекал вистинскиот момент да го убие. За истражителите, оперативно, нема сомнение дека Вукотиќ требаше да биде нова жртва на војната на кавачкиот и шкаљарскиот клан, пишуваат медиумите во Подгорица. Планот на Петар Мујовиќ бил спречен од телохранителот на Вукотиќ, кој забележал возило што ги следи до полициската станица во Котор, каде што Вукотиќ бил повикан да сведочи. Според црногорските медиуми, додека Вукотиќ бил во полициската станица Мујовиќ бил разоружан пред зградата на полицијата. Кај него е пронајден пиштол со избришан фабрички број, 14 парчиња муниција и еден куршум во цевката, што значи дека тој бил подготвен да пука. Според нив, кај него бил пронајден криптиран телефон. Јован Вукотиќ беше уапсен во 2018 година во Турција, а потоа беше депортиран во Србија, каде беше осуден на 15 месеци затвор за употреба на македонски пасош на туѓо име. За време на судењето во Белград, тој призна дека го користел тој пасош од безбедносни причини. За време на неговиот престој во екстрадициониот притвор, беше уапсена група која подготвуваше негова ликвидација додека е во затвор со труење со цијанид. -Повеќе нема да го оставам животот во ничии раце. Ако нешто ми се случи, моето семејство и пријателите ќе ја сметаат полицијата за директно одговорна, рече Вукотиќ по апсењето на Петар Мујовиќ во Котор. Во прилог на информацијата дека Мујовиќ го следел Вукотиќ со куршум во цевката со цел да го убие, како што велат, е и фактот дека тој е брат на висок позициониран член на кавачкиот клан.

Брутална ликвидација среде Атина: Овие водачи на црногорскиот клан се убиени пред своите деца (ВИДЕО)

Ивана Ефремовски — Mon, 20 Jan 2020 09:31:22 +0000

Водачите на Шкаљарскиот клан, Игор Дедовиќ (43) и Стеван Стаматовиќ (43) се убиени вчеравечер во Атина. Маскирани лица пукале во нив додека со сопругите и децата седеле во ресторан. Една жена е повредена при пукањето и веднаш е пренесена во болницата во Атина, но нема информации дали се работи за сопруга на еден од убиените водачи на кланот. Според информациите на српските медиуми, во ресторанот влегле четири маскирани лица и извадиле автоматски пушки на маса на која седеле десет луѓе. По убиството, маскираните избегале со автомобил. Грчките медиуми пак, известуваат за убиството на двајцата водачи на нарко-дилерски клан како масакр во ресторан и невидено дивеење пред голем број гости кои за малку не настрадале. Дедовиќ го зазеде водечкото место на Шкаљарскиот клан по апсењето на Јован Вукотиќ, а имаше и издадено потерница против него за обид за двојно убиство врз Војин Ступар и Милош Радоњиќ, луѓе блиски до Кавачкиот клан во март 2016 година во Котор. Српските истражни органи Дедовиќ го поврзуваа со шверц на тони кокаин најден во Црна Гора минатата година. Стеван Стаматовиќ пак, важеше за водач на загоричани, криминална група од Подгорица која блиску соработувала со Шкаљарскиот клан.

Шкаљарскиот клан – Kurir.mk

Му платиле половина милион евра за убиство на водачот на шкаљарскиот клан кој од безбедносни причини користел македонски пасош

Брутална ликвидација среде Атина: Овие водачи на црногорскиот клан се убиени пред своите деца (ВИДЕО)