шкендија – Kurir.mk

Струга ТЛ со победа ја почна одбраната на титулата, Шкендија единствена со гостински триумф

Тале Кристо — Sun, 06 Aug 2023 18:31:47 +0000

Со петте денешни натпревари од првото коло почна новата сезона во Првата македонска фудбалска лига. Шампионот Струга Трим Лум ја оправда фаворитската улога против Гостивар. Домашниот терен го одбранија уште и АП Брера, Брегалница и Тиквеш, додека единствено Шкендија ги освои бодовите на страна. Резултати 1. коло во ПМФЛ сезона 2023/24: АП Брера Струмица – Вардар 1:0 Брегалница – Силекс 2:1 Струга ТЛ – Гостивар 2:0 Тиквеш – Македонија ЃП 1:0 Воска Спорт – Шкендија 0:1.

Шкендија со минимална предност ќе оди на реваншот во Велс

Тале Кристо — Thu, 13 Jul 2023 20:14:44 +0000

Шкендија вечерва во Скопје го победи Хаверфордвест од Велс со 1:0 во првото квалификациско коло на Конференциската лига на УЕФА. Стрелец на единствениот гол на натпреварот одигран на Национална арена „Тодор Проески“ беше Аденис Шаља во 47. минута. Од македонските претставници во оваа натпреварување, во текот на денешниот ден Шкупи забележаа убедлива победа со 5:0 на гостувањето во Каунас против Хегелман, додека Македонија ЃП во Скопје загуби од РФС Рига (Летонија) со 0:1. Реваншите се по седум дена.

Шкендија ја победи Брегалница во Купот на Македонија за пионери

Тале Кристо — Wed, 17 May 2023 15:48:23 +0000

Фудбалерите на Шкендија забележаа победа над Брегалница со 3:2 попладнево на тренинг-центарот „Петар Милошевски" во Скопје во финалето во првата од четирите во младински категории во Купот на Македонија. Во неизвесен натпревар и ефикасен натпревар, пионерите на Шкендија го отворија резултатот преку Албион Муслиу во 4. минута. Штипските плави брзо успеаа да ги консолидираат своите редови по раниот примен гол и само 7. минути подоцна успеаа да израмнат на 1:1 преку Александар Нехтенин. Шкендија преку Хисар Али успеа повторно да поведе во 33. минута, а Едис Бајрами со гол во 43. минута успеа да ја зголеми предноста на 3:1 и со тој резултат да се замине на полувреме. Во продолжението од натпреварот, Брегалница се обидуваше да се врати во игра, создаваше можности, но на крајо успеа да постигне само еден погодок, доволен за намалување на предноста на противникот. Стефан Антониев го постигна вториот погодок на Брегалница и ги постави конечните 3:2.

Ќатип Османи ја напушти Шкендија

Бошко Тасиќ — Mon, 15 May 2023 04:27:34 +0000

По завршувањето на сезоната во ПМФЛ оставка од клупата на Шкендија поднесе Ќатип Османи. Османи е човекот кој во минатото ги донесе најголемите успеси на Шкендија. Во изјава за клупскиот сајт по мечот со Работнички Османи се заблагодари и потврди дека си поднесува оставка. „Игравме со комбиниран тим и сепак мислам дека ја заслуживме победата. Мислам дека секогаш може подобро. Но, она што е поважно во овој момент е дека ова беше последен натпревар за мене како тренер на Шкендија. Во оваа прилика сакам да им се заблагодарам на сите за поддршката. Ја имав оваа година, почнувајќи од економистите, медицинскиот персонал, техничкиот персонал, раководството, јавноста, „Балистите“ и можеби уште поважно компанијата „Еколог“ која континуирано со години инвестира во овој тим за да изгради европски клуб“, изјави Османи. Набрзо по изјавата на Османи, Шкендија потврди дека ја прифаќа оставката и во наредниот период ќе се фокусира на пронаоѓање на нов стратег.

Шкендија го расипа максималниот ефект на домашните екипи во 29. коло на ПМФЛ

Тале Кристо — Wed, 26 Apr 2023 16:14:16 +0000

Шкендија и Силекс одиграа нерешено без голови во дербито на 29. коло на Прва македонска фудбалска лига. Ова беше единствениот натпревар од денешните пет прволигашки кој заврши без победа на домашната екипа. Постигнати резултати: Академија Пандев – Победа 2:0 Македонија ЃП – Скопје 2:1 Шкендија – Силекс 0:0 Шкупи – Брегалница 3:0 Струга – Тиквеш 2:0. Слободен во ова коло беше Работнички. Табела: Струга 56 бодови, Шкендија51, Шкупи 49, Силекс 44, Брегалница 37, Македонија ЃП 36, Тиквеш 31, Работнички 31, Академија Пандев 26, Скопје 19, Победа 13.

Трагедија: Загина таткото на репрезентативецот Дашмир Елези, несреќа на пат кон Македонија

Ивана Ефремовски — Fri, 09 Dec 2022 18:44:28 +0000

Ужасни вести денеска доаѓаат од Бугарија, од Пловдив. Во тешка сообраќајна несреќа денеска во околината на тој град загина таткото на нашиот младински репрезентативец и мега – талентот на Шкендија, Дашмир Елези, пренесе СпортМедиа. Инаку како што јавуваат медиумите во Бугарија, до несреќата дошло кога БМВ во кое бил таткото на фудбалерот, Скендер Елези, се судрил директно со камион од спротивниот правец. Трагедија, уште повеќе ако се знае дека загинатиот Скендер Елези денеска полнел 40 години. Инаку таткото на Елези и уште едно лице прво го однеле Дашмир во бања каде што тој се сместил, за да потоа на враќање кон Македонија се случила страшната несреќа. ФОТО: Plovdiv24.bg

Шкупи ја доби казната за инцидентот со Шкендија во Купот на Македонија

Ристе Здравков — Wed, 30 Nov 2022 17:42:53 +0000

Екипата на Шкупи ја доби казната за инцидентот кој неговите навивачи го направија на средбата со Шкендија во четврфиналето на Купот на Македонија. Чаирчани таа средба ја загубија на зелена маса со службени 3-0, но тоа беше само почеток на санкцијата која сега ја одреди Дисциплинската комисија при Фудбалската федерација на Македонија. Актуелниот шампион е казнет со шест натпревари неиграње на Чаир и ќе мора да биде домаќин 100 километри надвор од Скопје. Ова е казната за Шкупи кој дуелот со Скопје го играше во Кичево, па се очекува да ги пречекува противниците во овој град.

Шкендија и гостува на Струга во дербито на 15 коло

Тале Кристо — Sat, 12 Nov 2022 10:07:37 +0000

Четири натпревари се на програмата попладнево од 13 часот во рамки на 15 коло во Првата македонска фудбалска лига (ПМФЛ), а дербито се игра во Струга каде лидерот ја пречекува второпласираната Шкендија. Гостите од Тетово со евентуален триумф ќе се израмнат на првото место на табелата со Струга, која е во серија од пет натпревари без победа. Актуелниот шампион Шкупи, поради суспензијата изречена по инцидентите на куп натпреварот против Шкендија, во Кичево ќе му биде домаќин на Скопје, додека Академија Пандев во Струмица е домаќин на Силекс, а Работнички му гостува на Тиквеш во Кавадарци. Колото ќе биде комплетирано со утрешниот дуел во Скопје меѓу Македонија ЃП и Брегалница. Слободна во ова коло е Победа. На тебалета води Струга со 27 бодови, пред Шкендија со 24, Силекс 23 и Шкупи со 22 бодови.

Службена победа за Шкендија, суспендиран стадионот на Шкупи

Дарко Андоновски — Wed, 09 Nov 2022 16:50:34 +0000

Комисијата за натпреварување на ФФМ вечерва на вонредна седница по повод денешните инциденти на четвртфиналниот куп натпревар меѓу Шкупи и Шкендија го регистрираше дуелот со службената победа на гостинскиот тим од 3-0. Теренот на Шкупи, како што официјално е соопштено, се суспендира за одигрување првенствени и куп натпревари, а актуелниот шампион е предаден на натамошна постапка на Дисциплинска комисија на ФФМ. Шкупи мора да пријави терен за одигрување на натпреварите како домаќин најмалку 100 километри оддалечен од стадионот Чаир во Скопје. Натпреварот меѓу Шкупи и Шкендија беше прекинат непосредно по водечкиот гол на гостите во 10 минута, кога група навивачи на домашниот тим влегоа на теренот со намера физички да се пресметаат со гостинските фудбалери.

(ВИДЕО) ФФМ и МВР сега вие сте на потег: СРАМОТ на Чаир заслужува ЖЕСТОКА реакција

Ристе Здравков — Wed, 09 Nov 2022 13:17:38 +0000

Мечот помеѓу Шкупи и Шкендија од Купот на Македонија не дочека да се одигра ни едно полувреме. Буквално фудбалерите од Тетово спасуваа жива глава од стадионот во Чаир. Специјалците на МВР со жив штит и крајни напори некако успеаа да ги изнесат од теренот. Мечот за среќа се снимаше и пренесуваше, па сведоци сме што се случи. Бројни навивачи на клубот од Чаир влетаа во терен и видно пред камери нападнаа фудбалери на тимот од Тетово. Се уште нема информации за повредени иако се очекува да има со оглед на нерeдите Епа господо од МВР и ФФМ сега вие сте на потег за овој СРАМ. Јавноста очекува жестоки и силни казни кои еднаш за секогаш треба да кажат стоп на ваквите појави. Очекуваме брзо да се огласат и да соопштат детали за приведени и уапсени лица (кои и тоа како треба да ги има, само од камерите кои ги уловија). А клубот Шкупи секако од ФФМ треба да си го добие тоа што го следува. Доста беше замижување и провлекување низ прсти. Ваква слаба организација на меч од висок ризик е НЕДОЗВОЛИВО. Волку пиротехника колку што влета на терен е НЕЗАМИСЛИВО. Дали сте свесни дека некој можеше недај боже да загине, или да остане траен инвалид. Дали сте свесни.