шкодран мустафи – Kurir.mk

Мустафи одби да потпише со Арсенал

Магдалена Андонова — Mon, 26 Oct 2020 17:33:58 +0000

Шкодран Мустафи одби да потпише нов договор со Арсенал и го извести клубот дека сака да си замине по крајот на сезоната, кога истекува неговиот сегашен договор. Лацио и Наполи се заинтересирани за 28-годишниот Германец, кој во јануари ќе има право да потпише претходен договор со друг клуб и да замине како слободен агент на лето. Од друга страна, Арсенал мора да одлучи дали ќе се обиде да го продаде Мустафи уште во јануари, за да може сепак да добие нешто за него. Германецот одигра значајна улога во изборот на Артета откако Шпанецот стана менаџер на тимот. Сепак, на крајот на минатата сезона, тој се здоби со повреда на препоните што го извади од тимот. Мустафи се врати во групата на Арсенал за мечот со Рапид (Виена), а вчера дури се појави во игра на местото на Давид Луис, кој доби повреда. (МИА)

Шкодран Мустафи: Артета е како професор

Тале Кристо — Fri, 15 May 2020 13:20:23 +0000

Централниот дефанзивец на Арсенал, Шкодран Мустафи го окарактеризира тренерот на тимот Микел Артета како професор. Причината за ова е што во секој момент Шпанецот точно знае што сака од играчите. Германецот тврди дека научил многу нови работи од Артета, и покрај тоа што поранешниот играч од средниот ред за прв пат влезе во улогата на менаџер. – Тој е како професор. Тој точно знае каде сака играчите да ја контролираат топката и како да реагираат кога ќе ја загубат. Тој е многу посебен. Кога подавам, обично сум фокусиран на тоа каде треба да бидам ако изгубиме посед на топката, но тој сака и јас да придонесам офанзивно. Кога сте на 28 години и игравте во различни земји под различни тренери, мислите дека знаете сè. Но, тогаш тој се појави и научив работи што никогаш не сум ги знаел до моментот, рече Мустафи.

Милионски навивачи револтирани поради неправдата: ФА одлучно се изјасни околу казната на Шкодран Мустафи

Дарко Андоновски — Mon, 03 Sep 2018 18:40:22 +0000

Фудбалска федерација на Англија (ФА) нема да го казни фудбалерот на Арсенал, Шкодран Мустафи, откако првиот гол во сезоната го прослави покажувајќи симбол на орел со рацете. Мустафи е германски државјанин со албанско потекло од Гостивар, а постигна гол со глава по изведувањето на корнер од страна на неговиот соиграч Гранит Џака на натпреварот против Кардиф. Иако ФА строго забранува употреба на политички симболи, сепак во овој случај против 26-годишниот германскиот репрезентативец нема да покрене дисциплинска постапка.

Провокација во Премиер лигата: Џака асистира, Мустафи погодува и слави со двоглав орел, фудбалерот на Арсенал го чека казна (ВИДЕО)

Ристе Здравков — Mon, 03 Sep 2018 07:29:28 +0000

Англискиот фудбалски сојуз (ФА) ќе спроведе истрага за радувањето на фудбалерот на Арсенал, Шкодран Мустафи на дуелот со Кардиф. Мустафи беше стрелец на првиот гол за „топџиите“, а потоа прослави со покажување на двоглав орел. ФА смета дека играчот покажувал политички симболи и поради тоа треба да добие казна. Фудбалерот на Арсенал е германски репрезентативец и има потекло од Македонија.