шлаканица – Kurir.mk

Се качи на сцена и ѝ удри шлаканица, по Бебе Реџа уште една албанска пејачка нападната среде концерт во САД (ВИДЕО)

Ристе Здравков — Wed, 21 Jun 2023 12:11:12 +0000

По Бебе Реџа уште една албанска пејачка била нападната среде концерт во САД. Пејачката Ава Макс (29) во вторникот вечерта настапувала во Лос Анџелес кога еден од присутните од публиката се качил на сцена и ѝ удрил шлаканица. По инцидентот, Ава продолжила со пеење и покрај тоа што имала повреди на лицето. На едно од видеата кое беше снимено од публиката, се гледа како пејачката се држи за глава.

Fan jumps on stage and scratches @AvaMax tonight during ‘The Motto’ pic.twitter.com/r3ZLR2cEkx
— matt (@intomattyou) June 21, 2023

Обезбедувањето брзо реагирало и го отстрннил непознатиот маж. По концертот пејачката рече дека се здобила со повреди на окото. За потсетање, пред два дена пјачката Бебе Реџа беше удрена со телефон во главата на настап во Њујорк, откако покажа двоглав орел, симболот на Голема Албанија. Бебе тогаш итно го прекина концертот и заврши во болница со три конци на главата.

Скандалозно, тренер на словенечки тим му удри шлаканица на поранешен играч на Вардар (ВИДЕО)

Ристе Здравков — Sun, 21 May 2023 10:59:59 +0000

Скандал се случи во Словенија. Имено, Домжале беше поразен од Радомље со 1:0 во рамките од најсилната лига на Словенија, а по мечот скандалозно однесување на тренерот на домашната екипа Оливер Богатинов. Имено, тој на поминување му удри шлаканица на Сенајид Ибричиќ, кој е поранешен играч на Вардар. Ибричиќ е поранешен играч и на Домжале, а во моментов во овој клуб ја извршува функцијата спортски директор на клубот. Тој е поранешен репрезентативец на Босна И Херцеговина, а при овој скандал остана смирен и воопшто не реагираше.

ФОТО: Мурал со шлаканицата на Вил Смит во Берлин

Ристе Здравков — Thu, 31 Mar 2022 16:27:38 +0000

Доминиканскиот уметник Хесус Круз Артилс објави неколку фотографии од својот последен мурал на кој го наслика моментот кога Вил Смит му удри шлаканица на Крис Рок за време на годинашното доделување на Оскарите. Како што извести самиот уметник, ова дело е насликано во Берлин, Германија. „Извинете, не можев да одолеам. Како ви е вам во реалниот живот?“, стои во описот на фотографиите кои ги објави уметникот. Имено, муралот е насликан во форма на „мем“ што ги прикажува очекувањата наспроти реалноста, при што Рок го претставува „фантастичниот живот на социјалните мрежи“, а Смит го претставува „вистинскиот живот“.

View this post on Instagram

A post shared by Eme Freethinker (@eme_freethinker)

Како потсетување, Вил Смит му удри шлаканица на Крис Рок за време на доделувањето на филмските награди Оскар, откако комичарот се пошегува на сметка на сопругата на Смит. За време на својот говор, Рок се пошегува на сметка на Џејда Смит поради нејзината избричена глава, нешто што не му се допадна на Смит бидејќи неговата сопруга веќе некое време се бори со болест поради која на делови од главата останува без коса. Подоцна Вил Смит во објава на Инстаграм напиша дека неговото однесување на свеченоста било „неприфатливо и непростиво“ и јавно му се извини на Крис Рок.

ВИДЕО: Скандал на Оскарите, невкусната шега Крис го чинеше жестока шлаканица од Вил Смит

Ивона Петрова — Mon, 28 Mar 2022 05:17:57 +0000

Она што на почеток изгледаше како дел од сценариото, набрзо беше јасно дека е вистински скандал меѓу актерите Крис Рок и Вил Смит. За Вил Смит беше навреда кога колегата Крис Рок му рече дека неговата сопруга Џада Пинкет може да ја игра „Г.И.Џејн“ во вториот дел зошто немаше коса, па стана и му удри шлаканица на сцената. Вил Смит продолжи со пцовки кон колегата велејќи да престане да го изговара името на неговата сопруга. Невкусната шега на Крик Рок беше навредлива за Вил Смит и за Џада која уште лани отворено зборуваше дека има агресивна форма на алопеција што довело да ја изгуби косата за еден ден, а потоа воопшто да не и поорасне и дека за тоа нема лек. За време на рекламите, актерите Дензел Вашингтон и Тајлер Пери го смируваа Вил Смит и сопругата Џада која беше видно потресена и плачеше, а по неа се расплака и нејзиниот сопруг. Вил Смит потоа го освои Оскарот за најдобар актер во главна машка улога за улогата на Ричард Вилијамс, таткото на тенисерските легенди Серена и Венус Вилијамс во филмот „Кралот Ричард.“. Беше видно потресен и одржа емотивен говор.

Макрон се огласи откако беше нападнат од граѓанин, никој не ја очекуваше ваквата негова реакција (ВИДЕО)

Ивона Петрова — Thu, 10 Jun 2021 09:22:50 +0000

Францускиот претседател Емануел Макрон прв пат проговори за инцидентот кој се случи во вторникот кога еден граѓанин му удри шлаканица додека се поздравуваше со него. Тој порача дека насилството е неспоиво со демократијата и дека без оглед на инцидентот и понатаму непосредно ќе комуницира со граѓаните во јавност. -Го разбирам бесот кај граѓаните. Го прифаќам фактот дека постои лутина меѓу луѓето кои треба легитимно да ја изразат. Редовно сум во контакт со луѓе кои изразуваат бес и вознемиреност поради одредени одлуки, а секогаш сум тука тоа да го слушнам и понекогаш можат да дадм одговор на прашањата, а некогаш не. Меѓутоа насилството е целосно9 неприфатливо во демократијата, истакнува Макрон, пренесува Гардијан. Во куќата на соучесник на човекот кој го удрил Макрон полицијата пронашла оружје, како и примерок на книга од Адолф Хитлер. Уапсени се двајца мажи на возраст од 28 години, а еден од нив е и напаѓачот на Макрон.

Макрон се огласи по скандалот, еве што кажа за шлаканицата која ја доби

Ивана Ефремовски — Tue, 08 Jun 2021 20:54:50 +0000

Претседателот на Франција, Емануел Макрон, се огласи по повод денешниот инцидент кога едно лице од публиката го нападна и рече дека денешниот инцидент во кој беше удрен со шлаканица е изолиран настан. -Овој инцидент мора да го ставиме во перспектива, ова е изолиран настан, изјави Макрон за францускиот локален дневен весник „Дофин Либре“, откако лице од толпата му удри шлаканица додека одеше и се ракуваше со граѓаните на југоистокот на Франција, објави „Ројтерс“. Како што објасни Макрон, не смееме да дозволиме ултранасилните луѓе да преземаат јавни дебати, нагласи тој, тие не го заслужуваат тоа.

Ќерка го тужела татко си оти ѝ удрил шлаканица и изгубила

Ивана Ефремовски — Thu, 09 Jan 2020 12:20:10 +0000

Маж е прогласен за невин од суд на грчкиот остров Родос откако неговата ќерка тинејџерка го тужела затоа што ѝ удрил шлаканица, објави весникот „Родиаки“. Тужбата против таткото била поднесена поради „телесна повреда на послабо лице“. Според изворот, меѓу таткото и ќерката имало расправија што завршила со шлаканица врз ќерката. Судот вчера ги прифатил објаснувањата на одбраната која истакнала дека ударот бил во рамки на воспитно дејствување дозволено со закон. Судскиот состав потоа го поништил обвинението против таткото и го прогласил за невин. (МИА)