шлепер – Kurir.mk

Повредено цело семејство: Албанец со шлепер удри во автомобил на охриѓани

Ивана Ефремовски — Thu, 26 Jan 2023 11:41:12 +0000

На 25.01.2023 во 18:50 часот во СВР Охрид било пријавено дека на магистралниот пат с.Подмоље– Струга се случила сообраќајна несреќа помеѓу товарно возило „сканиа“ со приколка, со албански национални ознаки, управувано од О.П.(39) од Република Албанија и патничко возило „ауди“ со охридски регистарски ознаки, управувано од П.Д.(40) од Охрид. Во несреќата со тешки телесни повреди се здобил возачот од патничкото возило, а со телесни повреди се здобиле двајца сопатници од истото возило, Ц.Д.(43) и малолетник од Охрид, констатирани во Специјалната болница „Св.Еразмо“ во Охрид. Извршен бил увид од увидна екипа од СВР Охрид.

Шлепер излета од патот Куманово – Крива Паланка, внимателно возете

Ивона Петрова — Thu, 28 Jul 2022 07:38:04 +0000

Поради локалното невреме што синоќа ги зафати Крива Паланка и околината, во кривините кај месноста Просеченик се излизгал шлепер со албански регистарски ознаки и излетал од патот. Од Секторот за внатрешни работи Куманово информираат дека настанот се случил синоќа, околу дваесет и два часот и четириесет минути, за време на невремето проследено со грмотевици и силни електрични празнења. -Нема настаната поголема материјална штета, а возачот е во добра состојба, додека во моментов се работи на отстранување на шлеперот од делот покрај патот, полициски службеници се на теренот и го регулираат сообраќајот. Toj не е во застој,но треба да се вози внимателно, посочи портпаролот на СВР Куманово, Ивана Младеновска. Од полицијата апелираат граѓаните да се придржуваат до пропишаната брзина на патот, да ги почитуваат сообраќајните правила и прописи и да бидат совесни учесници во сообраќајот.

ДЕТАЛИ: Позната причината поради која се запали камионот со 9 автомобили во Хрватска, штетата над 132.000 евра

Ивона Петрова — Sat, 02 Apr 2022 19:57:46 +0000

Големиот пожар на автопатот А3 во Хрватска за среќа поминал без човечки жртви. Полицијата наведува дека штетата се проценува на над 132.000 евра. На автопатот се запали камион кој превезувал користени автомобили со словенечки регистерски ознаки. -По разговор со очевидци утврдено е дека до пожарот дошло откако пукнала гумата на приклучното возило и дошло до триење со коловозот. Од искрењето настанал пожар кој брзо се проширил и ги зафатил и автомобилите кои целосно изгореле, велат од полицијата. Пожарот бил локализиран во 12:40 часот, а во периодот на интервенција сообраќајот бил во прекин.

ОВОЈ ПАТЕН ПРАВЕЦ УТРОВО БЛОКИРАН – гори приколка од шлепер

Дарко Андоновски — Tue, 29 Mar 2022 07:33:11 +0000

Поради запалена приколка од шлепер изутринава од 08.55 часот е во прекин сообраќајот патот на излез од Прилеп кон Плетвар на местото викано Склештен мост. Како што соопшти АМСМ, сообраќајот е затворена во двата правци.

ФОТО: Има 85 години и се уште вози шлепер

Ивона Петрова — Sun, 09 May 2021 11:32:27 +0000

Демир Јоксимовиќ иако има 85 години се уште е активен возач на шлепер. Се верува дека тој е навозрасниот активен возач на овие возила во Србија. Вели дека почнал да крстари по европските патишта со полн шлепер без да гледа колку километри поминува, туку само да пристигне навреме. -Со шлеперот, освен скандинавските земји, нема каде не сум бил. Од Иран и Иран со Шпанија и Португалија. Можам да возам по 8,9 часа дневно, не ми е проблем. Кога си на пат често се случуваат проблеми, но иако имам доста години се уште сам менувам гуми, вели Демир. Сопственикот на компанијата за која работи, Драгиша Јовановиќ вели дека Демир вреди за двајца возачи, немал ниедна казна, ги почитува процедурите и е подобар од младите возачи. Сепак, Демир открива дека ова лето завршува неговата возачка кариера. -Два пати ја продолжував возачката дозвола по две години и сега на 1 јули ми истекува. Одличив да ставам точка на возачката кариера. Гледајќи наназад низ животот повеќе време поминав зад воланот отколку со семејството. Од нешто мораше да се живее, сега кога имаме се, мислам дека не сум ги поминав залудно сите години по патиштата, заклучува најстариот возач на шлепер во Србија.

СТРАОТНА НЕСРЕЌА: Шлепер излета од патот Кичево-Охрид, се трага по возачот (ФОТО)

Дарко Андоновски — Mon, 08 Jul 2019 11:17:52 +0000

Камион шлепер излетал и се превртел крај патот на патниот правец Кичево-Охрид. Сѐ уште не е познато дали возачот претрпел повреди бидејќи него го немало ниту во кабината ниту крај возилото. На местото на несреќата се собрани случајни минувачи и полициски екипи. Повеќе детали се очекуваат подоцна во тек на денов. ИЗВОР: АЛСАТ-М

Шлепер се преврте кај Неготино

Ивона Петрова — Fri, 04 Jan 2019 18:57:02 +0000

Камион шлепер се прекршил попладнево на патот Неготино-Гевгелија, дознава 24Инфо. Засега нема информации од МВР за сообраќајката, како и за евентулно настрадани. Од АМСМ информираат дека сообраќајот на државните патишта се одвива по влажни коловози, наместа со остатоци од снег на коловозот. Снег со среден интензитет паѓа речиси низ целата територија на државата. На повисоките планинските премини Стража, Плетвар и Ѓавато сообраќајот е отежнат и препорачуваме исклучителна внимателност, поради појава на голомразица.

Возач заглавен во кабина виси над реката Морава во Србија (ВИДЕО)

Катерина Бојаџиева — Tue, 27 Feb 2018 09:13:40 +0000

Шлепер ја проби заштитната ограда на автопатот Ниш-Белград кај селото Мијатовац, а како што пишуваат српските медиуми кабината виси од мостот. Несреќата се случила утрово околу 7 часот. Ситуацијата е критична бидејќи возачот е заробен во кабината која виси над реката. На местото на настанат интервенираат службите, кои се обидуваат да го извлечат возачот. По автопатот се пуштаат само патнички возила.

Шлепер пропадна во провалија кај Кавадарци

Дарко Андоновски — Fri, 12 Jan 2018 10:40:55 +0000

Утрово кај 09 часот камион со приколица изгубил контрола над патот и пропаднал во провалија кај кавадаречко Дреново, јавуваат очевидци за News24.mk

Полицијата е на терен заедно со амбулантските возила, сеуште официјално не се знаат причините за несреќата. Од АМСМ информираат дека сообраќајот на државните патишта се одвива по претежно влажни коловози. Слаб дожд врне во источниот дел од земјата и долж повардарието.