шок-бомба – Kurir.mk

Полицијата кај битолчанец откри пиштол и шок бомба

Ивана Ефремовски — Wed, 20 Apr 2022 19:07:03 +0000

Полициски службеници од Одделението за криминалистичка полиција – Отсек за недозволена трговија со дрога, оружје и опасни материи при СВР Битола попладнево го лишиле од слобода 34-годишниот битолчанец В.П.. Од секторот за односи со јавност при СВР-Битола известија дека при претрес во неговиот дом во Битола, извршен со судска наредба, биле пронајдени и одземени пиштол калибар 9мм со една рамка и една шок бомба. В.П. е приведен и задржан во полициска станица и по целосно документирање на случајот ќе му биде изготвен соодветен поднесок.

Скопјанка пронајде шок бомба во двор

Ивана Ефремовски — Sun, 05 Sep 2021 16:27:38 +0000

На 04.09.2021 во 19:00 часот К.Н.(68) од Скопје пријавила дека на 03.09.2021 година на подрачје на Гази Баба во двор од соседна куќа во која подолго време не живеел никој пронашла шок бомба. Извршен бил увид на местото на настанот.

Пред стан на „Рузвелтова“ пронајдено плико во кое имало шок бомба

Катерина Бојаџиева — Wed, 24 Mar 2021 15:56:11 +0000

Вчера во 20.39 часот во СВР Скопје, Р.С.(64) пријавил дека пред неговиот стан на ул.„Франклин Рузвелт“, од страна на сосетката Н.У. било пронајдено плико во кое, според пријавеното, имало шок бомба. Извршен е увид од полициски службеници од СВР Скопје. Се преземаат мерки за расчистување на настанот.

Повторно инциденти на грчко-турската граница кај Еврос

Ивона Петрова — Fri, 06 Mar 2020 07:31:10 +0000

Солзавец и шок бомби рано утрово биле фрлени од турска на грчка страна на граничниот премин кај Еврос, а грчката полиција одговорила со водени топови, објавија грчките медиуми, јави дописничката на МИА од Атина. По вчерашниот мирен ден, денеска повторно продолжија инцидентите, а и понатаму, остануваат групи бегалци и мигранти на турска територија и покрај затворената граница. Како што вчера објави МИА, според грчки владини извори, од саботата во шест часот наутро заклучно со вчера попладне до 18 часот, нелегален влез во Грција од Турција, бил спречен во 36.649 случаи, а уапсени се вкупно 252 лица. Според истите информации, повеќето уапсени лица се од Авганистан (64 отсто), 19 проценти се од Пакистан, пет отсто од Турција, од Сирија се четири проценти, 2,6 отсто од Сомалија, а останатите 5,4 отсто од Ирак, Иран, Мароко, Етиопија, Бангладеш и Египет.

ФОТО: Шок-бомба пронајдена во вреќа со отпад во Ѓорче Петров

Ивона Петрова — Mon, 21 Jan 2019 19:53:20 +0000

Екипи на ЈП „Комунална хигиена“ извршувајќи ги своите работни активности денеска во Општина Ѓорче Петров пронашле шок-бомба во вреќа со отпад. Како што соопштија од Јавното претпријатие, вработените во ЈП „Комунална хигиена“ – Скопје во исфрлена вреќа со отпад на улицата Македонска преродба во скопската општина Ѓорче Петров, забележале шок-бомба. Еко-патролата на ЈП „Комунална хигиена“ – Скопје веднаш интервенирала, при што е констатирано дека станува збор за потенцијално опасен отпад од распрскувачки материи, за што била информирана и Полицијата којашто извршила увид на местото на настанот. Од ЈП „Комунална хигиена“ – Скопје апелираат до граѓаните заедно со својот комунален отпад никогаш да не исфрлаат токсични, опасни или штетни материи, коишто можат сериозно да го загрозат здравјето на вработените во Претпријатието коишто секојдневно се во контакт со отпадот при извршувањето на своите работни задачи.