шон конери – Kurir.mk

Автомобил „Астон Мартин“ на Шон Конери продаден за 2,4 милиони долари

Ивона Петрова — Tue, 23 Aug 2022 10:09:45 +0000

Автомобил „Астон Мартин ДБ-5“, што му припаѓал на холивудскиот глумец Шон Конери, е продаден на наддавање за 2,4 милиони долари. Ова не е првото возило на британскиот агент Џејмс Бонд „007“ кого го глумеше и познатиот шкотскиот актер, но дефинитивно е најпознатото, бидејќи се појавува во дури осум „Бонд“ филмови. Конери поседуваше еден примерок до својата смрт во 2020 година, а тој е продаден на аукција за 2.425.000 долари. Автомобилот бил чуван во неговиот дом во Швајцарија пред да оди на наддавање. Глумецот го обожавал, но никогаш не го возел во Европа бидејќи веќе му станувало потешко да патува. Тој живееше на Бахамите до неговата смрт во октомври 2020 година. Автомобилот е произведен 1964 година, и е во прилично добра состојба, а значителен дел од парите од продажбата ќе одат во Фондот за филантропија на Шон Конери. Освен што сега поседува дел од историјата, неименуваниот купувач ќе може да ужива во возењето со поранешниот шампион во Формула 1, сер Џеки Стјуарт, кој беше долгогодишен пријател на Конери. Возилото на Конери не беше опремено со оружје и „технологија од утрешнината“, бидејќи Конери го купи како лично возило во 2018 година. Првично, каросеријата била црна, но беше обоено во снежно-сива, за да наликува на автомобилот во филмот. Инаку, „Астон Мартин“ во 2018 година објави дека ќе го продолжи моделот на „ДБ-5“ – вкупно 25 примероци, од кои секој чини 3,5 милиони долари. Исто така, секој од нив ќе има од уредите што се гледаат во филмовите

Ненадминат Џејмс Бонд: Костуми на Шон Конери продадени на аукција

Ивона Петрова — Fri, 25 Jun 2021 10:22:53 +0000

Два костуми кои се мета дека Шон Конери ги носел во филм се продадени за околу 8.000 евра на Интернет аукција. Се смета дека покојната холивудска ѕвезда ги носела костумите во улогата на Џејмс Бонд во филмовите во 1980-тите. Сив костум за кој се верува дека го носел во филмот „Недопирливи“ е продаден за 1.625 фунти на аукција. Светол костум кој најверојатно Конери го носел во „Никогаш не вели никогаш“ е продаден за 5.250 фунти.

Позната вистинската причина за смртта на Шон Конери

Ивона Петрова — Mon, 30 Nov 2020 09:53:24 +0000

Шон Конери почина во сон пред еден месец, на 31 октомври, во домот во Насау, на Бахамите, а причините за смртта се објавени вчера. Имено, славниот пензиониран шкотски глумец починал поради пневмонија, респираторна и срцева слабост и поради старост. -Таков живот не беше за него. Тој не беше во можност да се изрази во последно време. Барем почина во сон, беше многу мирно. Цело време бев со него и тој само заспа. Така сакаше и да биде, вели сопругата на Шон, Мишелин Рокебрун, за „Дејли меил“. Глумецот беше на 90-годишна возраст.

Сопругата на Шон Конери открива од што боледувал: Еве како ги поминал последните денови

Ивона Петрова — Mon, 02 Nov 2020 11:02:11 +0000

Сопругата на славниот актер открива дека тој боледувал од деменција. Легендарниот шкотски актер Шон Конери почина на 91 годишна возраст. Останува запаметен по бројните улоги, но пред се по онаа како најдобриот актер кој го одиграл тајниот агент 007, Џејмс Бонд. По објавата за неговата смрт, семејството не ја кажа причината, но сега неговата сопруга Мишелин Рокебрин открива дека Конери боледувал од деменција. -Тоа за него не беше живот. Во последните денови не можеше ниту да се изрази. Барем почина во сон, беше мирно. Цела ноќ бев со него, само замина. Тоа беше она што тој го сакаше. Имаше деменција и таа го земеша својот данок. Му се исполни последната желба, да замине без да се мачи, изјавила сопругата на актерот.

Полирал ковчези, бил чувар на плажа, а како бебе спиел во фиока наместо во лулка- ова е легендарната биографија на Шон Конери

Дарко Андоновски — Sat, 31 Oct 2020 16:10:58 +0000

Во 91-та година од животот почина познатиот актер Шон Конери. Роден е во 1930 година како Томас Шон Конери, прво го одбрал името Шејн за свое сценско име, а подоцна „го вратил“ во Шон. Кога се родил, неговите родители – мајка му перела алишта, а татко му возел камиони, биле толку сиромашни што наместо да го ставаат во лулка, го ставале да спие во фиока. Како дете, тој одел на риболов во каналот користејќи ги старите најлони на мајка си, но подоцна во едно интервју изјавил дека никогаш не дозволил „смирениот почеток да го задржи во животот“. Тој ја именувал својата производствена компанија по родниот град Фонтајнбриџ во Шкотска. На 13-годишна возраст, се откажал од училиштето и работел разни работи – дистрибуирал весници, млеко и млечни производи и му бил чирак на локалниот месар. Конери служел во Кралската морнарица три години, кон крајот на 40-тите години, а потоа направил две тетоважи. На едната пишува „Шкотска засекогаш“, а на другата „Мама и тато“. Ја напуштил морнарицата поради болни чирови на желудникот. После тоа, полирал ковчези, испорачувал јаглен, работел во печатница, позирал за сликање и бил дури и чувар на плажа. По напуштањето на училиштето, основал добротворен фонд за да обезбеди стипендии за сиромашните шкотски деца. Шон ги донирал сите хонорари од филмот „Робин Худ: Принц на крадците“ на таа хуманитарна организација, а подоцна истото го сторил и со платата од филмот „Дијамантите се вечни“. Во 1953 година, Шон влезе во конкуренција за г-дин Универзум, и заврши како „втор вицешампион“ во конкуренцијата за високи мажи. Една од неговите први улоги беше во филмот „Уште едно време, друго место“, каде што глумеше заедно со фамозната Лана Тарнер. Нејзиното љубоморно момче Џони направило сцена и му се заканило со пиштол на Шон, затоа што мислел дека има нешто помеѓу него и Лана. Шон морал да се крие после тоа, затоа што еден од пријателите на Џони го информирал дека Џони наредил за да го убијат! Конери скоро го загубил животот на сетот на филмот „Од Русија со љубов“, затоа што хеликоптерот на сетот летал веднаш над него и скоро го обезглавил, буквално! Бил повреден на снимањето на „Никогаш не кажувај никогаш“, бидејќи Стивен Сигал случајно му го скршил зглобот додека му покажувал боречки вештини. Актерот ја постигна својата најголема слава како тајниот агент Џејмс Бонд, а таа улога ја добил, како што пишуваа странските медиуми, не толку поради неговите актерски способности, туку поради фактот дека неговата „секси, пантерска прошетка“ ги воодушевила продуцентите. На авторот на приказната за Бонд, Иан Флеминг, не му се допаднал Конери, бидејќи сметал дека изгледа „сурово“, но подоцна се предомислил. Целиот текст и неговата биографија прочитајте ја на Слободен Печат или ТУКА.

ХОЛИВУД ТАГУВА: Почина славниот актер кој го глумеше Џејмс Бонд

Дарко Андоновски — Sat, 31 Oct 2020 13:13:58 +0000

Светски познатиот актер, Шон Конери почина на 90 годишна возраст, потврдуваат од неговото семејство, пренесе Би-би-си. Конери се прослави со улогата на Џејмс Бонд и сними седум филма за тајниот агент. Во една прилика изјави дека му требало долго време да излезе од сенката на ликот на Џејмс Бонд. Роден во работничко семејство во Единбург, Конери стана Џејмс Бонд во 1962 година, по неколку помали улоги во британски филмови. Пред тоа бил во кралската морнарица, работел како млекар и бил посветен бодибилдер и солиден фудбалер. За филмот „Недопирливите“ во 1988 година освои „оскар“ за најдобра споредна улога и истовремено се здоби со слава благодарение на серијалот „Индијана Џонс“. Тој одби да се појави во четвртиот дел на „Индијана Џонс“, велејќи дека ужива во пензијата. Последниот филм го сними во 2003 година, а од јавниот живот целосно се повлече во 2011 година. Како што пишува Би-би-си, Конери починал во сон, а подолго време имал здравствени проблеми.

ФОТО: Ова е најгрдиот Џејмс Бонд, еве зошто

Ивона Петрова — Fri, 02 Feb 2018 17:51:42 +0000

Според естетскиот хирург Јулиан де Силва, Британецот Даниел Крег е најгрдиот Џејмс Бонд. Тој има топчест нос, тенки усни и широко лице! Според него, најубавиот Бонд е Шон Конери, чие лице дури во 89,2% се поклопува со совршенство. Втор на листата за убавина е Роџер Мур, а на трето место е Тимоти Далтон. -Даниел Крег помина најлошто поради топчестиот нос, тенките усни и широкото лице. Тој има мажествен изглед, но не се поклопува со идеите на Грците за убавина. Од друга страна Шон Конери со години е дефинитивно најубав Бонд, а сега тоа го потврди и тестот. Тој има убаво симетрично лице, вели естетскиот хирург Јулијан де Силва. На четврто место се наоѓа Пирс Броснан.