шон пен – Kurir.mk

Шон Пен: „Зеленски да се обрати на Оскарите или ќе ги стопам статуетките“

Ивана Ефремовски — Sun, 27 Mar 2022 17:42:59 +0000

Актерот и режисер Шон Пен изјави дека „јавно“ ќе ги стопи статуетките од наградата Оскар што ги има добиено и ќе повика на бојкот на церемонијата доколку на украинскиот претседател Володмир Зеленски не му се даде можност да се обрати на настанот. Во изјава за Си-Ен-Ен тој кажа дека дознал дека академијата одлучила Зеленски да не учествува во церемонијата на доделување оскарите, што се оддржува вечерва. -Нема ништо поголемо од тоа церемонијата со оскарите да му даде можност да се обрати пред сите нас… Ако филмската академија не овозможи на лидерството во Украина, кои примаат куршуми за да ги заштитат своите домови и своите деца, тоа ќе биде најсрамниот момент во целата историја на Холивуд, изјави Пен. Додаде дека ако тоа се случи, тој ќе повика колегите да протестираат и да не учествуваат на церемонијата. -Јас самиот, кога ќе се вратам, ќе ги стопам моите статуетки јавно, рече актерот. Американскиот глумец патуваше во Украина за собирање донации за настраданите од војнатаи и неколку пати се сретна со претседателот Зеленски, а деновиве е во Варшава каде завршува документарна продукција за војната на Русија во Украина. (МИА)

Холивудскиот актер Шон Пен ја напушти Украина: Ја објави оваа фотографија

Катерина Бојаџиева — Fri, 04 Mar 2022 13:37:41 +0000

Информацијата дека актерот Шон Пен се наоѓа во Украина за да снима документарец за воената состојба го обиколи светот. Меѓутоа, актерот објави на Твитер дека е евакуиран. Добитникот на Оскар, претходната недела отпатува во Украина за да снима документарец.

Myself & two colleagues walked miles to the Polish border after abandoning our car on the side of the road. Almost all the cars in this photo carry women & children only, most without any sign of luggage, and a car their only possession of value. pic.twitter.com/XSwCDgYVSH
— Sean Penn (@SeanPenn) February 28, 2022

На Твитер објави фотографија на која турка куфер додека оди покрај пат бидејќи не можел да се движи со автомобил поради огромниот метеж и автомобили кои се движеле кон границата со Полска. -Двајца колеги и јас одевме до границата со Полска бидејќи ги оставивме автомобилите покрај патот. На оваа фотографија, во автомоблите се само жени и деца, а повеќето од нив немаат никаков багаж, а само автомоблите се вредна работа која ја поседуваат, напиша Пен на Твитер. Шон Пен веќе со месеци се занимава со документарец посветен на тензиите меѓу Украина и Русија.

ФОТО: Згодно тело во црвени бикини, поранешната сопруга на Шон Пен провоцира на плажа

Ивона Петрова — Sat, 29 Jan 2022 18:12:35 +0000

Лејла Џорџ (29) е фотографирана на една плажа во Австралија, по информациите дека се разведува од сопругот, познатиот актер Шон Пен и тоа по само 15 месеци минати во брак. Актерката одлично за забавува на плажа. Фотографирана е во црвено бикини, во кое изгледа одлично и кое ги истакнува нејзините мускули и витка линија. За потсетување парот беше во врска од 2016 година, а тајно се венчаше во 2020 година. -Имавме ковид венчавка. На Зум беше матичарот, а ние дома заедно со моите две деца и нејзиниот брат, истакна тогаш Пен.

Познатиот актер со ултиматум до своите колеги: Ако не се вакцинирате…

Ивана Ефремовски — Mon, 26 Jul 2021 20:28:09 +0000

Добро познатиот американски актер Шон Пен ги услови своите колеги актери дека мора да бидат вакцинирани, доколку сакаат тој да се врати на снимањето на серијата „Гаслит“. Како што истакна познатиот актер, причината за оваа одлука е зголемениот број на лица заразени со коронавирусот во Лос Анџелес, па Шон сака да ги охрабри колегите за важноста на вакцинацијата и колективниот имунитет. Во Лос Анџелес повторно стапија на сила мерките за носење маски во затворен простор, токму поради зголемениот број на луѓе заболени со коронавирус. Неговата организација CORE ќе се погрижи на своите колеги актери да им обезбеди бесплатни вакцини.

Се ожени Шон Пен: Сопругата помлада од него 31 година (ФОТО)

Магдалена Андонова — Sun, 02 Aug 2020 14:45:40 +0000

Познатиот Шон Пен повторно е во брак. 59 годишниот актер се ожени со 28 годишната актерка Лејла Џорџ со кој бил во повеќегодишна врска. Сопругата на продуцентот Мајк Медавој, Ирена Медавој, вчера на Инстаграм му честиташе на парот: „Пресреќни сме што се венчаа Лејла и Шон. Ве сакаме“. Шон исто така објави Инстаграм „стори“ на кој се гледа прстенот од неговата нова сопруга.

View this post on Instagram

10% of all donations made at meetmeinaustralia.org (link in bio) go to #SaveLACougars ! . . This a fund a set up to build a bridge across the 101 freeway in Los Angeles so that animals trapped in the Santa Monica Mountains can access more feeding and breeding areas, which at the moment are VERY minimal. Without this bridge, the animals could be without food sources and end up in-breeding, which is very dangerous for all species. . . Text AUSSIE to 50155 to donate or go to the link in my bio

A post shared by GEORGE ? (@leilageorge) on Mar 10, 2020 at 1:19pm PDT

Парот е во врска од 2016 година. Забележани се оваа недела во Малибу на вечера со синот на Шон, Хопер. Познатиот актер Шон претходно беше во брак со Робин Рајт и Мадона.

ВИДЕО: Шон Пен снима документарец за убиениот новинар Кашоги

Ивона Петрова — Thu, 06 Dec 2018 09:31:11 +0000

Американскиот глумец Шон Пен се наоѓа денеска во Истанбул, каде работи на снимање документарен филм за новинарот Џамал Кашоги, кој на 2 октомври е убиен во саудискиот конзулат во тој турски град. Актерот, кој е добитник на два „Оскара“, пристигнал пред конзулатот, каде неговата екипа почнала со снимање. Медиумите пренесуваат видео снимка на која се гледа Пен како разговара со камерманот пред оградата на турската полиција која спречува пристап до конзулатот. Кашоги во дипломатското претставништво на Саудиска Арабија во Истанбул е убиен на 2 октомври, каде дошол по документи потребни за венчавка со турска државјанка. МИА

За некого е урнебесно, за други тажно: Шон Пен на интервју под дејство на лекови за спиење (ВИДЕО)

Ивана Ефремовски — Wed, 28 Mar 2018 09:55:14 +0000

Холивудскиот глумец Шон Пен во ток-шоуто на Стивен Колбер, под дејство на лек за спиење и со цигара в уста ја претстави својата нова книга. - Се уште го чувствувам ефектот на лекот Амбиен што морав синоќа да го земам поради „црвени очи", изјави Пен на самиот почеток на интервјуто, одговарајќи на првото прашање - „Како сте?“ Кога пак, Колбер го праша како „Шон Пен под дејство на Амбиен" се разликува од Шон Пен без Амбиен, глумецот вели дека нема суштински разлики, па запали цигара, по што домаќинот на шоуто му понуди и пепелник. - Те молам, немој да пушиш повеќе. Не дека ми пречи. Мислам, и моите родители пушеа, па цигарите ми носат радосни спомени од детството. Но знаеш, сакаме уште долго да бидеш со нас, се пошегува водителот по непримерниот гест на гостинот. Пен натаму говореше за својата нова книга „Bob Honey Who Just Do Stuff", приказна за трговец кој станува убиец. (МИА)

Бред Пит во шок: Џоли го преболува со неговиот добар пријател

Ивана Ефремовски — Tue, 06 Mar 2018 15:04:09 +0000

Ако може да им се верува на гласините, актерите Шон Пен и Анџелина Џоли се многу блиски и се подготвени за врска. Некогашните добри пријатели стануваат сѐ поблиски. Иако Бред Пит му е близок пријател на Шон Пен, славниот глумец е решен да ризикува сѐ за да ја освои холивудската убавица. -Анџелина постојано разговара со Шон преку телефон, а тој ѝ кажал дека би сакал да ја изведе на вечера за да ја запознае подобро, открил изворот и додал дека се познаваат со години. Имено, Анџелина и Шон поминувале многу време заедно додека Шон во 2011 година го снимал филмот „Дрво на животот“ со нејзиниот поранешен сопруг, Бред Пит. Шон и Бред се долгогодишни пријатели, но нивниот однос би можел да се искомплицира поради фактот што Шон се зближил со поранешната сопруга на неговиот пријател. Сепак, Шон не сакал да се откаже од Анџелина и подготвен е да ризикува сѐ за неа. -Тој смета дека Анџелина е прекрасна. Му се допаѓа тоа што е посветена на хуманитарната работа, тоа што е паметна и неверојатно убава. Иако Анџелина не е толку заинтересирана за врска и сака да им се посвети на децата, Шон нема да се откаже додека таа не биде негова, изјавил изворот за намерите на актерот кој претходно беше во врска со Мадона и Шарлиз Терон.