шопинг – Kurir.mk

Шопингот може да биде вистински тренинг: Жени, бидете на готовс!

Ристе Здравков — Wed, 30 Aug 2023 07:30:54 +0000

Драги наши дами, конечно можеме да кажеме дека идеалниот тренинг е пронајден! Има ли нешто подобро од здрав живот и обновена гардероба? Трговскиот центар може да стане одлична замена за теретана, а наместо само убаво чувство, дома ќе си носите нови работи. Затоа одете на шопинг! Облечете ги удобните патики и испробајте ги овие „вежби“. 1. Подолга рута Дизајнирајте долга рута што ќе ја поминете, така што почетокот ќе биде вашиот влез, а последната продавница што ќе ја одредите ќе биде вашата последна станица. Секако, важно е и краткото заобиколување од рутата за да купите нешто. 2. Вежбање во кабина Облекувањето и пресоблекувањето во многуте алишта што ги пробувате веќе е тренинг, но посветете малку повеќе внимание на вашите мускули. Можете да правите кратки вежби како допирање на прстите без свиткување на колената или нешто како кружни движења со рацете. 3. Превозот не е опција Ако не живеете многу далеку од трговскиот центар, но има пристојно растојание, подобро е да пешачите наместо да возите. Тоа ќе биде добро мало загревање за вас. 4. Избегнувајте колички Ако купувате намирници, обидете се да ја избегнете количката, но ставете ги намирниците во две корпи и земете ги со себе. Ваквото зајакнување на мускулите може да ве поттикне да ги избегнете полиците со бонбони! 5. Избегнувајте помош од другите Ако не претерате или купувате многу работи намерно, обидете се да ја избегнувате помошта од другите кога ги носите. Можеби е тешко, но може да биде многу корисно. Среќен шопинг!

Совет од експерти: Престанете со импулсивно трошење пари

Ивана Ефремовски — Mon, 30 Jan 2023 14:17:45 +0000

Доколку припаѓате на луѓе кои трошат пари лесно и не знаат како да ги контролираат своите потрошувачки апетити, па го купуваат она што не им треба, време е да престанете со ваквите навики. -Еден од најдобрите начини да престанете со импулсивно трошење пари на неважни работи е секое непотребно купување да го одложите за 30 дена, советуваат експертите. Ако и по еден месец сè уште сакате да го купите она на што веќе сте се определиле, тогаш дозволете си да го сторите тоа бидејќи сте имале доволно време да размислите. Но, доколку во меѓувреме целосно заборавите на купувањето или сфатите дека не ви треба одредена работа, ќе заштедите пари кои непотребно би ги потрошиле. Експертите истакнуваат дека чекајќи да купиме, си дозволуваме да ги избледиме емоциите што ги доживеавме кога го видовме производот што сакаме да го имаме по секоја цена. Така, со текот на времето ќе се намалува импулсот за импулсивно купување и ќе обрнуваме повеќе внимание на она што го трошиме и купуваме „паметно“.

Хороскопски знаци кои сакаат да трошат повеќе отколку што заработуваат: Уживаат во шопингот

Ристе Здравков — Thu, 14 Apr 2022 07:06:37 +0000

Некои хороскопски знаци имаат поизразени карактеристики кои ги наведуваат на трошење пари Многу луѓе веруваат дека целта на работата е да си дозволат подобар живот, платите се користат за подобрување на животниот стандард. Сепак, претеруваат со потрошувачката, па таа ги надминува границите на заработката. Некои хороскопски знаци имаат тенденција да го прават токму тоа: Овен Овните имаат навика да ги одложуваат трошоците, па затоа се потпираат на следната плата за да ги платат. Тие често плаќаат со кредитни картички за да бидат во тек со нивниот животен стил. Сепак, треба да направат компромиси и да ги намалат трошоците. Бик Биковите се одговорни и доверливи, но сакаат да живеат добар живот. Тие сакаат фини работи, од добра храна до брендирана облека. Близнаци Многу Близнаци веруваат во филозофијата на живеење само еднаш, па прават се што можат за да трошат пари на работи што ги обожаваат. Ова ја прави нивната сметка помалку задоволителна. Девица Секогаш можете да сметате на Девицата да ги плати своите сметки. Внимателно ќе ги испланираат сите трошоци и ќе ги исполнуваат сите обврски, но честопати имаат тенденција да претераат кога трошат за себе бидејќи веруваат дека заслужуваат да бидат разгалени. Нивното често трошење често ги остава со малку пари во паричникот, пишува „Пинк вила“.

Онлајн купување и пари назад

Super Admin — Sat, 18 Sep 2021 09:51:32 +0000

Онлајн пазарувањето го упростивме го направивме сега поедноставен! Креиравме брз и практичен начин со кој не само можете да пазарувате преку интернет кај саканата онлајн продавница туку и да добивате предности. Имате можност да заштедите и време и пари. myWorld Plug-in е практична алатка којашто е додадок адаптиран за интернет пребарувачите Firefox, Chrome и Safari, со цел купувачите секогаш да бидат во тек и никогаш да не пропуштат некоја од шопинг придобивките. Оваа алатка ги информира купувачите кога „гуглаат” дали продавницата којашто ја пребаруваат е трговски партнер и автоматски ве поврзува да пазарувате со myWorld платформата и да добивате предности. Како купувач преку најголемата заедница за добивање бенефизии - myWorld (мајВорлд), вие на овој начин имате безброј можности за пазарување. Со секое пазарување кај онлајн трговските партнери, добивате кешбек (Cashback) и шопинг поени (Shopping Points). Онлајн купувањето со myWorld е многу уникатно искуство, а предности може да се добијат кај повеќе од 100 интернет партнери - бенефиции што не можете да ги добиете со регуларното интернет купување. Кај нас најактуелни онлајн партнери се: Booking.com, AliExpress.com, Rakupen.mk, MarketOnline.mk, TravelWorld.com, но има и други. Со myWorld Plug-in заштедувањето преку онлајн пазарување сега е полесно од кога и да е. Потребно е само еднаш да се најавите и даја инсталирате алатката и веќе никогаш нема да пропуштите Cashback и Shopping Points. Едноставно пронајдете го трговскиот партнер преку Google пребарувачот и само кликнете! Повеќе информации за оваа услуга можете да погледнете на следниов линк.

Додека Карлеуша е на шопинг во Дубаи, изразот на лицата на нејзините ќерки е апсолутен хит: „Девојки, досадно?“ (ФОТО)

Магдалена Андонова — Fri, 02 Apr 2021 12:49:44 +0000

Поп-sвездата Јелена Карлеуша (42) со своите ќерки Атина (12) и Ника Тошиќ (11), беше на шопинг, а додека нивната мајка купува партали, сите коментираат за реакцијата и изразот на лицето на нејзините наследници, што е апсолутен хит. Карлеуша е на одмор во Дубаи со своите ќерки, а патувањето го искористи да се почести со гардероба, па отиде на шопинг со Атина и со Ника. Сепак, иако се вели дека „ниедно јаболко не паѓа под крушата“, ќерките на Јелена ставија прашалник на таа изрека, барем засега. Јелена беше во рамни сандали и бел фустан под кој немаше градник, за да и биде поудобно додека го бараше вистинското парче облека, додека Атина и Ника ја чекаа својата мајка, седејќи удобно во фотелја со заштитна маска на лицата. Карлеуша ги снимаше по тој повод и се чини дека на девојчињата им беше малку досадно, а изразот на лицето на Ника кажува повеќе од нечии 1.000 зборови: „Досадно ми е!“, Па Јелена, гледајќи ја ситуацијата, им рече дека ќе заврши наскоро шопинг. - Девојки, досадно? Еве уште малку и мама завршува - им рече Карлеуша на Атина и Ника кои ги снимаше, а изразот на лицето им е апсолутен хит на социјалните мрежи, па веднаш започнаа коментарите: „Јас, кога ќе ми кажат дека нема чоколадо“, „Ги посетувам роднините што не сум ги видел 10 години“, „Јас, кога некој ќе ми пречи“ ...

„Click away“ новиот начин на шопинг за време на карантинот во Грција

Ивана Ефремовски — Sun, 20 Dec 2020 08:47:16 +0000

Услугата да нарачаат преку интернет или телефонски, а нарачката самите да ја подигнат од продавниците, веќе една седмица им е на располагање на Грците, како една од опциите за шопинг во време кога земјата е во карантин и продавниците се затворени. Поради зголемениот обем на работа на компаниите за достава, кои не можат да постигнат да ги достават навреме сите нарачки, грчката Влада минатата недела ја воведе можноста продавниците да отворат, но само за услугата „click away“, а граѓаните, но и вработените во продавниците во разговор со дописничката на МИА од Атина ги пренесуваат нивното искуство и впечатоците од новата услуга. Согласно правилата, услугата „click away“ значи направена нарачка, преку интернет или телефонски, плаќање онлајн или со картичка на лице место, но не и со готовина и подигање на нарачката во специјално одреден простор, на отворено, пред продавницата, без можност за пробување и со забранет влез. Вработените и сопствениците коментираат дека во никој случај прометот не може да се спореди со оној кога продавниците работат регуларно, додека пак муштериите кои ја користат услугата велат дека од една страна е полесно бидејќи ги избегнуваат компаниите за достава и многу побрзо го имаат во раце посакуваниот производ, но од друга страна, како проблем го посочуваат тоа што не постои можност да се пробаат обувките, облеката и сл. -Купувам само конкретни работи за кои сум сигурна дека нема да направам грешка околу бројот. Овој период претежно работите се наменети за подароци за најблиските, вели Гркинка додека ја подигнува направената нарачка. Не би рекла дека можеме да кажеме дека сме задоволни од прометот во изминатите денови. Слаб е одѕивот, некако очекувавме поголема заинтересираност, вели сопственичка на мал бутик во разговор за МИА и додека го пренесува нејзиното искуство со новата услуга, момче кое го разгледува излогот, бара информации како може да ги купи изложените панталони. Сопственичката му објаснува дека треба телефонски или преку официјалниот сајт да направи нарачка, по што ќе добие смс порака со терминот кога ќе може да ги подигне панталоните. Вработена во друг бутик пак објаснува за МИА дека доста често се соочува со муштерики кои инсистираат додека се пред продавницата да го купат она што го виделе во излог. -Најдовме решение и за ваквите ситуации. Додека се пред продавницата, еве тука пред мене, како што стоите вие, им кажуваме да се јават на нашиот број, да ги запишеме податоците, веднаш потоа им испраќаме смс порака. Мораме и да им излеземе во пресрет на граѓаните, но и да ја почитуваме законската процедура, објаснува вработената. Во редицата пред продавниците не смее да има над девет лица, со најмалку два метри растојание меѓу нив, а за подигнување на нарачката, граѓаните ќе добиваат потврда со податоци на продавницата и точно закажан термин, а паралелно, поради забраната за движење ќе треба да испратат и смс порака со која ќе го оправдаат нивното излегување од дома. -Редици нема, бидејќи во еден час закажуваме по девет термини, брзо оди подигнувањето, бидејќи мнозинството веќе имаат платено преку интернет, вели вработен во продавница во центарот на Атина. (МИА)

Бидете внимателни, а не наивни: Со овие трикови трговците нѐ убедуваат да купиме повеќе од планираното

Ивана Ефремовски — Tue, 03 Nov 2020 11:36:24 +0000

Скоро секоја девојка која сака шопинг живее во дебела заблуда, бидејќи вистински кралеви на шопингот се трговците кои со проверени трикови нѐ наговоруваат да купиме сѐ што не сме знаеле дека ни е потребно, а сега очајнички ни е потребно. Ова се најчестите трикови на кои ќе „паднат“ голем број жени. Бесплатни артикли со купувањето Ова е згоден, но прилично евтин трк на кој паѓаат голем број купувачи. Можеби нема ни да помислите на марамчиња за бришење очила за сонце, пешкир за тенис, силно црвени чорапи и уште еден балсам за усни можеби, но ако е БЕСПЛАТНО, ќе ве поттикне за купување на производот кој инаку можеби ви е прескап. Понуда 1+1 Купете еден производ и ќе добиете уште еден потполно бесплатно! Веројатно не ви паднало на памет да го купите ниту првиот, но сега ќе добиете два, а на касата најверојатно ќе ве разочара информацијата дека понудата важи само на ограничен асортиман или дека плаќате поскап производ. Распродажба која кратко трае „Голема распродажба, трае само еден ден!“ Пораката стигнува од вашата омилена парфимерија или бутик и вие брзате да ги претркате другите жени за да ги купите работите кои воопшто не сте ни имале намера да ги купите. Па, распродажба е, би било штета да ја пропуштите. Последни броеви Дали тоа навистина се последните броеви или само уште еден згоден трик? „Ќе ви го дадам мојот попуст“ Можеби продавачката е само страшно љубезна (и непрофесионална), а можеби нејзиниот шеф ѝ рекол дека на овој начин полесно ќе продаде нешто кое и онака е на попуст.

Голем шопинг фестивал во трговскиот центар Палма Мол во Тетово

Ивана Ефремовски — Wed, 04 Sep 2019 09:56:06 +0000

Од денес, среда 04.09 па се до 10.09 голема шопинг еуфорија во трговскиот Палма Мол во Тетово. Шопинг фестивал со неверојатни попусти до – 70%, промоции, гратиси, награди и многу забава! Сите посетители ќе имаат можност да купуваат се што им е потребно за себе и нивниот дом по најниски цени со огромни попусти и можност за награди и гратиси. Овој настан изобилува со уште многу изненадувања и забава како и за постарите така и за најмладите. “Палма Мол е трговски кој ги следи сите светски трендови и им овозможува секаков тип на акции на посетителите. Се разбира на барање на нашите закупци како и на уште поголемо барање на посетителите кои овој период од годината се најмногу расположени за шопинг , одлучивме да ги изненадиме со бомбастични попусти и многу забава” – изјавија од трговскиот. Овој Шопинг фестивал е вистинско уживање за сите. Попустите се присутни во секоја дејност, од промо пакети во одделот за храна, облека, козметика, обувки, накит, школски прибор па се до мебел, електрични апарати и останато. Ве очекуваме на купување од соништата! Повеќе информации на: Facebook : https://www.facebook.com/PalmaMall/ Инстаграм: https://www.instagram.com/palma_mall/

Хаос во трговските центри: Почна американската шопинг треска (ВИДЕО)

Предраг Кукиќ — Fri, 23 Nov 2018 08:56:20 +0000

Предбожикната шопинг треска започна во петокот кога купувачите ширум Соединетите држави масовно се втурнаа во трговските центри во потрага по што поголеми попусти. Таканаречениот „црн петок“ го означува почетокот на сезоната на попусти, а многу продавници своите врати ги отворија и пред петокот, уште со вчерашниот празник Денот на благодараноста, кој традиционално се одбележеува секој последен четврток во октомври. Анкетите покажуваат дека 23 отсто од испитаниците рекле дека ќе го искористат тоа што продавниците почнаа да нудат попусти и пред „црниот петок“. Националната трговска федерација проценува дека 116 милиони луѓе во САД планираат во петокот да поитаат во купување и се очекува дека во текот на петте дена купувачка треска ќе минат низ што поголем број трговски центри. По „црниот петок“ следи „саботата на малите продавници“ и на тој ден купувачите се поттикнуваат да купуваат во локалните продавници, за да го поддржат нивното опстанување. Повеќето продавници ќе бидат отворени целиот ден и во недела, а шопингот завршува со ткн „сајбер понеделник“, под што се подразбираат посебни понуди во интернет тргувањето.

Девојката на Роналдо предизвика хаос- парот замина на шопинг, но фановите не тргнаа поглед од тоа што го носела Георгина таму доле (ФОТО)

Дарко Андоновски — Mon, 06 Aug 2018 12:35:55 +0000

Фудбалерот на Јувентус Кристијано Роналдо го искористи слободното неделно попладне за шопинг во Милано во друштво на својата девојка Георгина Родригез. Во градот на модата двајцата привлекоа веднаш внимание кај населението, по што настана вистински хаос по улиците. Околу парот се собрало голем број на луѓе кои сакале да се фотографираат, а откако фотографиите се најдоа на социјалните мрежи фановите остро го критикуваа провокативниот изглед и прекраток шорц на Георгина, погледнете.