шпагети – Kurir.mk

КАРБОНАРА СО ПАВЛАКА ЗА ГОТВЕЊЕ: Уште покремаст сос за италијанскиот специјалитет

Ристе Здравков — Mon, 03 Jul 2023 07:43:16 +0000

Италијанците се познати по своите тестенини, а едни од најпознатите се Болоњезе, Карбонара и Алфредо. Секој го знае оригиналниот рецепт за овие тестенини, но често се случува луѓето да импровизираат, па се трудат да го подобрат вкусот на проверените јадења. Така се појави рецептот за карбонара во кој наместо јајца се додава крем за готвење, а резултатот не е воопшто лош. Научете како да направите лажна карбонара која нема шанси да не ви успее. Состојки: 500 гр шпагети 300 гр сланина 200 гр пармезан сирење 300 мл крем за готвење 2 чешниња лук 1 лажица маслиново масло 100 гр путер Подготовка: Во тавче сварете ги шпагетите, па процедете ги (но оставете малку од водата во која се варени). Во тава на маслиново масло пропржете сечкана сланина и цели чешниња лук. Кога сланината ќе стане крцкава, извадете го лукот и истурете го со кремот за готвење. Промешајте, зачинете по желба и кога ќе почне да крчка додадете ги шпагетите и прелијте со малку од водата во која се сварени. Добро измешајте и динстајте уште малку. Кон крајот додадете путер и пармезан, па мешајте додека убаво да се растопат.

Шпагети со пиперка е малку познато јадење кое сигурно ќе ви стане ОМИЛЕНО

Ристе Здравков — Tue, 20 Jun 2023 11:32:43 +0000

Состојки: 350 гр шпагети 3 пиперки 1 кромид супа од зеленчук од коцка маслиново масло рендано сирење Подготовка: Измиените пиперки исечкајте ги на неколку парчиња. Печете ги на грил тава со кората свртена кон изворот на топлина. Излупете ги и исечкајте ги на ленти. Ставете ги во сад, покријте ги со масло и оставете ги топли. Додека се варат шпагетите, пропржете го ситно исечканиот кромид додека да омекне, посипете го со половина црпалка супа од зеленчук. Во сад со подготвената пиперка и масло ставете ги исцедените шпагети. Посипете со сирење и послужете.

ШПАГЕТИ со ПЕЧУРКИ и ГОРГОНЗОЛА! Брз пролетен оброк!

Ристе Здравков — Wed, 26 Apr 2023 07:49:53 +0000

Овој вкусен рецепт за шпагети со печурки и горгонзола лесно се подготвува и ќе го задоволи сечиј вкус. Горгонзолата му дава посебен шмек на ова јадење, затоа уживајте! Состојки: 400 гр шпагети главица кромид две чешниња лук 400 гр шампињони 600 гр пелат домати свеж босилек, оригано 125 гр горгонзола сол, бибер, масло Подготовка: Сварете ги шпагетите во солена зовриена вода, според упатството на пакувањето. Во поголема тава на врело масло пропржете го сечканиот кромид, па додадете го издробениот лук и мешајте уште една минута. Потоа додадете ги исечените шампињони, сол и бибер и мешајте додека не испари вишокот течност. Додадете го пелатот, ориганото и босилекот, варете додека не зоврие, па намалете ја топлината и крчкајте уште 20 минути. Додадете ги исцедените шпагети, посипете со изронета горгонзола и послужете додека е топло. Пријатно!

Рецепт за мамурен ден: Брзи шпагети со колбаси кои ќе ве оживеат по долга ноќ

Ристе Здравков — Wed, 22 Mar 2023 15:28:51 +0000

Без разлика дали сте мамурни или сакате да јадете нешто брзо и вкусно без да поминувате премногу време во кујната, тестенините со колбаси и лута пиперка можат да бидат одговор на вашите желби. Наместо пиперка, ќе ви помогне и една лажичка чили во прав, а ако сакате тестенините можете да ги посипете со рендано сирење. Состојки: 2 пара колбаси за печење 1 голем кромид 2 чешниња лук 1 лажичка чили во прав или 1 лута пиперка 400 гр пелати домати во конзерва 300 гр тестенини Подготовка: Загрејте ја водата за тестенините, па кога ќе зоврие додадете ги тестенините и варете онолку колку што е наведено на пакувањето. Колбасите исечкајте ги на покрупни кришки и пропржете ги од сите страни и додајте исечкан кромид и издробен лук. Кога ќе омекнат кромидот и лукот, измешајте ги чилито или лутата пиперка (исчистена и исечкана) и истурете ги пелатите. Откако ќе зоврие сосот, варете го уште десетина минути да се згусне, па додадете ги исцедените тестенини. По желба посипете со сирење и послужете.

Рецепт кој ги освои сите: Вака подготвените шпагети ги нарекуваат “оброк од милион долари“

Ивана Ефремовски — Wed, 01 Mar 2023 19:47:30 +0000

Шпагетите наречени “милиони долари“, сега се најпопуларниот рецепт во светот кој ги освои социјалните мрежи. Потребни состојки: 500 грама мелено говедско месо 1 кромид ситно сецкан 1 пиперка 1 лажичка лук во прав пар чешниња лук шпагети (варени според упатството на кесичката) 1 конзерва сос од домати 2 лажици путер 2 чаши павлака 2 чаши пармезан 2 чаши моцарела сирење, бибер по потреба Подготовка: Додека се варат шпагетите, во посебно тенџере се динстаат кромидот, пиперката, зачините и меленото месо. Кога месото е готово се додаваат доматите и се динста уште 15 минути. Во него се додаваат процедените шпагети и се мешаат. Истурете ги шпагетите и сосот во огноотпорен сад, а потоа прелијте ги со сосот од домати и месо. Посипете со моцарела и пармезан. Се пече во загреана рерна околу дваесетина минути на 180 степени. Во друго тенџере растопете го путерот, додадете го лукот, промешајте, па додадете ја павлаката, пармезанот, солта и биберот. Варете додека не добиете сос.

ОМИЛЕНИТЕ БОЛОЊЕЗЕ ШПАГЕТИ! Вкусот на Италија во вашиот ДОМ!

Ристе Здравков — Fri, 09 Dec 2022 14:54:57 +0000

Болоњезе тестенините се омилено јадење на многу луѓе, бидејќи освојуваат на првиот залак. Италијанската кујна е надалеку позната, бидејќи е тешко да се остане рамнодушен на највкусните тестенини Состојки: две главици кромид 1 лажица маслиново масло 1 чешне лук 500 гр мелено месо 90 гр сечкани печурки оригано или мешан зачин 400 мл сос од домати 1 лажица домати сол, бибер пакување шпагети од 300 гр Подготовка: Во голема тава се ставаат исецканиот кромид и маслото и се пржат на прилично силен оган 3-4 минути. Додадете го лукот и пржете додека состојките не поруменат. Додадете ги печурките и зачините и пржете уште неколку минути. Додадете ги сосот од домати, меленото месо, кечапот или доматното пире и зачините. Почекајте да зоврие, па намалете ја топлината. Покријте и проверете, повремено мешајќи во наредните половина час. Во меѓувреме, сварете ги шпагетите во големо тенџере со зовриена, солена вода. Добро исцедете, исплакнете со топла вода, вратете ги во тенџерето и додадете една лажичка маслиново масло. Потоа додадете го сосот што сте го направиле претходно. Послужете во топли чинии и посипете со пармезан.

Шпагети БОЛОЊЕЗЕ подготвени со ТАЈНА состојка – Највкусниот оброк на сите времиња

Ристе Здравков — Tue, 26 Jul 2022 07:56:57 +0000

За време на топлите денови не знаеме што да готвиме. Сепак, важно е и правилно да се храниме за да не останеме без многу потребната енергија, па во тој случај тестенините се секогаш добар избор, без разлика на сезоната. Лесно и брзо се подготвуваат, а воедно се и оброк погоден за сите членови на семејството. Болоњезе е кралица на тестенините, а ние ви го откриваме најбрзиот начин да ја подготвите со една тајна состојка која ќе им даде посебен вкус. Состојки: 300 гр шпагети 500 гр мелено месо 2 глави кромид 2 моркови 500 мл сос од домати пармезан бибер/сол Подготовка: На загреано масло пропржете ситно исечкан кромид, а потоа додадете рендан морков за да добиете вкус кој ќе ве воодушеви. Потоа, во тие состојки истурете го меленото месо. Кога месото ќе се испржи, истурете го доматниот сос и варете 10 минути. Додадете сол и бибер по желба. Во меѓувреме, сварете ги шпагетите според упатството на пакувањето, внимавајќи да не се преварат. Трикот за да се осигурате дека вашите шпагети не се лепат една за друга е да ги процедите по готвењето и добро да ги исплакнете со ладна вода. Оставете го тенџерето во кое се варени шпагетите празно на исклучена рингла и додадете неколку капки масло. Исцедените и измиени шпагети вратете ги на истата рингла и измешајте. Со подготвениот сос прелијте ги шпагетите. Додадете пармезан на крајот, пред послужување, а садот можете да го декорирате и со магдонос.

Шпагети со домати и босилек (РЕЦЕПТ)

Ристе Здравков — Mon, 18 Jul 2022 05:31:51 +0000

Летен ручек готов за 20 минути. Состојки: 1 литар супа од зеленчук 500 гр шпагети 250 гр преполовени чери домати 1 мала главица кромид 2 чешниња лук 5 листови свеж босилек 1/2 лажичка мелен црвен пипер сол, бибер рендан пармезан Подготовка: Во поголемо тенџере со капак измешајте ја супата од зеленчук, шпагетите, чери доматите, исечканиот кромид, сечканиот лук, босилекот и мелената црвена пиперка. Гответе на средно-силен оган, а потоа покријте и намалете ја топлината. Додека се варат, често мешајте додека не испари целата течност и тестенините не се сварат.Потребни се околу 15 минути. По желба додадете сол и бибер Послужете ги поросени со пармезан.

ШПАГЕТИ СО ДОМАТИ И СЛАНИНА! Фантастична вечера за целото семејство!

Ристе Здравков — Thu, 05 May 2022 13:36:46 +0000

Доколку не знаете што да подготвите за вечера, ви предлагаме шпагети со сланина и домат Нема да ви одземе многу време, а вкусот ќе ве воодушеви. СОСТОЈКИ: 250 гр шпагети маслиново масло конзервирани домати 100 мл бело вино 100 гр чадена сланина Главица кромид пиперка во прав босилек сол, бибер Подготовка: Сварете ги шпагетите во посолена зовриена вода, според упатството на пакувањето. Во тава загрејте малку масло, па пропржете го ситно сечканиот лук и сланината исечкана на коцки. Додадете сечкан излупен домат, сол и бибер, па налејте го виното и динстајте на тивок оган 20 минути. Кон крајот на готвењето измешајте го сечканиот босилек, па додадете ги шпагетите, измешајте и послужете додека е топло.

Ручек готов за само 20 МИНУТИ: После овој рецепт ќе заборавите на обичните болоњезе шпагети

Ристе Здравков — Thu, 24 Mar 2022 12:09:31 +0000

Нема да забележите дека во овој ручек нема месо, а најважно е што е богато и вкусно јадење. Состојки: пакување шпагети 1 конзерва (400 g) домати излупени домати маслиново масло 2 чешниња лук оригано, сол, бибер пармезан Подготовка: На маслиново масло пропржете сечкан лук, потоа додадете го ориганото, доматите, сол и бибер и оставете 15 минути да се динста. Кога ќе се сварат шпагетите, процедете ги и потоа додадете го сосот. Сето тоа заедно се динста уште пет минути и задолжително пробајте го сосот. Додадете зачини по вкус. Ако сакате, можете да го посипете со малку пармезан.