Шпанска фудбалска федерација – Kurir.mk

Отказ за селекторот кој им донесе светска титула на шпанските фудбалерки

Бошко Тасиќ — Wed, 06 Sep 2023 03:55:04 +0000

Шпанската фудбалска федерација објави дека го раскинува договорот со селекторот на женската репрезентација, Хорхе Вилда. 42-годишниот стратег ги предводеше шпанските девојки до првата историска титула од Мундијалите, но добива отказ неполн месец по овој голем успех. Оваа одлука доаѓа како резултат на скандалот што изби со претседателот на федерацијата, Луис Рубиалес, кој во уста ја бакна репрезентативката Џени Хермосо на прославата по финалниот натпревар. ФИФА му изрече привремена суспензија на Рубиалес, а отказот за селекторот доаѓа од новото законодавно тело, формирано пред само една недела. Во официјалното соопштение не се споменува горенаведениот скандал, туку едноставно федерацијата „се заблагодарува за сите успеси на досегашниот селектор Вилда и му посакува многу среќа во иднина“. Шпанската јавност е убедена дека прекинот на соработката доаѓа поради несогласување со федерацијата и жали што во овие историски моменти, се случуваат вакви несфатливи скандали.

Шпанската фудбалска федерација побара оставка од Рубиалес

Дарко Андоновски — Tue, 29 Aug 2023 09:46:42 +0000

Шпанската фудбалска федерација (РФЕФ), составена од 19 регионални сојузи, побара синоќа „моментална оставка‘ од претседателот Луис Рубиалес (46) бидејќи ја бакна в уста фудбалерката Џенифер Ермосо (33) за време на доделувањето на златните медали на неодамнешното Светско првенство. Претседателите на регионалните сојузи, вклучувајќи ги Мадрид, Каталонија, Баскија и Андалузија, по состанокот објавија соопштение во кое одбија да го поддржат Рубиалес. „По последните случувања и неприфатливото однесување кое му наштети на имиџот на шпанскиот фудбал, претседателите бараат Луис Рубиалес веднаш да поднесе оставка како претседател на РФЕФ“, наведуваат во соопштението. Рубиалес, кој тврди дека ја бакнал фудбалерката Ермосо со нејзина согласност, порача во петокот од седиштетот на РФЕФ дека нема да отстапи од должноста. Во меѓувреме, ФИФА му изрече тримесечна суспензија додека не заврши истражната дисциплинска постапка и не биде соопштена конечната одлука. Рубиалес е на чело на РФЕФ од 2018 година, а регионалните фудбалски сојузи на синоќешниот состанок за негов населеник дадоа едногласна поддршка на актуелниот потпретседател Педро Роча.

Касиљас нема да учествува во трката за функцијата претседател на Шпанската фудбалска федерација

Тале Кристо — Mon, 15 Jun 2020 13:06:57 +0000

Поранешниот голман на Реал Мадрид и шпанската фудбалска репрезентација, Икер Касиљас соопшти дека нема да учествува на изборите за претседател на тамошната фудбалска федерација. – Главната причина што ја донесов оваа одлука е посебната социјална, економска и епидемиолошка состојба што се разви во Шпанија. Затоа, изборите ќе бидат во сенка на ситуацијата во земјата. Ова не значи дека засекогаш ја затворам оваа врата. Сакам изборите да бидат фер и отворени, што ќе биде од полза за шпанскиот фудбал, но во оваа ситуација не би сметал на тоа, изјави Касиљас. Претходно беше објавено дека 39-годишниот голман има намера да му се спротивстави на досегашниот шеф на шпанскиот фудбалски сојуз Луис Рубиалес. Претседателските избори на шпанската фудбалска федерација ќе се одржат оваа година.