шпанска полиција – Kurir.mk

Шпанската полиција заплени седум тони хашиш

Дарко Андоновски — Sun, 02 May 2021 11:40:38 +0000

Шпанската полиција соопшти дека во акција спроведена во јужниот дел на земјата се запленети седум тони хашиш на реморкер, каде биле скриени 200 пакети дрога. Уапсени се тројца членови на банда, чие седиште се наоѓало во градот Уелви. Шпанската, холандската и франциската полиција од март минатата година учествуваат во истрагата за бандата која шверцувала огромно количество хашиш во повеќе земји. Тоа е една од најголемите операции оваа година против трговците со дрога, со која е намалена активноста на криминалните организации во Гибралтарскиот мореуз, наведува шпанската полиција.

Откриена мрежа на интернет-измамници во Шпанија

Магдалена Андонова — Thu, 09 Jul 2020 13:46:47 +0000

Шпанската полиција уапси 94 лица под обвинение за кражба на половина милион евра со помош на измама преку интернет, соопшти локалната полиција. За таа цел, групата користела таканаречена СИМ размена, со која криминалците, откако го дознавале телефонскиот број на жртвата, барале реиздавање СИМ-картичката за да добијат на тој начин целосен пристап до банкарските сметки. Полициската акција била спроведена во различни региони во земјата. Приведени се 94 лица под обвинение за измама, перење пари, вмешаност во криминални групи и фалсификување документи. Украдената сума изнесувала 504,8 илјади евра, а само од една банкарска сметка биле повлечени 240.000 евра. (МИА)

Шпанската полиција во подморница заплени два тона кокаин

Ивона Петрова — Mon, 25 Nov 2019 08:22:18 +0000

Шпанската полиција запленила подморница на која биле откриени два тона кокаин и притоа уапсила две лица. Би-Би-Си го цитира соопштението на полицијата во кое се наведува дека подморницата била откриена кога се доближила до брегот на Галиција, и дека трето лице, исто така, било во неа, но успеало да им побегне. Трите лица, се навеудва во соопштението, потекнувале од Еквадор. Шпанските медиуми пренесуваат дека подморницата од Колумбија пристигнала до шпанскиот брег, а полицијата се обидува да утврди дали цело време самостојно патувала од Латинска Америка.

Шпанската полиција заплени 1.400 килограми кокаин и уапси 10 лица

Ивона Петрова — Wed, 24 Oct 2018 05:50:26 +0000

Одделот за борба против трговијата со дрога на шпанската полиција соопшти дека во заедничка операција со Службата за борба со наркотици на САД биле запленети 1.400 килограми кокаин. Операцијата била спроведена на брод во Атлантскиот Океан, на околу 1.800 километри од Канарските Острови. Во акцијата се уапсени десет лица, меѓу кои и еден Бугарин. Седум од уапсените биле турски државјани, еден Украинец и еден Грузиец. Според шпанската полиција, бродот пловел кон европско, можеби и шпанско пристаниште каде би го истоварил кокаинот по што дрогата би била дистрибуирана низ целиот континент. Шверцот со дрогата го организирала турска организирана криминална група. Оваа операција на шпанската полиција е трета против турски криминални групи. МИА

Шпанија: Запленети над 2,8 тони хашиш

Ивона Петрова — Wed, 07 Mar 2018 14:06:17 +0000

Шпанската полиција и припадниците на цивилната гарда конфискуваа над 2,8 тони хашиш и приведоа 17 лица. Операцијата против илегалната трговија со дрога е спроведена во шпанската полиција Кадис, при што се конфискувани и пари, оружје, како и 14 транспортни центри. Кокаинот во Шпанија пристигнал од Мароко. Според податоци на Министерство за внатрешни работи минатата година во Шпанија конфискувани се вкупно 477 тони различни наркотици.