Миле Јанакиески го скршил коленото, одложено судењето за „Шпански скали“

Магдалена Андонова — Wed, 15 Dec 2021 10:34:05 +0000

Судењето за случајот „Шпански скали” се одложува за 18 јануари 2022 година поради повреда на првобвинетиот, поранешниот министер за транспорт и врски, Миле Јанакиески. Судијката Фанка Јанчулева Михаиловска на почетокот на денешното рочиште, информираше дека одбраната на Јанакиевски доставила оригинален документ од медицински преглед од 13.12.2021 година во „Аџибадем Систина”. – Со оглед дека станува збор за фрактура на колено и се препорачува строго мирување на обвинетиот, денешното рочиште се одложува, изјави судијката Јанчулева Михаиловска. Во случајот „Шпански скали“, покрај ексминистерот Јанакиески, обвинети се Димитар Димовски, Билјана Дејановска-Димитровска, Виолета Самарџиска, Анета Јорданова, Дејан Митевски, Емилија Радојкова, Снежана Крстевска, Ристо Папазов, Лидија Смиљановска и Марјан Јованов. Тие се товарат дека со незаконската продажба на парцелите пред зградата на ЕВН на плоштадот во Скопје ја оштетиле државата за 2,6 милиони евра.

Цената за „шпанкси скали“ е 1500 евра за метар квадратен, а не по багателни цени како што вели ОЈО

Катерина Бојаџиева — Fri, 28 Jun 2019 18:40:45 +0000

Компанијата „Амадеус девелопмент“ плати 1,590 милиони евра за локацијата на скопскиот плоштад. На електронско јавно наддавање кое се одржа во 2013-та година за локацијата од 1.046 квадратни метри „Амадеус девелопмент“ ја крена цената на над 1.500 евра за еден квадратен метар. Почетната цена беше 100 евра за еден метар квадратен. Останува нејасно како за Основното јавно обвинителство е оштетен буџетот ако се земе предвид дека ова беше најскапоплатената аукција за државно земјиште во Македонија, додека имало случаи кога земјиште во строгиот центар на градот Скопје било продавано и по цена од 25 евра за метар квадратен. На оваа локација (пред ГТЦ) беше предвидено да се гради деловен објект по претходно готово идејно решение подготвено од Владата на Република Македонија во барокен стил. Планирано беше објектот да биде висок 16 метри и да има 3.780 квадратни метри.

шпански скали – Kurir.mk

Миле Јанакиески го скршил коленото, одложено судењето за „Шпански скали“

Цената за „шпанкси скали“ е 1500 евра за метар квадратен, а не по багателни цени како што вели ОЈО