шприц – Kurir.mk

Приведен охриѓанец, кај него најдени марихуана и шприц

Ивана Ефремовски — Thu, 13 Apr 2023 18:23:32 +0000

На 12.04.2023 во 16:30 часот на локален пат во струшкото село Мислешево, полициски службеници од ОВР Струга го лишиле од слобода Д.В.(45) од Охрид. При преглед кај него и во возилото „нисан“ со охридски регистарски ознаки, кое го управувал, биле пронајдени и одземени марихуана и шприц. По целосно документирање на случајот, против него ќе биде поднесена соодветна пријава.

Серија мистериозни напади во ноќни клубови: Во Малага пријавени нови 11 случаи на убоди со шприц

Магдалена Андонова — Mon, 08 Aug 2022 13:22:20 +0000

Единаесет нови случаи на убоди со шприцови на јавни места се пријавени изминатиот викенд во шпанската провинција Малага, од кои во девет случаи нападнати се жени а двајца се мажи, пренесе во понеделникот радиото Cadena Ser повикувајќи се на извори. Во петокот шпанскиот министер за внатрешни работи Фернандо Гранде-Марласка изјави дека безбедносните агенции ширум земјата разгледуваат 60 пријави на случаи на инјектирање со шприцови на јавни места. Единаесетте новопријавени случаи се одиграле на локации каде се одвива ноќниот живот во Малага, како дискотеки, барови или концерти. Според сознанијата на Cadena Ser, случаите се пријавени на пет локации во покраината, шест случаи во Марбеља, два во градот Малага и по еден во местата Торемолинос, Беналмадена и Фуенгирола. Како одговор на зголемениот број напади си шприцови на јавни места ширум Шпанија, локалните власти во Малага ангажирале зголемен број припадниците на безбедносните служби и дронови пред почетокот на претстојниот саем во петок во историскиот центар на истоимениот главен град на покраината. Радиото објави дека повеќе од 1.500 припадници на полицијата и седум беспилотни летала ќе се користат за осигурување на безбедноста на учесниците и посетителите на манифестацијата. Во Шпанија од јули сериозен проблем станаа нападите со шприцови на локации на масовни собирања на луѓе. Првите такви случаи беа пријавени во текот на религиозниот фестивал Сан Фермин во Памплона, познат по уличните бркотници со бикови, каде годинава по двегодишната пазува поради пандемијата од коронавирусот допатуваа илјадници луѓе од целиот свет. Каталонската полиција, исто така, истражува серија пријави за напади со инјекции во ноќни клубови во покраината. И повеќе посетители на музичкиот фестивал во градот Сантандер и на дискотеки на Балеарските острови пријавиле дека со шприцови им била инјектирана непозната супстанца. Три девојки биле хоспитализирани во Валенсија, по такви напади.

Момче со шприц во рацете колабираше во центарот на Скопје

Дарко Андоновски — Fri, 26 Jul 2019 12:04:35 +0000

Момче во несвесна состојба лежеше на клупа на плоштадот ВМРО во центарот на Скопје. По дојава од минувачи, реагираше брзата помош, кои го земаа и транспортираа во болница. Лицето со себе имало и шприц, објавува НетПрес. Кратко време по пристигнувањето на лекарската екипа, дошла и полицијата. Засега здравствената состојба не е позната. Од МВР се уште немаат никакви информации за случајот.

Осум средношколци во Сиднеј боцнати со шприц на „шега“

Ивона Петрова — Thu, 25 Oct 2018 05:53:54 +0000

Неколку средношколци во Сиднеј биле однесени во болница за да направат испитување на крвта откако нивни соученик ги боцнал со шприц што го нашол на автобуската станица, соопштија властите во Нов Јужен Велс. Локалната полицијата соопшти дека ученикот „направил шега со шприц“ по што осум ученици отишле во болница за да се тестираат за инфекции. Полицијата го испитува случајот и ќе разговара со ученикот. МИА

Семејна драма во Земун: Бебе голтнало шприц

Катерина Бојаџиева — Thu, 22 Feb 2018 10:39:38 +0000

Бебе старо еден и пол месец голтнало шприц утринава додека бабата се обидувала да и даде лек, пишуваат српските медиуми. Повикана е брза помош. Засега никому не му е јасно како се случил настанот.