штаб – Kurir.mk

Собиранка во штаб на политичка партија на власт, спротивно на закон се агитира во изборен молк!

Ивана Ефремовски — Sat, 16 Oct 2021 19:23:01 +0000

Екипата на Инфомакс влезе во партиски штаб на СДСМ, кој денес, на изборен молк не смее да биде отворен. Сепак, партиски членови си направиле собиранка токму во партискиот штаб, што е спротивно на закон. Видеото на Инфомакс погледнете го во продолжение:

Обиен штаб на политичка партија во Кисела Вода

Тале Кристо — Sun, 10 Oct 2021 15:44:00 +0000

На 09.10.2021 во 17.33 часот било пријавено дека на ул.„Првомајска“ бил насилно отворен прозорец од објект во кој бил сместен штаб на политичка партија, но не било влезено внатре, а од надворешната страна на објектот биле искинати плакати од кандидат за градоначалник и со спреј биле испишани графити. Се преземаат мерки за расчистување на настанот.

СИТЕ СЕ СРАМАТ ОД ЗАЕВ- пред штабовите на СДСМ осамна порака до нивниот лидер: Затворено поради предавство (ФОТО)

Дарко Андоновски — Fri, 27 Nov 2020 10:35:10 +0000

Бурни реакции во јавноста по изјавата на Зоран Заев и предавството на нашата земја и херои. Речици целиот регион веќе два дена пишува за смешните тврдења на македонскиот премиер за бугарските медиуми, додека граѓаните револтот го искажуваат на протести. Едниот се случи вчера, додека за денес се закажани во седум македонски града. Во меѓувреме речиси целата нација се срами од Заев, па дури и неговите сопартијци и симпатизери. На социјалните мрежи се појавија и фотографии од неколку штабови на СДСМ пред чија врата е залепен плакат „затворено поради предавство“.

Попладне седница на Главниот штаб за управување со кризи

Тале Кристо — Sat, 21 Nov 2020 08:20:24 +0000

Главниот штаб за управување со кризи денеска во 16 часот ќе одржи седница на која, како што е најавено, треба да се разгледа Нацрт-акцискиот план за борба против пандемијата што го изготвува Центарот за управување со кризи (ЦУК). Согласно Одлуката за кризна состојба, Главниот штаб за управување со кризи синоќа во ЦУК веќе одржа седница. По конкустривна и куса дискусија, соопшти, беше утврдена рамка на активности на институциите во контекст на усвојување акциски план. Со Главниот штаб раководеше в.д. директорот на ЦУК, Стојанче Ангелов, а присуствуваа претставници на субјектите кои се дел од Системот за управување со кризи, назначени согласно Законот за управување со кризи – министерствата за внатрешни работи, за здравство, за транспорт и врски, за одбрана и за надворешни работи и раководителот на Групата за процена, како и раководителот на Итна медицинска помош во Скопје, директорот на Дирекцијата за заштита и спасување, како и претставници на Армијата, Агенцијата за разузнавање, дирекцијата за безбедност на класифицирани информации и Црвениот крст на Република Северна Македонија. Според ЦУК, донесената Одлука за кризна состојба на територијата на цела држава е во насока на заштита на јавното здравје во услови на пандемија, безбедноста на населението и за спречување на КОВИД-19.

Штабот на Трамп: Овие избори се уште не се завршени

Магдалена Андонова — Fri, 06 Nov 2020 16:54:28 +0000

Откако демократскиот кандидат за американски претседател Џо Бајден денеска го презеде водството во броењето на гласовите во две клучни сојузни држави, Џорџија и Пенсилванија, кампањата на републиканскиот кандидат Доналд Трамп предмалку на Твитер сооошти дека „изборите се уште не се завршени“. Американската страница Дизизен Деск веќе ја прогласи победата на Бајден, но телевизиските мрежи и агенцијата АП се уште се воздржани во своите прогнози, бидејќи остануваат илјадници гласови да бидат преброени. - Лажната проекција на Џо Бајден како победник се заснова на резултатите во четири земји кои се далеку од конечни, се наведува во соопштението на кампањата на Трамп. Тие додаваат дека е побарано ново преборјување во Џорџија, каде Бајден, исто така, денеска го презеде водството, и забележуваат дека имало неправилности и во Пенсилванија. (МИА)

Штабот на Трамп преку суд побара да прекине броењето на гласовите во Мичиген

Магдалена Андонова — Wed, 04 Nov 2020 19:57:57 +0000

Изборниот штаб на американскиот претседател Доналд Трамп денеска поднесе барање да прекине броењето на гласачките ливчиња на претседателските избори во сојузната држава Мичиген. „Денеска поднесовме барање пред судот во Мичиген да престане броењето додека не ни се овозможи пристап“, се наведува во соопштението на изборниот штаб на Трамп, пренесуваат британските медиуми. „Ние, исто така, бараме да се прегледаат оние гласачки ливчиња што беа отворени и преброени пред да имаме пристап“, се додава во соопштението на кампањата на Трамп. Победата во Мичиген носи 16 електорални гласови, а за победа на изборите се потребни еден од кандидатите да освои најмалку 270 вакви изборни гласови. (МИА)

Драма во штаб на политичка партија по изборите- започнал да демолира автомобил БМВ, а потоа агресивно се однесувал и кон полицијата

Дарко Андоновски — Mon, 06 May 2019 14:33:08 +0000

На 6 мај 2019 година во 01.30 часот во СВР Скопје В.А.(29) од с.Волково, скопско, пријавил дека истиот ден околу 00.30 часот пред штаб на политичка партија во с.Волково А.Л.(27) од с.Волково почнал да удира по неговото патничко возило „БМВ“ со скопски регистарски ознаки, при што скршил едно стакло. Полициски службеници излегле на местото , по што А.Л. и Д.Л.(59) почнале агресивно да се однесуваат и кон полициските службеници. По целосното расчистување и документирање на случајот, против нив ќе бидат поднесени соодветни поднесоци, информираат од МВР.

По испиеното кафе со Река, Силјановска денеска во посета на штабот на Пендаровски (ФОТО)

Дарко Андоновски — Thu, 18 Apr 2019 13:31:04 +0000

Кандидатот за претседател од редовите на ВМРО-ДПМНЕ Гордана Силјановска Давкова денеска беше во посета на еден од штабовите на нејзиниот против Кандидат Стево Пендаровски. -По вчерашното кафе со Река, денес решив да го посетам и штабот на Стево. Ѓорѓи Галетановски - Чомбе не ме пречека, ама со присутните заклучивме дека сите очекуваме фер изборен процес и избори без нерегуларности, стои во нејзиниот пост на Твитер.

По вчерашнато кафе со Река, денес решив да го посетам и штабот на Стево. Ѓорѓи Галетановски - Чомбе не ме пречека, ама со присутните заклучивме дека сите очекуваме фер изборен процес и избори без нерегуларности. pic.twitter.com/EdusDTRBWt
— Гордана Сиљановска Давкова (@gogamkd) April 18, 2019

Таа инаку претходно вчера со другиот против кандидат испи и кафе.

Тешка кражба во штаб на политичка партија- сторителот одзел телевизор и компјутер

Дарко Андоновски — Mon, 04 Mar 2019 15:02:11 +0000

На 03.03.2019 во 12.37 часот во СВР Скопје било пријавено дека на улица „Александар Урдаревски“ во село Мирковци, скопско, непознат сторител извршил тешка кражба во штаб на политичка партија. Според пријавеното, сторителот одзел телевизор и компјутер. Се преземаат мерки за пронаоѓање на сторителот и за расчистување на случајот.

Мицкоски: За оние кои го нападнаа штабот на ВМРО-ДПМНЕ треба да го прашате Заев, но сторителите и нарачателите треба да знаат дека имаме институционална меморија

Ивона Петрова — Tue, 26 Jun 2018 18:17:16 +0000

Претседателот на ВМРО-ДПМНЕ, Христијан Мицкоски во гостувањето во емисијата „Само вистина“ на Канал 5 вели дека Зоран Заев треба да одговори на прашањето кој го шарал и кој фрлал боја врз централниот штаб на ВМРО-ДПМНЕ, посочувајќи дека партијата има институционална меморија каде што се сеќава на вакви злодела кои се прават врз ВМРО-ДПМНЕ.

-Каква е стратегијата која што ја подготвува владата на Зоран Заев? Најпрво имаше неуспешно сценарио да ВМРО-ДПМНЕ се втурне односно да се организира протести каде што ќе бидат исценирани инциденти слични на оние кои што беа исценирани на 27-ми април и потоа ВМРО-ДПМНЕ да биде прогласен за радикален елемент и да му се одземат сите аргументи во оваа битка и под форма на притисок, ВМРО-ДПМНЕ да може да делува поинаку од ова што сега делува или ние популарно велиме да се одземе имунитетот на ВМРО-ДПМНЕ, истакна Мицкоски.

Тој посочи дека Заев е свесен што потпишал мислејќи на договорот за промена на името со Република Македонија кој според него претставува капитулантско дело кое значи бришење на македонската историја и идентите на Македонците.

-Видовме како политичар во Република Македонија се качуваше со две знамиња на хауба на транспортер оклопен возило и како полицаец нежно го замолува да се симне, од друга страна недолжни граѓани кои што го искористиле своето демократско елементарно право да излезат ио да протестираат против овој капитулантски чин кој што го направи владата на СДСМ и Зоран Заев се гаѓани со гумени куршуми, со шок бомби солзавци итн. Гледаме како од една страна се применува асиметрична сила врз мирните протестанти а од друга страна човек кој се качува со две знамиња каде полицаец излегува и го замолува да се симне. Зар не ви личи тоа дека е исценирано сето тоа, праша Мицкоски.

Претседателот Мицкоски нагласи дека ВМРО-ДПМНЕ нема да подлегне на овие исценирани сценарија и исфилтрирани групи кои имаат за цел да создадат лоша слика и немири во Република Македонија.

-ВМРО-ДПМНЕ ќе делува институционално, ВМРО-ДПМНЕ ќе делува демократски. Не ја исклучува можноста за организирање на масовни собири и протести. ВМРО-ДПМНЕ ги поддржува и поздравува сите мирни протести кои се во насока да го критикуваат ова капитулантско дело кое што го потпиша Заев и Димитров, нагласи партискиот лидер.