штајк – Kurir.mk

СОНК ја запознал Европската конфедерација на синдикатите за образование за причините и подготовките на штрајкот

Дарко Андоновски — Wed, 06 Apr 2022 13:56:50 +0000

Претседателот на Самостојниот синдикат за образование, наука и култура (СОНК) Јаким Неделков денеска имал работна средба со Сузан Флокен, претседателка на Европската конфедерација на синдикатите за образование (ETUCE), на која ја информиал за причините и подготовката за организирање на штрајкот во градинките, основното и средното образование најавен за понеделник. -Г-ѓа Флокен во името на ETUCE дава силна поддршка на СОНК и верува во издржаните барања до конечен успех. Подвлече дека будно ќе ги следат случувањата и извештаите од штрајкот на СОНК особено ако има обиди за попречување на правото на штрајк, што е регулирано со меѓународните конвенции и препораките на Меѓународната организација на трудот, објави Неделков на Фејсбук. Генералниот штрајк во училиштата и градинките СОНК ќе го организира од 11 април бидејќи не е исполнето нивното барање за зголемување на платите во дејностите образование и детска заштита. СОНК бара зголемување на платите за 18,4 проценти односно нивно усогласување со миниманата плата која од овој месец се зголемува од 15.200 на 18.000 денари и дополнително минималната плата да биде основица со која ќе се множат коефицинетите на сложеност на работни места. Преговори меѓу СОНК и Владата имаше минатиот вторник и овој понеделник но завршија без договор. Неделков по завчерашната средба, која се одржа во Министетството за финансии, изјави дека нема краткорочно решение со кое, како што рече, „сега и веднаш ќе се зголемат платите на дејностите што ги застапува Синдикатот“. -За жал никаков процент, никакви бројки не беа изнесени на маса и морам да кажам дека излегуваме разочарани што нема што да пренесеме во јавноста и до членството. Очигледно, несериозно се сфаќа дека ќе има генерален штрајк на 11 април, кој може да има многу сериозни последици за сите, изјави Неделков по средбата во понеделникот.

СОНК и Владата на нова рунда преговори: Ако не успеат, од 11 април градинките и школите започнуваат протест!

Дарко Андоновски — Mon, 04 Apr 2022 09:20:00 +0000

За денеска, како што претходно најави претседателот на Синдикатот за образование и наука (СОНК), Јаким Неделков, закажана е нова рунда преговори меѓу Синдикатот и Владата на која треба да преговараат за усогласување на платите во образовниот сектор. Неделков вели оти одлуката за штрајк на градинките и школите, кој би требало да започне на 11 април, ќе трае сè додека не се исполнат нивните барања за усогласување на минималната плата со останатите плати во образовниот сектор. СОНК бара следење на процентот на пораст на минималната плата односно за 18,4 проценти да се зголемат платите за потоа да се изнајде системско решение и во иднина да не се протестира секогаш кога ќе се зголемува минималната плата. Меѓу другото, за претседателот на СОНК недозволиво е исполнување на нивните барања со проектирање на Буџетот за 2023 година.

МАКЕДОНСКА ПОШТА ПРЕД ШТРАЈК: Се бара линеарно покачување на платите, Владата и Управниот одбор глуви, граѓаните нема да можат да плаќаат сметки!

Дарко Андоновски — Fri, 01 Apr 2022 10:08:10 +0000

Над 1.000 вработени лица во Македонски пошти наскоро ќе започнат штрајк доколку Управниот одбор и владата не ги исполнат нивните барања за линеарно покачување на платите во износ од три илјади денари подеднакво за сите вработени. Вработено лице во една од многуте пошти во земјава во изјава за КУРИР вели дека дефинитивно ќе стапат во штрајк доколку владата и овој пат остане нема на нивните барања. -Платите се мизерни и не се покачени со години, бараме покачување кое е нужно во ова време кога се е покачено, од цените во маркетите, до горивата, па се до кризата и војната која се случува во Европа. Се надеваме дека овие барања на нашите синдикални здруженија ќе родат со плод, ако не за 10 дена колку што е законскиот рок почнувајќи од денес ние стапуваме во штрајк, вели нашиот добро упатен извор вработен во Македонска пошта. Претседателот на Синдикатот на „Македонска пошта“ Боро Велигденов во изјава за КУРИР вели дека вчера по состанокот на двата синдиката во Македонска пошта ќе излезат на заеднички штајк. -Согласно законските регулативи, Законот за работни односи и Законот за поштенски услуги по истекот на овој даден рок од десет дена, т.е од 14 април, доколку не се исполнат нашите барање, Македонска пошта започнува штрајк. Ние како синдикат бараме линеарно зголемување на платите во Македонски пошти со што сите вработени ќе добијат по три илјади денари покачување на својата плата. Платите во пошта не се променети 32 години и истите се од стариот систем, па поради покачувањето на минималната плата и зголемувањето на трошоците за живот, бараме подеднакво покачување за сите вработени, вели Велигденов. Тој додава дека освен ова покачување бараат и физичко обезбедување во поштите низ целата земја, како и основни средства за работа кои се најпотребни за секојдневно функционирање во македонските пошти. Велигденов во изјава за КУРИР вели дека Управниот одбор во Македонска пошта и Владата се информирани за овие барање и дека тие веќе имале неуспешна средба со вицепремиерот во владата Фатмир Бетиќи. -Имавме средба со вицепремиерот минатата недела, но иако ни ветија дека ќе добиеме одговор, до овој момент немаме, па затоа решивме од вчера да стапиме во постапка пред штрајк, додава Велигденов. Истакнува дека со покачување на минималната плата дури 70% од вработените во пошта ќе земаат таква плата со што овој податок е поразителен со фактот што платите не се доволни за нормално живеење во овој момент. Инаку доколку владата остане глува и слепа на овие барања на вработените во Македонска пошта, тие ќе стапат во штрајк од 14 април и тоа значи дека нема да може да се плаќаат сметки во пошта, додека ќе се извршуваат сите услуги регулирани со Законот за поштенски услуги како на пример пратки со приоритет за државата, примање на судски пратки и секаков вид на пратки, кои ќе бидат редуцирани.