Проблеми за Кил, се повреди и Вајнхолд

Бошко Тасиќ — Tue, 29 Nov 2022 06:18:34 +0000

Штефан Вајнхолд, кој настапува на позицијата десен бек во германски Кил, ќе отсуствува одреден временски поради повреда. Искусниот ракометар во натпреварот против Гумерзбах ги скинал предните вкрстени лигаменти на левото колено, а според проценката на лекарите Вајнхолд ќе паузира околу три месеци и неговиот камбек на терените се очекува да биде во месец март следната година. Кил на десната бековска позиција ги има на располагање Харалд Рајнкинд и Хенри Пабст. Тимот на Јиха, исто така остана без услугите на Магнус Ландин, Ериг Свен и Ерик Јохансон, кои исто така отсуствуваат поради повреда. На терените пред неколку дена се врати Сандер Сагосен, кој се уште не е целосно опоравен, а на почетокот на оваа сезона повредени беа Хенрик Пекелер и Руне Дамке.

Ѕвездите на Кил се Ковид позитивни, не доаѓаат во Скопје?

Ристе Здравков — Tue, 19 Oct 2021 13:25:52 +0000

Кил на натпреварот со Лемго настапи без Сандер Сагосен и Штефан Вајнхолд. Сега се знае и зошто. Во голема белја се најде големиот Кил. Сандер Сагосен и Штефан Вајнхолд и покрај вакцините, се позитивни на Ковид 19 и се во карантин. Затоа тие и не беа на мечот со Лемго на кој Кил одигра само нерешено. Нема да бидат ниту на дуелот со ПИК Сегед што се игра утре во рамките на Лигата на шампионите. Најверојатно, нема да бидат и на мечот што може да биде пресуден за шампион во Бундес лигата - викенд дербито во Вундерино арена против незгодните гости од Магдебург. Колку време ќе бидат вон терен не се знае. Но, во следното коло од Лигата на шампионите, 27 октомври, Кил доаѓа во Скопје. Дали оваа временска рамка ќе се поклопи со времето за враќање на терен или не засега не може да се каже. Но, постои шанса, Кил во Скопје да допатува без Сагосен и Вајнхолд.

Штефан Вајнхолд – Kurir.mk

Проблеми за Кил, се повреди и Вајнхолд

Ѕвездите на Кил се Ковид позитивни, не доаѓаат во Скопје?