штикли – Kurir.mk

Следува уште една ноќ за паметење во Скопје

Super Admin — Thu, 22 Jun 2023 08:57:58 +0000

Време е за уште едно, возбудливо петто издание на винско-музичко-модниот настан „Вино на штикли“ кој ќе се одржи на 29. Јуни (четврток) со почеток од 19:00 до 00:00 часот во винскиот бар и ресторан Форца во Скопје. Радосно го најавуваме и ги покануваме винските љубители да ни се придружат на еден од омилените вински летни настани на кој се слави виното и неговата магија. Уживањето ќе го доведеме до совршенство со пријатна и опуштена атмосфера од музичкиот репертоар на македонската поп ѕвезда Викторија Лоба заедно со својот придружен бенд, гастрономски „зачинето“ со вкусна храна и естетски нијансирани со шармантен и елегантен моден стил на гостите. „Вино на штикли“ и оваа година повторно ќе биде место каде што нашите уметници-винари ќе ги донесат и покажат своите најдобри вина и нетрпеливо ќе ги очекуваат Вашите коментари, критики и пофалби. „Вино на штикли“ е елегантен вински настан на кој виното, надополнето со модата и музиката ќе покаже нов сјај и уникатност. Во цената од 1200 денари е вклучена бесплатна дегустација на над 150 различни вина од 25 македонски и странски винарии кои ќе бидат спарени со вкусните закуски на винскиот бар и ресторан Форца. Најважно од сè е да си набавите влезница на време, бидејќи влезниците за „Вино на штикли“ ќе бидат во ограничен број и истите може да се купат само по електронски пат (online) на следниов линк: vinonastikli.mk Придружете ни се на „Вино на штикли“ и споделете ја Вашата винска, гастрономска и модна страст! И не заборавајте. Со виното е исто како со страст: треба да се пробаат сите вина, од некое се доволни само неколку голтки, а некое треба да се испие до крај.

Не заборавајте ги штиклите: Четврток (23 јуни), гламурозна ноќ за „Вино на штикли“, убави вина и Викторија Лоба

Super Admin — Tue, 21 Jun 2022 11:20:44 +0000

Се е подготвено за „Вино на штикли“, настан што гарант ќе го одбележи долгото топло лето. Да резимираме: на 23 јуни, во четврток, од 19 часот па се до полноќ, по четврти пат во „Форца“ ќе се случува настан што ќе ги обедини љубителите на виното, гурманите кои ќе уживаат во деликатесите на популарниот вински бар и ресторан и секако добрата музика. За музичкиот дел е задолжена македонската поп ѕвезда Викторија Лоба, која освен своите хитови, на гостите ќе им понуди богат избор на кавер верзии на домашните и светски популарни хитови и евергрини, потенцирајќи го стилот на изведувачите, ама со нејзината концепциска слика. Ќе уживате во навистина добра свирка. Не очекува ноќ со многу изненадувања, дегустација на над 150 различни вина од 18 македонски и странски винарии што ќе бидат спарени со вкусните гурмански предизвици на Форца, а љубителите на тартуфи ќе имаат можност да пробаат разни производи од брендот Tuf.mk. Внимавајте: на 23 јуни сите патишта водат кон „Форца“. Бидете таму. Бидете извонредни! Се гледаме. Facebook Event: https://www.facebook.com/events/1019233218696301

„Вино на штикли“ на 23 јуни: Најавуваме ноќ за паметење во Форца

Super Admin — Mon, 13 Jun 2022 11:42:36 +0000

По пауза од две години, на 23 јуни (четврток), од 19 часот па се до полноќ, во винскиот бар и ресторан „Форца“ по 4-ти пат ќе се случува единствен настан „Вино на штикли“ кој на едно место ќе ги собере - најдобрите вина, жени на штикли (со што се потенцира дрес кодот за оваа посебна ноќ) и секако, мажи со вкус. Ова е вистинско место за вашите најдобри штикли бидејќи ве очекува фантастично модно изненадување. Виното и жените се најопеаните нешта на светот, а кога на ова ќе се надодадат вкусните специјалитети на ресторанот Форца, настапот на поп ѕвездата Викторија Лоба заедно со својот придружен бенд, која за оваа вечер има специјален репертоар, навистина се работи за настан што не се пропушта. Внимавајте: во цената од 1200 денари е вклучена бесплатна дегустација на над 100 различни вина од 15 македонски и странски винарии кои ќе бидат спарени со вкусните закуски на ресторан Форца. Најважно од сè е да си набавите влезница на време, бидејќи бројот на гостите е ограничен. Влезниците се продаваат единствено во Форца, а сите патишта на 23 јуни ќе водат кон овој популарен скопски локал. П.С. И не заборавајте. Со виното е исто како со страст: треба да се пробаат сите вина, од некое се доволни само неколку голтки, а некое треба да се испие до крај. Се гледаме! Резервирајте на 078 445 068.

Трпат за убавина: Овие модни парчиња им го уништуваат здравјето на жените

Ивана Ефремовски — Fri, 29 Jan 2021 17:18:36 +0000

Желбата да се изгледа совршено и прекрасно понекогаш е многу посилна од болката во стапалата од превисоките потпетици, од претесниот фустан или носењето претешки чанти и непријатни, но убави на изглед материјали. Понекогаш, додека се гледаме во огледало и се воодушевуваме на нашиот изглед, нашиот организам пати. Прочитајте кои модни парчиња и додатоци се непријатели на нашето здравје! Високи потпетици: Иако за посилниот пол високите потпетци на женската нога се неодоливи, тие се непријател на стапалата. Носењето на високи потпетици може да резултира со изместен зглоб, плускавци, грчеви во мускуслите и деформации на ножните прсти. Големи и тешки чанти: Истражувањата покажуваат дека нееднакво распоредениот товар може да предизвика болки во вратот. Чантите кои тежат од 15 до 17 отсто од телесната тежина можат да предизвикаат проблеми со карлицата. Британска студија покажува дека жените и мажите страдаат од болки поради носење на тешки и големи чанти согласни модните трендови. Танга гаќички: Танга гаќичките можат да предизвикаат вагинални или инфекции на уриналниот тракт. Ако тие се дел од вашата дневна гардероба, тогаш барам за спиење носете памучна долна облека. Тесни фармерки: Тесните фармерки се хит меѓу посилниот пол, но во исто време за жените се мака бидејќи предизвикуваат проблеми со мочниот меур. Затоа, гледајте почесто да бидете во поширока гардероба.

„Вино на штикли“ во Форца

Super Admin — Wed, 26 Jun 2019 13:06:50 +0000

Среда, 3-ти јули од 20 часот па се до 1 часот по полноќ, винскиот бар и ресторан „Форца“ ќе биде главното место на забавата во главниот град. „Вино на штикли“ по трет пат, најавениот и долгоочекуван настан, спектакл каков што ретко му се случува на Скопје. Винско-музичко-моден настан на кој освен дегустацијата на различни врсти на вина од македонски и странски винарии по супермаркетска цена на чинење, гостите ќе имаат можност да проследат уште неколку различни забавни перформанси. Македонската поп ѕвезда Викторија Лоба заедно со својот придружен бенд ќе ги забавува посетителите со своите најголеми хитови, но и со најпознатите светски и регионални актуелни песни и евергрини. Пред и потоа, присутните ќе ги се журкаат со ДЈ Бранчез и неговиот специјално подготвен ДЈ сет за оваа прилика. Покрај музичкиот дел за кој се подготвува специјална сцена со соодветно озвучување и специјално подготвено „ројал блу“ осветлување, во „Форца“ ќе се случува и моден перформанс. И сето тоа исто така гратис, единствено во функција на добрата забава, зашто влезот на „Вино на штикли“ е бесплатен. Се разбира, претходно навреме направете си резервација, зашто просторот е сепак ограничен, а интересот огромен! За да се уверите дека „во виното е вистината“… ама и убавината. А таа во случајов, доаѓа на штикли! Резервирајте на 078 445 068 или преку порака на фан страницата на Forza Wine Bar & Restaurant.

Штиклите се и практични, не само модерни: Жени ги носат на нозете, а мажов на грбот (ФОТО)

Предраг Кукиќ — Wed, 15 May 2019 08:39:10 +0000

Жените ги обожуваат кога ги носат на нозете, затоа што ги прават поженствени, поелегантни, а безобразните мажи велат дека движејќи се на високи потпетици, атрибутите на жената, попривлечно „ротираат“. Но, дека високата чизма, со исто така висока потпетица, може практично да послужи и за друга намена, сведочи и современиот Робин Худ од фотографијата, кој високата чизма со висока потпетица ја икористил како футрола да ги носи стрелите. Тешко нему ако ја зел чизмата од омилениот пар на неговата жена.

„Розе на штикли“ во „Форца“ – настан каков што Скопје досега не памети

Super Admin — Tue, 03 Jul 2018 12:01:12 +0000

Овој четврток, 5-ти јули од 20 часот па се до 30 минути по полноќ, винскиот бар и ресторан „Форца“ таа вечер ќе биде главното место на забавата во македонската метропола. Дека животот не е црно-бел, туку има и нешто розе, ќе ве увери „Розе на штикли“ – најавениот и долгоочекуван настан, ивент каков што досега ретко му се случувал на Скопје. Имено, се работи за винско-моден настан на кој освен дегустацијата на различни врсти розе вина по набавна цена на чинење, посетителите ќе имаат можност да проследат уште неколку различни забавни перформанси. Така, македонската поп ѕвезда Викторија Лоба заедно со својот придружен бенд ќе ги забавува посетителите со своите најголеми хитови, но и со дузина познати светски и регионални актуелни песни и евергрини. Пред и потоа, присутните ќе ги се журкаат со ДЈ Бранчез и неговиот специјално подготвен ДЈ сет за таа прилика. Покрај музичкиот дел за кој се подготвува специјална сцена со соодветно озвучување и осветлување, во „Форца“ ќе се случува и моден перформанс, на кој модниот дизајнер Моника Блажевска ќе ги изложи своите уникатни принт „БМ дизајн креации“. Познати јавни личности таа вечер ќе бидат манекенки кои ќе продефилираат облечени во уникатните модели со уметнички принтови на Моника Блажевска. Еден познат светски козметички бренд пак, преку своите машки модели ќе дели свои производи на присутните дами на настанот. Се разбира, претходно ТОЈ неа или пак ТАА него, ќе мора само за неколку секунди да го шармира, за да стане гратис добитничка на козметички производ. И сето тоа исто така гратис, единствено во функција на добрата забава, зашто влезот на „Розе на штикли“ е бесплатен. Се разбира, претходно навреме направете си резервација, зашто просторот е сепак ограничен, а интересот огромен! За да се уверите дека животот сепак не е само црно-бел, туку… има и нешто розе… и тоа на штикли! Facebook event: https://www.facebook.com/events/216884218944902/ Резервирајте на 078 445 068 или преку порака на фан страницата на Forza Wine Bar & Restaurant https://www.facebook.com/ForzaWineBarRestaurant/

Ги прекрши сите правила на црвениот килим: Младата актерка по позирањето го направи ова (ГАЛЕРИЈА)

Ивана Ефремовски — Wed, 16 May 2018 10:48:31 +0000

На црвениот тепих на Канскиот филмски фестивал постои правило за носење на чевли на висока потпетици, па затоа секоја дама мора да изгледа соодветно. Но, оваа година Кристен Стјуарт, по втор пат, направи нешто против правилата. Славната актерка е позната по тоа дека не сака да носи високи потпетици, но сепак на црвениот тепих во Кан позираше во црни Лобутин чевли. Откако фотографирањето беше завршено, таа се наведна и пред сите фотографи и останати присутни на црвениот тепих, ги соблече своите чевли и продолжи да чекори боса. Во 2016 година исто така имаше слична ситуација, кога Кристен ја покажа својата бунтовност. Таа на црвениот тепих дојде во патики, кои потоа ги замени со чевли на високи потпетици.

Жени, внимавајте: Овие модни парчиња ви го уништуваат здравјето

Ивана Ефремовски — Mon, 12 Feb 2018 18:46:44 +0000

Желбата да се изгледа совршено и прекрасно понекогаш е многу посилна од болката во стапалата од превисоките потпетици, од претеснит фустан или носењето претешки чанти и непријатни, но убави на изглед материјали. Понекогаш, додека се гледаме во огледало и се воодушевуваме на нашиот изглед, нашиот организам пати. Прочитајте кои модни парчиња и додатоци се непријатели на нашето здравје! Високи потпетици: Иако за посилниот пол високите потпетци на женската нога се неодоливи, тие се непријател на стапалата. Носењето на високи потпетици може да резултира со изместен зглоб, плускавци, грчеви во мускуслите и деформации на ножните прсти. Големи и тешки чанти: Истражувањата покажуваат дека нееднакво распоредениот товар може да предизвика болки во вратот. Чантите кои тежат од 15 до 17 отсто од телесната тежина можат да предзвикаат проблеми со карлицата. Британска студија покажува дека жените и мажите страдаат од болки поради носење на тешки и големи чанти согласни модните трендови. Танга гаќички: Танга гаќичките можат да предизвикаат вагинални или инфекции на уриналниот тракт. Ако тие се дел од вашата дневна гардероба, тогаш барам за спиење носете памучна долна облека. Тесни фармерки: Тесните фармерки се хит меѓу посилниот пол, но во исто време за жените се мака бидејќи предизвикуваат проблеми со мочниот меур. Затоа, гледајте почесто да бидете во поширока гардероба.