штип-кочани – Kurir.mk

Први фотографии од сообраќајната несреќа на експресниот пат Штип-Кочани во која вечерва загина едно лице

Тале Кристо — Mon, 02 Jan 2023 22:04:46 +0000

Нова трагедија вечерва на експресниот пат Штип-Кочани. Од засега непознати причини автомобилот марка „Опел Аста“ се забил во автобус, при што загина совозачот од автомобилот со пробиштипски регистарски ознаки. На терен се брза помош, полиција и пожарна. Се очекува да пристигне и дежурен јавен обвинител за да изврши увид на местото на несреќата. Сообраќајката се случила во 19.45 часот. Лекарите од Итната медицинска помош констатирале дека загинал сопатникот од автомобилот, а возачот со повреди е хоспитализиран во Клиничка болница Штип. Поради случената сообраќајна несреќа, патниот правец е во прекин.

Повреденото момче во несреќата на патот Штип-Кочани е пуштено на домашно лекување

Тале Кристо — Sun, 01 Jan 2023 15:28:23 +0000

Сè уште се одвива истражна постапка за сообраќајната несреќа на патот Штип-Кочани, во којашто 21 годишно момче загина, а едно беше хоспитализирано во Клиничка болница-Штип. Директорот на Клиничка болница-Штип, Ален Ѓеорѓијев за МИА вели дека утринава во болницата се донесени две момчиња, од коешто едното поради тешките повреди на главата починало, а второто се здобило со повреда скршен заб и по направените снимања и прегледи од страна на лекарите е пуштено на домашно лекување. МИА утринава информираше дека момче прегази двајца другари, едниот почина во штипската Клиничка болница, а вториот се бори за живот. Според СВР Штип околу 5.20 часот било пријавено дека на магистрален пат Штип – Кочани, на место викано „Брилијант“, патничко возило „опел астра“ со скопски регистарски ознаки, управувано од К.Т. од Скопје, удрило во 21 годишниот А.Ѓ. од село Кадино, скопско и во А.П. од село Трубарево, скопско, кои претходно патувале во истото возило. Двајцата се здобиле со повреди и биле пренесени во Клиничка болница Штип, каде што во 7.15 часот А.Ѓ. починал, а кај А.П. биле констатирани телесни повреди. Според првичните информации петмината момчиња Новата година ја поминале во Штип, по што во раните утрински часови веќе на пат кон Скопје се случила несреќата. Во Полициската станица-Штип се земаат исказите од момчињата, како се случила несреќата, по којашто момчињата веднаш го имаат пренесено својот 21 годишен другар во болницата во Штип.

Земјоделци ја блокираа изградбата на експресниот пат Штип-Кочани

Тале Кристо — Sat, 24 Jul 2021 11:14:27 +0000

Земјоделци од селата Спанчево, Соколарци и Бања во општина Чешиново-Облешево, денеска излегоа на двочасовен предупредувачки протест, при што со земјоделска механизација го блокираа сообраќајот и изградбата на експресниот пат Штип – Кочани. На тој начин искажаа незадоволство зашто и покрај нивните реагирања и упатени писмени барања до надлежните државни институции, не добиле, како што рекоа, одговор како ќе им се реши пристапот до нивите кои остануваат отсечени со комплетирањето на новата сообраќајна врска. -Се работи за над две илјади хектари оризови површини до кои ние воопшто не можеме да дојдеме ни пеш, а уште помалку со земјоделската механизација. За два месеца ќе почне жетвата на оризот, ама не знаеме ниту од каде ќе влезат комбајните, ниту од каде ќе го изнесеме ожнеаното од нивите. Со изведбата на експресниот пат не е обезбедено никакво поврзување со постојните полски патишта што земјоделците ги користат со децении, истакна Јоце Митров, земјоделец од Спанчево. Земјоделците од трите села реагирале уште минатата година и оствариле средба со претставници на изведувачот и на надзорот на градежните работи, но не се постигнало заедничко решение. -Во март годинава поднесовме и писмено барање до Јавното претпријатие за државни патишта и до Општина Чешиново-Облешево, но од никаде не добивме никаков одговор. Експресниот пат наскоро ќе биде готов, а решение за пристапот до нивите немаме. Тоа значи дека ќе бидеме принудени да ја сечеме заштитната ограда и да го исполниме со земја одводниот канал околу патот, за да можеме да преминуваме преку него. Околу 700 семејства во трите села својата егзистенција ја обезбедуваат од оризот и земјоделското произвдство, а без пристап до нивите сме осудени на пропаст, истакна Јорданчо Лефков, земјдоелец од Спанчево. Градоначалникот на Чешиново-Облешево, Горанчо Крстов им даде поддршка на барањата на своите сожители, при што истакна дека може да се најде решение на проблемот. -Општината ненам никаква надлежност околу експреснит пат затоа што не учествува во инвестицијата, иако земјодолците реагираа и кај нас. Тие се во право дека немаат никаков пристап до површините, а ние исто така барањата ги препративме до јавнотот претпријатие за државни патишта. Најдоброто решение е да се изгради земјен земјоделски пат, паралелен со експресниот, со што ќе се обезбеди поврзување со старите полски патишта, истакна Крстов. Земјоделците од трите села нагласија дека нема да се откажат од своите барања и дека ќе продолжат со блокирање на градежните работи, сѐ додека не добијат одговор од надлежните како и кога ќе им се обезбеди соодветен пристап до нивите.

Автомото сојуз: Нормализиран сообраќајот на магистралниот пат Штип-Кочани

Магдалена Андонова — Tue, 23 Feb 2021 10:47:12 +0000

Сообраќајот на магистралниот пат Штип – Кочани, кај Облешево, е нормализиран, соопшти Автомото сојузот. Сообраќајот претходно, како што информираа од АМСМ, се одвиваше по една коловозна лента поради јавен собир на оризопроизводителите. (МИА)