штипјани – Kurir.mk

Штипјани реагираат на бучава од мотоцикли, надлежните порачаа дека се на терен

Тале Кристо — Thu, 11 Aug 2022 14:07:34 +0000

\Група малолетници со своите мотоцикли низ штипските улици возат на едно тркало и создаваат силна бучава, вакво видео беше објавено на социјалноте мрежи, по што наиде на бурни реакции од граѓаните. Во однос на реакциите на граѓаните за постојана бучава од мотоцикли, како и за ваквите видео – снимки, од СВР Штип велат дека постојано се на терен. -Ние како СВР Штип постојано сме на терен и ги санкционираме прекршоците направени не само од мотоциклистите, туку и од сите несовесни возачи и учесници во сообраќајот кои не ги почитуваат сообраќајните правила и прописи. Со кампањите прво превенираме, а потоа и соодветно реагираме и санкционираме. Секако, и во конкретниов случај ќе преземеме соодветни мерки и активности, истакнаа од СВР Штип. Посочуваат дека при последните две контроли СВР Штип одзеде 13 мотоцикли поради предизвикување поголема бучава. Од вкупниот број, 45 прекршоци при првите две контроли, 24 биле за неносење заштитна кацига за време на возењето, седум за управување мотоцикл без возачка дозвола, три за измината важност на осигурителната полиса, по еден за нерегистрирано возило и измината важност на сообраќајната дозвола и четири останати прекршоци. Последната контрола, пак, се спроведе во текот на денешниот ден во периодот од 8 до 14 часот и притоа одземен е еден мопед, а најмногу од прекршоците повторно се за неносење заштитна кацига.

Двајца штипјани спроведени во струмичкиот затвор

Ивана Ефремовски — Fri, 18 Mar 2022 14:07:23 +0000

Двајца штипјани на возраст од 30 и 27 години се приведени по судска наредба за издржување на казна затвор. Портпаролот на СВР-Штип Гордана Панајотова во соопштението до медиумите наведува дека вчера во 3.30 часот на ул.„Пиринска“ во Штип од полициски службеници од Полициската станица Штип приведeн e 30-годишниот Х.С. од Штип, баран по судска наредба од Основен суд Штип за издржување казна затвор. -Истиот ден во 15.55 часот на ул.„Балканска“ во Штип од полициски службеници од Полициската станица Штип приведeн e 27-годишниот С.И. од Штип, баран по судска наредба од Основен суд Штип за издржување казна затвор, се вели во соопштението од СВР-Штип. Лицата се спроведени до Затвор-Струмица за издржување на затворските казни. (МИА)

Штипјани се простуваат со сограѓанката која си го одзеде животот: Беше вредна медицинска сестра и прекрасна личност

Ивана Ефремовски — Wed, 14 Jul 2021 18:29:02 +0000

На социјалните мрежи, штипјани се простуваат со 22-годишната сограѓанка која си го одзеде животот. Ја познаваа како вредна медицинска сестра и прекрасна личност. „Цело време во првите борбени редови за време на пандемијата. Каратистка, вредна медицинска сестра, прекрасна личност... А, имаше само 22 години. Почивај во мир“, пишува на Фејсбук страницата Штипска идила. Таму, штипјани ја искажуваат својата тага. Во коментарите не штедат пофални зборови за оваа девојка која по самоубиството на својот сакан, одлучи сама да си го одзеде животот. Прочитајте ги последните поздрави до неа:

Комисија за локална самоуправа на ВМРО-ДПМНЕ: Штипјани разочарани од лагите на СДСМ

Тале Кристо — Thu, 09 Jul 2020 11:25:51 +0000

На претходните избори Штип, како еден од најголемите градови во третата изборна единица, беше предмет на многу ветувања за проекти и мерки кои требаше да го подобрат животот на граѓаните на оваа општина. За жал, ветувањата останаа само на хартија, а во реалноста немаме никакво остварување на ветеното, стои во објават на Фејсбук страницат на комисијата за локална самоуправа на ВМРО-ДПМНЕ. Ветувањата за подобар економски развој беа тема за која СДСМ пред граѓаните на Штип дадоа многу ветувања, но не испорачаа ништо. Најголемото ветување за Штип беше секако проектот за спроведување на целосна гасификација, каде СДСМ ветуваа изградба и поврзување на гасоводната мрежа до секој дом. Од сите ветувања, секако во Штип нема ама баш ништо, а граѓаните се сведоци на разните трагикомични изговори на градоначалникот Бочварски, кој со ветувањата „кај и да е ќе почнеме“ само ја докажува неговата неспособност и таа на Владата на СДСМ . СДСМ многу ветуваа и во областа на комуналната инфраструктура, а како најекспониран беше проектот за изградба на брана на реката Отиња и прераснување на оваа локација во голем туристички капацитет. Штипјани повторно се изнаслушаа ветувања од Заев и Бочварски за изградбата на браната, каде со тек на време ветувањата се трансформираа во изговори, за денес да нема никаква реализација на ова ветување. Во нивните програми се ветуваа и инвестиции за подобрување на водоснабдувањето на приградските населби во Штип, но и ова ветување остана нереализирано. За развој на туризмот, СДСМ ветуваа изградба на грандиозен спортски центар „Сутлак“ кој во себе требаше да содржи бројни содржини како отворен и затворен базен, авка-парк, спортски сали, фитнес центри, мултимедијален центар и многу други содржини, како и целосна реконструкција на Исарот со изградба на жичара. Жителите на Штип се сведоци дека до денес ништо од ова не е реализирано. На 15 јули #ОбноватаДоаѓа и доаѓа крајот на најнеуспешната влада во историјата на Македонија.

По 50 дневни глоби за четворица штипјани што не го почитувале полицискиот час

Дарко Андоновски — Wed, 13 May 2020 13:18:51 +0000

Надлежен јавен обвинител од Основното јавно обвинителство-Штип, денеска поднесе предлози за издавање казни во висина од по 500 евра против четири лица што не го почитувале полицискиот час. – На лицата им се става на товар дека не ги почитувале мерките за забрана за движење и во време на полициски час, без дозвола се движеле на различни места во градот, при што сториле кривично дело Непостапување според здравствените прописи за време на епидемија од чл. 206 став 1 од КЗ, се вели во соопштението од ОЈО. Обвинителството му предложи на Основниот суд Штип на обвинетите да им биде изречена парична казна во висина од 500 евра во денарска противвредност, односно по 50 дневни глоби, при што висината на една дневна глоба да изнесува 10 евра.