штипска баргала – Kurir.mk

УЈП го следи случајот со текстилната фабрика „Баргала“, контролата е при крај

Дарко Андоновски — Thu, 01 Jul 2021 09:19:46 +0000

Будно го следиме случајот за текстилната фабрика „Баргала“. Нашата контрола таму е при крај и ќе имаме голем наод. Можам да кажам дека е многу лоша состојбата од даночното и сметководственото работење и дека се утврдени голем број на неправилности од енормни размери, што се несвојствени за добро работење на кој било даночен обврзник, порача денеска директорката на Управата за јавни приходи (УЈП), Сања Лукаревска. Таа прецизира дека постојано добивале информации од страна на здруженијата кои се борат за заштита на работничките права и од вработените во „Баргала“ дека се прават одредени злоупотреби и најави дека и понатаму ќе постапуваат и тоа не само со даночна контрола, туку ќе ги известат и сите други надлежни институции. – Не само што утврдивме контрола по основ на персонален данок на доход и за неисплатените плати, туку направивме и контроли и по основ на данокот на добивка и данокот на додадена вредност. Бидејќи сме при крај на контролата ќе доставиме и решенија кај даночниот обврзник, рече Лукаревска во одговор на прашање на денешната прес-конференција по повод „Две години МојДДВ со граѓаните”. Таа посочи дека слични контроли ќе се прават и за сите други текстилни фабрики и во делот на кожарската и кондиторската индустрија, зашто, како што рече, гледаме дека секојдневно има отпуштање од работа, а при тоа покрај Државниот инспекторат за труд кој треба да постапи како надлежен орган од инспекциски аспект, постапуваме и ние. – Заедно со Државниот инспекторат за труд во неколку наврати спроведовме координирани контроли особено кај текстилните фабрики. При тоа наместо регуларни контроли за искористеноста на финансиската помош спроведовме контрола со која се вративме од три до пет години назад по сите основи на даноци. Скоро секаде во текстилните фабрики имаме утврдено низа неправилности во работењето, прецизира Лукаревска.

Изместени вредности и напатен народ – ова се реалните сцени од штипска Баргала

Дарко Андоновски — Sat, 26 Jun 2021 15:36:00 +0000

Вработените на фабриката Баргала денеска излегоа на протест, барајќи си ги своите права. Имено од фабриката беа избркани 100-тина вработени лица, додека градоначалникот на Штип преку видео во една забавна емисија раскажува како „сам си ги дизајнирал“ обувките. Доказ за реалната ситуација во фабриката ја објави Иван Јорданов преку видео на својот Фејсбук профил, погледнете:

Утре штрајк на вработени во Баргала

Дарко Андоновски — Fri, 25 Jun 2021 11:42:03 +0000

Баргала подели 100тина отказни решенија, а нивниот зет сѐ уште тврди дека неговите штипјани се „Во сигурни раце“, ова денеска како реакција го истакнаа од ВМРО-ДПМНЕ ОК Штип. -После оставањето на 100тина семејства без егзистенција и нивно отпуштање од Баргала, слободно можеме да кажеме дека лицемерето кое излегува од устата на Градоначалникот е најлош облик на лага и манипулација кои сме ги виделе до сега. Ако институциите во најкраток рок не превземат итни мерки и најстрога казна против овој дискриминаторски и робовладетелски однос, кој Барзови го аплицираат врз сиромашниот работник, ќе се докаже дека токму градоначалникот на Општина Штип е раката која го штити ова експлоататорско семејство, велат од партијата. Од таму додаваат дека или, „мојата Баргала“ е само за шоу-бизнис емисии, а кога имаме една ваква ситуација, тогаш Баргала станува компанија во кога Градоначалникот нема никакво влијание?

Ефтимов: Дали, поради блиските релации на Градоначалникот со сопствениците на Баргала, за нив не важат закани со високи платни налози?

Магдалена Андонова — Tue, 13 Apr 2021 13:18:40 +0000

Па ваква негативна селекција нема ни во најголемите авторитарни режими! Деновиве општината спроведува голема акција за дислокација на хаварисани возила, гаражи, шупи, голубарници и слично. Истата, се заканува со вкупна наплата од 250 евра, за оние граѓани кои нема да реагираат соодветно на доставените опомени. Меѓутоа, она што јавноста треба да го знае е дека во близина на фабриката за чевли Баргала има неколку возила кои подолг период се вон употреба, изјави на денешната прес конференција, Игор Ефтимов од ОК ВМРО-ДПМНЕ Штип. - Аналогно на наведената акција за отстранување на возилата и објектите на обичните граѓани, се поставува прашање, дали Градоначалникот ќе го направи истото и за возилата пред Баргала? Дали и сопствениците на овие возила ќе бидат казенти по Законот за јавна чистота? Дали Градоначалникот ја потсети и Баргала дека е забрането поставување подвижни и неподвижни предмети на јавна поввршина? Дали, поради блиските релации на Градоначалникот со сопствениците на Баргала, за нив не важат овие закани со високи платни налози, за дислокација на хаварисаните возила, прашува тој.

ВМРО-ДПМНЕ ОК Штип: Дали раководството на СДСМ проблемот на работниците во Баргала гледа да го скрие „под тепих“

Дарко Андоновски — Thu, 27 Aug 2020 17:13:36 +0000

Бројните реакции на работниците во Баргала и други локални фирми, не го активираат алармот на власта за покренување на санкции за прекршувањето на правата на работниците. Иако владеачката СДСМ се правда и навидум „ги штити“ правата на работниците, сепак, праксата и реалноста покажуваат друго, ова денеска преку соопштение до јавноста го истакнуваат од ВМРО-ДПМНЕ ОК Штип. -Имено, Здружението Гласен Текстилец неколку пати посочува дека постојат дури 200 тужби на работници за нарушување на нивните права, во делот на исплатени плати и придонеси. Меѓутоа, овие предмети не се процесуирани, па недвосмислено се поставува прашањето дали за тоа е одговорен претседателот на судот, кој е прв братучед на претседателот на СДСм во Штип-Александар Кангалов? Дали раководството на СДСМ проблемот на работниците во Баргала гледа да го скрие „под тепих“, единствено затоа што е фамилијарна компанија на пратеникот од СДСМ - Сашко Николов? Ова се само дел од прашањата кои имаме да ги поставиме на оваа власт, но и на локалното раководство на оваа тиранска и тоталитарна партија, стои во партиското соопштение до јавноста.

Втор ден протести пред Штипска „Баргала“, вработени оставени без плата, надлежните се уште немаат слух

Дарко Андоновски — Thu, 27 Aug 2020 15:25:42 +0000

Незадоволството расте веќе втор ден во кругот на Штипската фабрика за чевли „Баргала“. Вработените бараат раководството во компанијата да направи корекции на платите за март, април и мај како и исплата на задоцнетата плата за месец јули. Вработените денеска повторно протестираа пред вратите и во дворот на фабриката и врелат дека доколку им се исполнат барањата веднаш ќе почнат со производство затоа што не сакаат истата да се затвори -Ние не сме престанати со работа, работевме и за време на пандемијата, нон стоп работевме иако имавме и позитивни, не престанавме со работа. Немаме кој знае какви барања, нека се израмнат платите, за да почнеме да работиме како што работат и другите, вели Валентина Мркиќ, вработена во Баргала. Вработените исто така велат дека иако други фирми претрпеа пандемија, и сите фирми земале плати и К15, тие не земале ниту плата, камо ли К15. -Ни минимална плата 10.500 денари, за тие три месеца од пандемијата, ние се сложивме и во преговорите со синдикатото, со тоа зошто толку години сме во оваа фирма, не сакаме да се затвори ниту пак работа одбиваме, само сакаме да имаме плата, здравствено осигурување и да си тече работата нормално, вели Силвана Мишева, вработена во „Баргала“. Поддршка за барањата на вработените изразуваат и од Здружението „Гласен текстилец“, како и од Синдикатот којшто ги води преговорите на состаноците со раководството на фабриката. Кристина Ампева од Здружението „Гласен текстилец“ во изјава за медиумите, вели дека има вработени со кредити, со неплатени сметки, и згора на се вработените се мачат и со протести и да трпат мобинг од газдите и работодавачите не е хумано. Ампева посочи дека ќе им понуди правна помош, со тоа што преку Трудовиот испекторат ќе побара интервенција за да се дадат плати, па подоцна ќе поразговараат со првиот синдикалец на ССМ за решавање на состојбата.