штипско – Kurir.mk

Големите одгледувачи на свињи во штипско преземаат дополнителни мерки за заштита од африканската чума

Тале Кристо — Wed, 10 Aug 2022 14:32:39 +0000

Случајот со африканска свинска чума во кочанско на „готовс“ ги стави и одгледувачите на свињи во штипско. Потпретседателот на Асоцијацијата на земјоделци, Гоце Сaрафимов истакнува дека се преземаат мерки за претпазливост за болеста да не се шири. – Веќе слушаме дека има африканска чума во виничко, кочанско. Како велат старите „ако игра мечката во соседи ќе може да заигра и кај нас“. Ние поголемите фарми имаме биосигурносни мерки, мислиме дка ги задоволуваме, внимаваме, па ќе видиме. Ситуацијата ја следи Агенцијата за храна и ветеринарство, рече Сарафимов. Посочи дека сите големи одгледувачи на свињи преземаат дополнителни мерки, со цел вирусот да не влезе во фармите. Доколку не се спречи ширењето на африканската чума ќе бидеме зависни од увоз на свинско месо, а со тоа цената на истото драстично ќе биде зголемена, велат одгледувачите на свињи. Африканската свинска чума се појави во јануари 2022 година во планинското село Драмче, Општина Делчево, пред неколку дена во селото Моштица во Македонска Каменица, а од вчера и во две одгледувалишта во кочанските села Тркање и Пресека.

И пожарот во штипско бил подметнат од човек, еве што се случило

Ивана Ефремовски — Tue, 10 Aug 2021 15:22:59 +0000

На 09.08.2021 во 14:00 часот, по наредба на Јавен обвинител, во Полициската станица Штип, во врска со пожарот што на 06.08.2021 настанал помеѓу селата Драгоево и Селце, штипско, на разговор бил повикан Е.Е.(43) од с.Селце. Исто така, по наредба на Јавен обвинител од лицето биле одземени и дадени на вештачење предмети за кои постои сомнение дека биле користени при извршување на делото. По целосно документирање на случајот ќе биде поднесена соодветна пријава.

Во штипскиот регион до 15 часот одѕив од 35,5 проценти на претседателските избори

Дарко Андоновски — Sun, 21 Apr 2019 14:37:05 +0000

Во Штип во 15 часот одѕивот на 77 гласачки места за претседателските избори е 35,5 отсто или гласале 14.852 гласачи со право на глас. Претседателката на Општинската изборна комисија (ОИК), Сенка Андреева вели дека до нив нема пристигнато поплаки за нарушување на изборниот процес.

– Инаку, според новата методологија во Штип до 15 часот гласале 7.471 жена и 7.381 маж. Ова се податоците од терен, инаку членови на ОИК се во обиколка на избирачките места, со цел да се види како тече изборниот процес, вели Андреева.

Во Свети Николе се бележи излезнос од 40,14 проценти, во Пробиштип до 15 часот гласале 40,03 проценти, а во Карбинци 33,53 проценти.

Од општинските изборни комисии забележуваат дека граѓаните на кои личните карти им се неважечки, можат да гласаат со пасоши, но важно е да ги има во Избирачкиот список.

Портпаролот на СВР-Штип, Гордана Панајотова за МИА информира дека не се забележани инциденти или нарушување на изборниот процес ниту на гласачките места, ниту надвор од нив во сите општини во источниот регион.

Пронајдена минофрлачка граната од Втората светска војна во штипско

Матеја Петровски — Fri, 11 May 2018 09:46:40 +0000

На 10 мај во село Драмче, штипско пронајдена е рачна минофрлачка граната која потекнува од Втора светска војна. Извршен е увид на местото на настанот и од страна на инспектор од Дирекција за заштита и спасување Делчево, таа е безбедно подигната од местото.