Францускиот министер за здравство: Вакцината на АстраЗенека штити од речиси сите видови на коронавирус

Тале Кристо — Mon, 08 Feb 2021 13:24:45 +0000

Францускиот министер за здравство Оливер Веран и даде поддршка на вакцината против Ковид-19 на компанијата АстраЗенека, тврдејќи дека таа овозможува доволна заштита против речиси сите видови на коронавирус. Тој ја прими оваа вакцина во центарот за вакцинација во Мелен, што беше телевизиски пренесувано. Британското Министерство за здравство денеска соопшти дека нема докази оти вакцината на АстраЗенека не спречува смртни исходи, ниту тежок облик на болести, додавајќи дека Јужна Африка само времено ја прекинала нејзината употреба. Јужна Африка одлучила времено да ја прекине вакцинацијата со дозите на компанијата АстраЗенека, откако податоците покажале дека дава минимална заштита од „средно тешки и сериозни облици на болести“ предизвикани од мутираниот вид на коронавирус кој е доминантен во земјата.

Британската морнарица ќе ги штити риболовните води во случај на Брегзит без договор

Тале Кристо — Sat, 12 Dec 2020 17:11:35 +0000

Четири патролни брода на Кралската морнарица од 1 јануари ќе бидат подготвени да ги заштитат британските риболовни води доколку преодниот период по Брегзит заврши без договор за идните односи со Европската унија, соопшти денеска британското Министерство за одбрана (МоД). – МоД спроведе обемно планирање и подготовка за да се обезбеди подготвеност за одбрана за голем број сценарија на крајот на преодниот рок, рече портпаролот на британското Министерство за одбрана. Бродовите на морнарицата долги 80 метри ќе имаат овластување да ги запрат, проверат и запленат сите рибарски бродови на ЕУ кои работат исклучиво во Британската економска област (ЕЕЗ), што се протега на околу 320 километри од брегот. „Гардијан“ претходно објави дека два брода ќе бидат распоредени на море, додека другите два ќе бидат подготвени во случај на влез на рибарски бродови од ЕУ во ЕЕЗ. Преговорите меѓу Лондон и Брисел се заглавени на три прашања – риболов, фер конкуренција и решавање на идни спорови. Велика Британија ја напушти ЕУ на 31 јануари, но е неформална членка до 31 декември и крајот на преодниот рок. Британскиот премиер Борис Џонсон и претседателката на Европската комисија Урсула фон дер Лајен вчера изјавија дека трговски договор е „малку веројатен“.

штити – Kurir.mk

Францускиот министер за здравство: Вакцината на АстраЗенека штити од речиси сите видови на коронавирус

Британската морнарица ќе ги штити риболовните води во случај на Брегзит без договор