што не е јасно – Kurir.mk

Михајловски: Зоран Заев е пред се психички нестабилен човек, а потоа и најголемиот предавник на Македонија

Дарко Андоновски — Mon, 30 Nov 2020 17:36:41 +0000

Во вечерашното издание на дебатната емисија „Што не е јасно?“ на ТВ Алфа, гостуваше еден од најпознатите актери во Република Македонија и поранешен член на Извршниот Комитет на ВМРО-ДПМНЕ, Тони Михајловски кој зборуваше за лошите и погубни политики на власта, како и за штетниот договор со Р. Бугарија. Михајловски вели дека психопатолошката елита на власт во Македонија, владее само поради тоа што цело време наоѓа нови моменти како да го повреди македонскиот народ, а истовремено да му се заканува низа реперкусии. Според него Македонците се повредени, навредени и покрај материјално, душевно ограбени. Македонците се граѓани од втор или трет ред во Република Македонија, а за сето тоа главен виновник е Зоран Заев, вели Михајловски. -Зоран Заев е лабилен човек. Тој едно зборува, друго мисли, трето ветува, четврто исполнува. Се работи за хаотичен човек без образ. Човекот нема проблем да лаже, иако дури и на малите деца им е незгодно да излажат повеќе од еднаш. Тој лаже каде што ќе стигне, распродава се што може да се распродаде и сето тоа може да го направи со само едно ставање на раката на срцето, додаде Михајловски. Михајловски додава дека Зоран Заев рецетираше за жицата и семето, додека во исто време распродаваше национален идентитет, поточно го продаваше името на Република Македонија. -Иако народот беше против промена на уставното име и истото го докажа на референдумот, кој патем беше неуспешен, сепак Заев се дрзна да промени нешто што никој не смееше ниту да помисли да го промени. За сето тоа мора да следи казна, дебела казна, заврши Михајловски.

Николоски: Потребна е влада за национален спас за да се надминат последиците од корона кризата , но и за надминување на проблемот со Бугарија

Дарко Андоновски — Tue, 24 Nov 2020 18:22:50 +0000

Александар Николоски, Потпретседател на ВМРО-ДПМНЕ во своето гостување во емисијата „Што не е јасно“ зборуваше за проблемот со Бугарија како и за битката со здравствениот и економскиот аспект и посочи дека поради ваквите проблеми ВМРО-ДПМНЕ бара влада за национален спас која од една страна ќе се избори со економските и здравствените последици со корона кризата но и со проблемот со Бугарија. -Она што мене ме загрижува е она што и се случува на Македонија како држава. Имено и во проблемот со Бугарија и во битката со здравстениот и економскиот аспект на кризата како два најголеми проблеми кои ги има во моментов во Македонија не се користат најдобрите умови, не се користат најпаметните луѓе и нема една ширина кај власта да ги употреби истите. Паметни држави кога ќе се случат вакви големи кризи, а ова за Македонија е најголема криза по осамостојувањето, паметни држави ги повикуваа најдобрите луѓе кои ги имаат без разлика на политичката профилација, градат заеднички ставови и се обидуваат да се изборат, вели Николоски. Тој додава дека затоа ние бараме влада за национален спас која ќе се избори од една страна со економските и здравствените последици на корона кризата, од друга страна ќе се спротистави на националните понижувања од Бугарија и ќе најде начин да го отвори патиот за интегрирање на Макдонија во Европската Унија. -Тоа може само најпаметните и најспосбните да го направат со една широка општествена и политичка поддршка тоа секако го нема во оваа влада на Зев, рече Николоски во своето гостување.

Наместо професионалци, во АНБ се вработуваат лица со кривични пријави, обвиненија и лица кои отслужувале затворски казни

Дарко Андоновски — Fri, 06 Mar 2020 21:19:13 +0000

Елиминираните кандидати за Агенцијата за национална безбедност, вели припадник на УБК - гостин во вечерашната емисија „Што не е јасно“ на Алфа телевизија, не беа одбиени заради безбедносен ризик, туку со злоупотреба на инструментот за оценување и давање на ниски оценки кои што никогаш не им беа соопштени на лицата кои беа оценувани. -Во однос на безбедносниот ризик, може да истакнам повеќе примери каде што им беше направена неправда на повеќе професионалци во Управата за контраразузнавање. Според изјава на Оливер Спасовски, после селекцијата, дека по проверките констатирано е постоење на безбедносен ризик кај 50-тина припадници на УБК, кои што според законот за АНБ треба да го напуштат МВР. Но, нашите сознанија говорат дека на крај, на нејасен начин, од 50 констатирани ризици останаа помалку од 10. И ние се прашуваме каде исчезнаа 40-тина лица со безбедносен ризик. Може да наведам и неколку примери, лице вработен во УБК професионалец со соодветно образование, со обуки од меѓународни западни фактори, е елиминиран поради ситна кражба во младоста пред околу 25 години. А за разлика од него, превземен во АНБ е работник од Управата кој во моментот против него има повеќе кривични пријави, има обвиненија или лица кои отслужувале затворски казни и лица чии блиски членови од семејството се вклучени во сериозен организиран криминал. Тука може да го спомнам и Јовче Ременски чија сопруга Фросина е осомничена за големиот криминален скандал „Рекет“, посочи анонимниот гостин и припадник на УБК.