штутгарт – Kurir.mk

Хигиеничарка наплаќала пред тоалет во Штутгарт и незаконски заработила неколку илјади евра

Ивона Петрова — Fri, 13 Oct 2023 10:14:41 +0000

Полицијата во Германија, поведе истрага против хигиеничарка која неовластено наплаќала користење на тоалетите на фестивалот „Канстатер фолксфест“ во Штутгарт. На тој начин таа од посетителите „заработила“ илјадници евра. „Жената ги терала луѓето да плаќаат за користење на инаку бесплатниот тоалет и со тоа заработила неколку илјади евра. Ова е недозволиво. Жената е уапсена и истрагата е во тек“, соопшти полицијата. Според порталот „Штутгартер-Накриштен“, жената е уапсена од полицајци во цивилна облека, и е осомничена за незаконска заработка. Полицискиот оддел во Штутгарт на својата „Х“-страница објави и фотографија од заработката на хигиеничарката.

Штутгарт убедлив на гостувањето во Дортмунд, Чурлинов влезе во финишот

Тале Кристо — Sat, 12 Dec 2020 18:45:48 +0000

Штутгарт ја забележа втората последователна победа на гостински терен, откако вечерва славеше против Борусија Дортмунд со убедливи 5:1 во 11. коло во Бундеслигата. Македонскиот репрезентативец Дарко Чурлинов влезе во игра во 88. минута, запишувајќи го својот петти настап сезонава во дресот на Штутгарт. Резултати – 11 коло: Борусија Менхенгладбах – Херта 1:1 Борусија Дортмунд – Штутгарт 1:5 Фрајбург – Арминија Билефилд 2:0 Мајнц – Келн 0:1 Лајпциг – Вердер Бремен 2:0.

Меркел ги осуди немирите во Штутгарт

Магдалена Андонова — Mon, 22 Jun 2020 13:19:19 +0000

Германската канцеларка Ангела Меркел ги осуди немирите што се случија изминатиот викенд во Штутгарт, по полициската контрола во рамки на истрага за трговијата со дрога. Портпаролот на Меркел, Штефан Зајберт денеска рече дека тие грди сцени мора наостро да бидат осудени и оние кои учествувале во насилство, брутално напаѓале полициски службеници, уништуваа и ограбуваа продавници на ниту еден начин не можат да бидат оправдани. Властите информираа дека по нередите во кои беа повредени 18 полицајци, уапсени се 24 лица. Нередите почнаа откако полициски службеници запреле 17-годишно момче поради сомнение дека поседува дрога, на едно место каде се собираат младите, соопшти полицијата. Потоа присутните почнале да фрлаат со камења и шишиња, а помали групи трчале по улиците и кршеле излози на продавници. – Ситуацијата беше целосно надвор од контрола, рече вчера портпаролот на полицијата. Учесниците во немирите ги гаѓаа полицајците со камењата со кои се поплочени улиците и разбиваа излози во центарот на градот. Неколку групи излегоа на улиците на центарот на градот и насилството избувна околу полноќ, а полицијата објави дека во немирите биле вклучени неколку стотици лица

Напаѓачи пукаа во наргиле-бар во Штутгарт

Дарко Андоновски — Sun, 23 Feb 2020 08:17:37 +0000

Неидентификувани напаѓачи пукале кон прозорците на наргиле-бар во Штутгарт, јави ДПА, повикувајќи се на полициски портпарол. Во инцидентот нема жртви. Вработен во барот ги забележал штетите вчера попладне. Според истрагата, во тоа време немало луѓе во зградата. Сторителот или сторителите пукале вкупно во два прозорци во зградата, во која има и фитнес салон. Не е познато какво оружје е користено. Пред само неколку дена во градот Ханау, 43-годишен Германец застрела 9 лица со странско потекло, напаѓајќи баровите, каде што се користи наргиле, потсетува ДПА. Тој подоцна ја уби својата мајка и се самоуби. За него се смета дека дејствувал со расистички мотиви.

Трагедија во Штутгарт по мечот со Херта: На стадионот почина таткото на капитенот

Катерина Бојаџиева — Sat, 15 Dec 2018 22:01:40 +0000

Штутгарт денеска ја совлада Херта со 2:1 во мечот од 15. коло во германската Бундеслига, а на крајот од мечот капитенот на домаќините дознал навистина лоши вести. Победата на Штутгарт беше засенета од трагичната вест која го затекна капитенот на екипата Кристијан Гентнер. Нему му било јавено дека неговиот татко починал и тоа на стадионот по самото завршување на мечот. -Штутгарт во овие тешки моменти, во мислите е со семејството Гентнер, соопшти клубот. Токму Кристијан Гентнер асистираше за победничкиот гол против Херта.

Федерер го прослави враќањето на врвот на АТП листата со титула во Штутгарт

Дарко Андоновски — Sun, 17 Jun 2018 13:33:46 +0000

Откако ја пропушти сезоната на земја, Роџер Федерер ја заврши својата прва недела назад на теренот со нова титула. На турнирот на трева во Штутгарт, 36-годишниот Швајцарец го прослави враќањето на врвот на светската ранг-листа што си го обезбеди вчера, со трофеј во германскиот град. Во финалето, Федерер го победи Милош Раониќ со 6:4, 7:6 (3) по 1 час и 19 минути игра. Раониќ забележа 14 асови, но тоа не беше доволно за победа. Тоа е 98. титула во кариерата на Федерер.

Федерер се врати со победа во Штутгарт

Дарко Андоновски — Wed, 13 Jun 2018 18:23:01 +0000

Швајцарскиот тенисер Роже Федерер се пласираше во четвртфиналето на АТП турнирот од серијата 250 кој се одржува во Штутгарт. Федерер по пауза од повеќе од два месеци имаше успешно враќање на терените, совладувајќи го германскиот тенисер Миша Зверев со 2:1 во сетови. Швајцарскиот тенисер ја пропушти целата сезона на земјена подлога, па на овој прв натпревар му требаше извесно време да се врати во ритам. Зверев го доби првиот сет со 3:6, но Федерер не дозволи изненадување и вториот сет го реши во своја корист со 6:4. Во последниот одлучувачки сет, швајцарскиот тенисер влезе во ритам и го доби со 6:2, обезбедувајќи победа. Федерер за пласман во полуфиналето ќе игра со подобриот од дуелот меѓу Гвидо Пеља од Аргентина и Прајнеш Гунерсван од Индија.

Федерер ќе се врати во игра во јуни за турнирот во Штутгарт

Дарко Андоновски — Tue, 10 Apr 2018 16:56:39 +0000

Носителот на 20 Гренд слем титули и светски број 2, Роџер Федерер ќе се врати на теренот во јуни месец за тенискиот турнир од сериите АТП 250 во Штутгарт. Како што е познато, „Маестро“ од Базел повторно ќе ја пропушти целата сезона на земја, а потоа ќе го стори истото како и минатата година - ќе се врати во Штутгарт и ќе одигра уште еден турнир за „загревање“ пред „Вимблдон“. Турнирот во Штутгарт ќе се одржи меѓу 11 и 17 јуни, а следниот за Федерер ќе биде оној во Хале (АТП 500) помеѓу 18-ти и 24-ти истиот месец, каде што минатата година швајцарскиот ас го декласираше Александар Зверев со 6:1, 6:3 во финалето. Во Штутгарт во 2017 година, Федерер изгуби од Томи Хас во својот прв натпревар. Во овој турнир се очекува да настапат и други топ тенисери како Димитров, Кириос, Монфис итн.