шумски пожари – Kurir.mk

Шумски пожари и евакуации во близина на Атина и во турската покраина Чанаккале

Катерина Бојаџиева — Wed, 23 Aug 2023 08:57:25 +0000

Стотици пожарникари од синиќа се обидуваат да го локализираат шумскиот пожар во предградието на Атина, а беше извршена и нова евакуација поради закана од нови пожари низ целата земја. Пожарникарите во северозападната турска провинција Чанаккале втор ден се борат со опасните пожари. Дваесет лица загинаа во пожарите што избувнаа во северна Грција во саботата и брзо се проширија, разгорени од силните ветрови. Пожарот во близина на селото Фили во подножјето на планината Парнита, на околу 25 километри северно од Атина, се прошири кон градот Менида, каде што околу 150 луѓе мораа да бидат евакуирани од три домови за стари лица, изјави локален претставник. -Го држевме пожарот подалеку од домовите. За жал, ветерот воопшто не помага, изјави во средата заменик-градоначалникот на Мениди, Статис Топалидис. Тој рече дека старите лица биле евакуирани со автобуси во хотели или други установи за нега. Пожарот остави трага од уништување, горење куќи и автомобили во Фила. Спасувачите вчера пронајдоа 18 изгорени тела, за кои се верува дека се мигранти, во рурална област во близина на шумата Дадија во северниот регион Еврос. Рутата која граничи со Турција е многу популарна кај луѓето од Блискиот Исток и Азија кои сакаат да влезат во Европската унија. Турските пожарникари се борат да го локализираат пожарот во северозападниот дел на земјата. Пожарникарите се вклучени во ганење шумски пожар во провинцијата Чанаккале во северозападна Турција, кој веќе втор ден се шири поради високите температури и силниот ветер. Хеликоптери и копнени возила работеа во текот на ноќта, а министерот за внатрешни работи Али Јерликаја рече дека повеќе од 1.200 луѓе од девет села се пренесени на безбедно и дека на 48 лица им е потребна медицинска помош. Властите, исто така, преместуваа пациенти, вклучително и постари лица, од некои медицински центри како мерка на претпазливост. Поморскиот сообраќај во Дарданелите беше прекинат за да им се овозможи на авионите и хеликоптерите да собираат вода и да го изгаснат пламенот, објави поморската агенција Трибека.

Над 30.000 евакуирани: Нови 64 пожари во Грција, надлежните велат извршена досега најголемата евакуација

Ивона Петрова — Mon, 24 Jul 2023 08:01:30 +0000

Грција со денови се бори со шумските пожари, а во тек се и операции за гаснење на пожарите во Агиос, Крф, Каристос и Родос. Грчката противпожарна служба соопшти дека само во неделата избувнале 64 нови шумски пожари, а припадниците на противпожарните единици гаснат вкупно 82 пожари. Рано утрово во Асклепион на Родос настанал голем пожар, а пламените јазици се доближил и до куќите. Пожарникарите се борат со пожарите меѓу Аполо и Платанија, додека има расфрлани избувнувања на исток кон Малон и Масари. Во гаснењето се вклучени 266 пожарникари, 55 возила и 16 групи пешадиски единици, а вода од воздух испуштаат три хеликоптери и четири авиони. Во текот на ноќта беше испратена порака за евакуација на областите Санта, Мегула, Порта, Палаја Перитија, Синија, Виглатури, Нисаки, Ру, Катаболо, Кентома, Трици, Кококилас, Саракинијатика, Плагија, Калами, Влахатика и Кабалерина. Во Платанисто Каристос, на Евија, според информациите од Противпожарната служба, се уште има расфрлани жаришта, додека досега се евакуирани населбите Платис Гиалос, Ливади, Кастри, Потами, Пернараки и Платанистос по пораки испратени до жителите и туристите на областа. Во пожарот на Крф, гори во североисточниот дел на островот и јужно од Перитија, но според Противпожарната служба тој се уште не стигнал до ниту една населба. Во гаснењето на пожарот учествуваат 62 пожарникари со 21 возило и три групи пешадиски единици, додека од воздух има два хеликоптери и два авиони. Грчкото Министерство за климатски промени и цивилна заштита ја објави „најголемата досега евакуација поради шумски пожари во Грција“, а Констансија Димоглиду, портпаролка на грчката полиција, потврди дека досега се евакуирани повеќе од 30.000 луѓе низ целата земја.

Во САД загаден воздухот поради пожарите во Канада

Дарко Андоновски — Wed, 28 Jun 2023 19:15:37 +0000

Во Канада во моментот активни се околу 500 шумски пожари, од кои половина се надвор од контрола. Пожарите предизвикаа загадување на воздухот и во САД, но и во Европа. Провинцијата Квебек се соочува со историска и особено рана сезона на пожари. Според проценките, оваа криза најверојатно ќе продолжи бидејќи се уште не е достигнат врвот на летото. Квалитетот на воздухот денеска е лош и во Торонто, а се очекува во текот на денот нагло да се влоши во Отава, објавија канадските власти. Жителите на американскиот Среден Запад денеска повторно се разбудија од силно загадениот воздух и чадот од шумските пожари во Канада. Во Чикаго, третиот најнаселен град во САД, небото втор ден по ред беше сиво, а голем број од жителите носеа маски. Надлежните советуваа да се ограничи престојот на отворено, особено за децата и бремените жени. Во Детроит, пак, индексот на загаденост на воздухот покажува ниво кое е многу штетно за здравјето. Се очекува чадот да се движи кон исток и да стигне до областа Вашингтон во текот на денот или ноќта. Властите во Њујорк ги предупредија жителите дека квалитетот на воздухот ќе се влоши денеска и утре и организираа дистрибуција на маски. НАСА на 26 јуни објави дека чадот од канадските пожари стигнал до југозападна Европа и објави сателитска снимка на која се гледа сив облак над северна Шпанија и Португалија. Сепак, квалитетот на воздухот таму сепак треба да остане прифатлив бидејќи, кога чадот ќе стигне до Европа, се наоѓа во горните слоеви на атмосферата, прецизира НАСА.

ЊУЈОРК СЕ ГУШИ ВО ЧАД – големите шумски пожари што беснеат во Канада остави милиони луѓе да се трујат, глетката МОРНИЧАВА (ВИДЕО)

Дарко Андоновски — Fri, 09 Jun 2023 10:05:51 +0000

Штетниот за здравје воздух што ги покри градовите и населените места од североистокот на САД се концентрира во централниот атлантски дел на земјата, додека димот од шумските пожари што уште беснеат во Канада натера милиони луѓе да се навикнуваат на магливото небо. Прогнозите се во наредните денови димот да се придвижи на југ. Во градот Њујорк на пример небото е портокалово и не се гладе вообичаниот пејзаж на облакадори, исто толку лошо е и во Филаделфија, Балтимор, Вашингтон, и Ричмонд, Вирџинија. Веќе трет ден по ред квалитетот на воздухот е оценет како штетен за здравје во поголем дел од североистокот а димот не се расејува, наведуваат метереолозите од Националната метереолошка служба на САД. Условите со намалена видливост ги натераа авиокомпаниите да откажат повеќе летовите, а училиштата во Филаделфија и Балтимор да ги откажат сите активности на отворено. Во градот Њујорк пак, училиштата денеска ја оддржуваат наставата далечински.

🚨🚨🚨BROOOOO WTF is happening in NEW YORK!?!? This can’t be because of the wildfires??? pic.twitter.com/0wYw2Qwe0c
— Kevin - WE THE PEOPLE❤️ - DAD🦁 🐉 🔥 - (@bambkb) June 8, 2023

Големата сокер лига (Major League Soccer) или лигата за професионален европски фудбал во САД, неделава откажа повеќе мечеви. Додека некои градови во Пенсилванија вработените во парковите ги испратија дома. Транспортните компании како железничката „Амтрак“ им раздаваат маски на своите вработени. Чадот се чувствува од Масачусетс на север до Северна и Јужна Каролина на југ каде властите исто така повикаа на ограничување на активностите надвор. Прогнозите се дека смогот ќе се придвижи на југ, се очекува нарушен квалитет на воздухот во двете Каролини, делови од Џорџија, Тексас и Оклахома.

New York has the worst air quality in history due to wild fires from Climate Cult Canada.pic.twitter.com/pkWOFIVbNm
— Marjorie Taylor Greene 🇺🇸 (@mtgreenee) June 7, 2023

Лекарите препорачуваат ограничување на надворешните активности, но ако мора да се излезе, да се преземат соодветни мерки за безбедност како носење квалитетни и добро стегнати маски, да се пие многу вода и одложување на работи за два-три дена, ако тоа е возможно. Оние кои одат на работа со кола треба да ја вклучат климата на режим на циркулација на внатрешен воздух. Специјалистите посочуваат дека критична група се повозрасните лица и они кои имаат постоечки заболувања, додека младата популација се смета за поотпорана на смогот. Според AirNow, моментално најмалку 48 милиони луѓе живеат во регионите каде квалитетот на воздухот се оценува за штетен по здравје, а во некои делови на северистокот на САД тој е оценет на ниво 300, или „загаден“.

new york city june 7 2023 pic.twitter.com/ZJIOE7QAGV
— clips that go hard (@clipsthatgohard) June 8, 2023

Во еден момент вчера квалитеот на воздухот во Вашингтон стигна до нивото 236, што е мошне штетно по здравје.

Стотици шумски пожари вон контрола во Канада

Катерина Бојаџиева — Wed, 07 Jun 2023 19:58:52 +0000

Стотици шумски пожари и денеска продолжуваат да беснеат низ Канада, заканувајќи се да ја уништат критичната инфраструктура и да го принудат на евакуација загрозеното население додека облак од отровен воздух се шири над американските градови. Шумските пожари се вообичаени во западните провинции на Канада, но оваа година огнената стихија се појавила и на истокот на земјата. Веќе изгореа околу 3,8 милиони хектари шумско земјиште, што е околу 15 пати повеќе од просекот во 10 години, изјави федералниот министер за вонредни состојби Бил Блер.

Над 29.000 луѓе се евакуирани во Канада поради шумски пожари

Ивана Ефремовски — Mon, 08 May 2023 08:10:39 +0000

Шумските пожари во канадската провинција Алберта продолжуваат да се шират и покрај дождот и падот на температурите, соопштија синоќа властите, пренесува ДПА. Над 375.000 хектари земја во покраината веќе изгореа, а повеќе од 29.000 луѓе беа принудени да ги напуштат своите домови. Вкупно 31 од 108 активни шумски пожари се надвор од контрола, што ги принуди властите доцна во саботата да прогласат вонредна состојба. Прогласувањето на вонредна состојба овозможува ослободување на федералните средства за борба против огнот. Неодамнешните дождови помогнаа да се изгаснат пожарите, изјави началничката за заштита од пожари во Алберта, Кристи Такер. „Тоа им овозможи на пожарникарите да работат во некои области на пожарот до кои не можеа да стигнат поради екстремната природа на пожарите. Пониски температури и поголема влажност се очекуваат во следните неколку дена, додаде таа. Според Такер, властите побарале помош од соседната американска држава Монтана. Сè уште не може да се процени степенот на штетата. Колин Блер, директор на Агенцијата за управување со вонредни состојби во покраината, изјави за канадската телевизија Cи-Би-Си дека приоритет е заштитата на животи и управувањето со итни случаи. Според властите, од јануари досега веќе се случиле повеќе од 360 пожари. Експертите предупредуваат дека климатските промени ќе ја зголемат зачестеноста и интензитетот на шумските пожари. Во западните провинции на Канада, просечната температура се зголемила за 1,9 степени Целзиусови од средината на 20 век, според канадската Канцеларија за животна средина и климатски промени. (МИА)

Уште пет европски земји ќе и помогнат на Франција во борбата со шумските пожари

Магдалена Андонова — Thu, 11 Aug 2022 10:54:31 +0000

Францускиот претседател Емануел Макрон денеска на Твитер објави дека уште пет европски сојузници обезбедуваат помош за пожарникарите, кои се борат со осум големи шумски пожари низ целата држава, вклучително и огромен пожар на југозапад во Франција. – Германија, Грција, Полска и во следните часови Романија и Австрија: нашите партнери и доаѓаат на помош на Франција против пожарите. Ви благодариме. Европската солидарност е на дело!“ напиша Макрон на Твитер. Франција претходно доби помош од Шведска и Италија. (МИА)

Шумски пожари во југозападна Франција

Ивана Ефремовски — Wed, 10 Aug 2022 09:31:57 +0000

Шумските пожари и денеска беснеат во југозападна Франција, при што се уништени 16 домови, изгорени се 6.000 хектари површина, а речиси 6.000 луѓе мораа да се евакуираат од областа веќе погодена од големи пожари минатиот месец. Франција, како и остатокот од Европа, се справува со топлотни бранови и суша предизвикани од пожарите низ целиот континент во изминатите два месеца. Според локалните власти пожарот сега се прошири во департмантот Ландес, каде се ангажирани 500 пожарникари. Департманот Жиронд во југозападна Франција беше погоден од два шумски пожари во јули, кои уништија повеќе од 20.000 хектари шума и доведоа до евакуација на речиси 40.000 луѓе. Пожари беснеат и во други делови на земјата, во јужните департмани Лозере и Авејрон, каде веќе изгореа речиси 600 хектари површина. (МИА)

Уапсен маж под сомнение дека предизвикал шумски пожари во Германија

Тале Кристо — Sun, 31 Jul 2022 18:41:25 +0000

Триесет и шестгодишен маж е уапсен во источната германска покраина Бранденбург за наводно подметнување на неколку пожари во блиската шума. Сведок го набљудувал човекот во саботата, соопшти денеска локалната полиција. Тој е осомничен дека подметнал пожари на четири места во радиус од 500 метри. Со оглед на тоа што пожарите биле брзо откриени, припадниците на единиците за брза интервенција успеале да ги изгаснат пожарите пред да се прошират, јави ДПА. Во потрагата по осомничениот, кој сега се товари за подметнување пожар, беше вклучен хеликоптер. Ротштајн, заедницата каде што човекот наводно ги запалил пожарите, е оддалечен околу 20 километри од шумскиот пожар од големи размери што речиси една недела гори низ јужниот дел на Бранденбург.

Стотици луѓе се евакуирани поради шумски пожари во Германија

Катерина Бојаџиева — Tue, 26 Jul 2022 17:00:06 +0000

Од вчера евакуирани се стотици луѓе во источна Германија поради бројните шумски пожари. Околу 700 луѓе беа евакуирани од неколку јужни општини во провинцијата Бранденбург. Причината е шумски пожар, кој веќе се прошири на површина од 850 хектари, соопштија властите на округот Елба-Естер. „Засега не е можно да се предвиди кога пожарот ќе биде ставен под контрола“, се вели во соопштението. Во гаснењето на пожарот се ангажирани речиси триста и педесет лица. Во напорите за сузбивање се вклучени и воени хеликоптери. Причините за пожарот не се познати. На југ, во неделата избувна пожар во чешкиот национален парк „Боемска Швајцарија“, по што премина и на територијата на Германија, во провинцијата Саксонија. „Ги замолуваме жителите, туристите и посетителите да ја избегнуваат областа на Саксонска Швајцарија за да не ја попречуваат работата на спасувачките служби“, соопштија локалните власти. Напорите за сузбивање се отежнати поради тешко-пристапниот терен во оваа ридска област и проблемите со водоснабдувањето. Германија веќе неколку дена е зафатена од интензивен топлотен бран, а температурите во голем дел од земјата достигнуваат и над 40 степени.