Џака предизвика нов скандал, удри по швајцарскиот фудбалски сојуз: „Тој има проблематично размислување од камено време“

Дарко Андоновски — Mon, 09 Jul 2018 08:04:21 +0000

Швајцарскиот репрезентативец со албанско потекло Гранит Џака се огласи по бурата која се подигна поради неговото скандалозно однесување кога за време на мечот против Србија кога постигнатиот гол го славеше покажувајќи двоглав орел. Мундијалот влезе во својата завршница, а во швајцарските медиуми и понатаму топ тема е однесувањето на албанските фудбалери за време на мечот против Србија. Генералниот секретар на фудбалскиот сојуз на Швајцарија Алекс Мишер остро го критикуваше однесувањето на Џака и Шаќири и истакна дека тие се оптоварени со работи надвор од фудбалот. На Џака не му се допадна изјавата на Мишер во едно интервју во кое вели дека на Швајцарија не и требаат играчи со двојно државјанство. -Во неговата изјава видов дека тој едноставно не верува дека играчите со двојно државјанство можат на прав начин да настапат за Швајцарија. Изјавата директно се однесува на мене и на неколку останати фудбалери кои се во слична ситуација. Сето тоа ми личи како јас и моите соиграчи да не даваме се од себе за репрезентацијата. А сите ние сме Швајцарци и даваме се од себе за репрезентацијата бидејќи сме свесни што се ни овозможила истата. Корените на моето семејство се од Косово, во репрезентација има фудбалери со корени од Камерун, Нигерија, Чиле и Шпанија, дури и селекторот има двојно државјанство. Со оваа изјава Алекс Мишер предизвика горчина и разочарување, тој има проблематично размислување од камено време кон луѓето со двојно државјанство, заклучи Џака.

швајцарски фудбалски сојуз – Kurir.mk

Џака предизвика нов скандал, удри по швајцарскиот фудбалски сојуз: „Тој има проблематично размислување од камено време“