шверц на дрога – Kurir.mk

Уапсен „Ел Гордо“, Албанецот баран од 180 земји фатен во Колумбија

Ивона Петрова — Sun, 27 Aug 2023 08:26:11 +0000

Албанскиот државјанин Бесник Николи, инаку познат како „Нико“ или „Ел Гордо“ е уапсен во Санта Марта, обвинет за поврзаност со колумбиските шверцери со дрога. Бил баран во повеќе од 180 земји и се смета за цел со висока вредност од француските власти, Европол и Интерпол. - Обвинителството и полицијата во Санта Марта (Магдалена) го уапсија албанскиот државјанин Бесник Николи, познат како алијас „Нико“ или „Ел Гордо“, кој од октомври 2021 година француските власти го бараат преку црвен картон на Интерпол за стореното дело меѓународна трговија со дрога, јави Топ чанел. Уапсеното лице, исто така, било вмешано во кривични дела за перење пари и се барало во повеќе од 180 земји. - Од информациите со кои располага истражниот орган, утврдено е дека „Нико“ бил во служба на структури за шверц на дрога кои вршат кривични дела во Франција, Албанија, Холандија и Германија, наведува телевизијата. Очигледно, неговото присуство во Колумбија имало за цел да воспостави контакти со мрежи за шверц на дрога.

Aтлетичарка осудена на 8,5 години затвор за криумчарење 50 кг. дрога

Ивона Петрова — Tue, 05 Nov 2019 07:23:03 +0000

Холандската олимписка атлетичарка Мадиеја Гафур (27) е осудена на осум и пол години затвор за шверц и продажба на дрога. Таа беше уапсена во јуни годинава за време на рутинските проверки на германската граница и во таа пригода, пронајдени 50 килограми таблети екстази, два килограми кристал мета и 11.950 евра во готово во багажникот на нејзиниот автомобил, јави Би-Би-Си. Гафур по изрекување на казната рече дека ќе се жали, додека Холандската атлетска асоцијација соопшти дека е шокирана од пресудата. Атлетичарката за време на судењето се бранеше дека не знаеле што носи во автомобилот и дека мислеле носи лекови за допинг. За време на судењето, таа одби да каже кој ја дал дрогата со образложение дека се плаши за семејството и пријателите.

Обвинение против две лица кои пренесувале дрога преку Охридското Езеро

Предраг Кукиќ — Wed, 26 Dec 2018 17:46:46 +0000

По спроведена истрага против четири лица, Обвинителството поднесе обвинителен акт за двајца македонски државјани за неовластено производство и пуштање во промет наркотични дроги. Од Обвинителството велат дека осомничени биле и двајца државјани на Албанија, од кои за едниот била запрена кривичната постапка бидејќи немало докази, а за другиот кој е недостапен за ограните, издадена е наредба за прекинување на истражна постапка која ќе продолжи по неговото пронаоѓање. Двајцата обвинети, со засега непознато лице и осомничениот кој е недостапен, во текот на месец февруари, минатата година договориле неовластено купување заради продажба на наркотична дрога – марихуана. Според договорот, дрогата требала да биде пренесена од Албанија до Македонија по водите на Охридското Езеро. Непознатото лице ја пренело дрогата сместена во пет вреќи, со моторен чамец до брегот во близина на струшкото село Калишта и ја предал на лице кое е веќе осудено за истиот настан. Осудениот потоа се договорил со обвинетите да им ја предаде дрогата, но не успеал. Во моментот кога се упатил кон договореното место бил запрен од страна на полициски службеници од СВР Охрид и по извршен претрес, на задното седиште во возилото со кое ја пренесувал дрогата биле пронајдени 14 пакувања наркотична дрога – марихуана со различна тежина, со вкупна нето маса од 38,955 килограми.

Во акција на српската и австриската полиција уапсени се 26 лица за шверц на дрога

Даниел Василев — Sat, 26 May 2018 10:25:16 +0000

Во заедничка акција на припадниците на српската и австриската полиција, уапсени се 26 лица под сомневање за шверц на дрога, соопшти денеска српското МВР. Во акцијата, на територијата на Австрија уапсени се 24 државјани на Србија, еден на Австрија и еден Црна Гора. Српското МВР , Управата за криминалистичка полиција, Управата за организиран криминал во соработка со полицијата на Австрија, откриле 14 лаборатории за одгледување на марихуана во вештачки услови и заплениле големо количество од овој наркотик. МИА

Во Италија уапсени три момчиња од Валона за шверц на дрога

Дарко Андоновски — Mon, 01 Jan 2018 13:55:18 +0000

Тие тргнале од албанскиот брег, а биле откриени во близина на Лече. Во чамецот имало 1,7 тони марихуана и неколку парчиња оружје. Уапсените се на возраст од 25 години. Во текот на минатата година италијанската полиција запленила над 40 тони мархуана од Албанија.