Одреден притвор за двајца албански државјани за шверц на дрога

Дарко Андоновски — Tue, 08 Oct 2019 09:57:42 +0000

Мерка притвор во траење од 30 дена им е одредена на двајцата албански државјани, кои беа уапсени во неделата на граничниот премин „Богородица„ на излез кон Грција со марихуана во вредност од околу 200 илјади евра наменета за турскиот пазар. Основното јавно обвинителство Велес донесе Наредба за спроведување истражна постапка против двете лица поради постоење на основано сомневање дека како соизвршители сториле кривично дело неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик. – Двајцата осомничени, татко и син, по претходен договор и во заедница, на 6-ти октомври неовластено заради продажба пренесувале наркотична дрога – марихуана во вкупна количина од 44,742 килограми. Дрогата, спакувана во 45 пакувања, осомничените ја пренесувале во патнички автомобил „опел мерива“ со регистарски ознаки од Република Албанија. При вршење контрола на возилото од страна на царинските службеници на граничниот премин Богородица биле пронајдени 25 пакувања марихуана сместени во посебно изработен простор – бункер под задните седишта и по 10 пакувања дрога сместени во посебно изработени простори – бункери под возачкото и совозачкото седиште, се вели во соопштението од ЈОРМ. Имајќи ги предвид висината на запретената казна и можноста осомничените да го повторат кривичното дело, како и тоа дека осомничените се странски државјани и немаат живеалиште во Република Северна Македонија, надлежниот јавен обвинител ценеше дека постојат законски основи за определување мерка притвор за двајцата осомничени. Од ЈО информираат дека, судијата на претходна постапка го прифати предлогот на обвинителството и на осомничените им е определена мерка притвор во траење од 30 дена.

Шверцери со дрога спасиле полицајци, па биле уапсени

Катерина Бојаџиева — Sat, 05 Oct 2019 09:22:04 +0000

Тројца шпански полицајци кои паднале од брод кој се превртел за време на потера биле спасени од шверцерите со дрога кои ги гонеле, соопшти локалната полиција. До неочекуваното спасување дошло кога полициски чамец тргнал во потера по четворица осомничени шверцери со дрога во близина на јужниот брег на Шпанија. -За време на потерата двата чамци се судрија, по што полицајците паднеле во моето. Полицајци од хеликоптер со мегафон побарале помош од осомничените во глисерот, стои во соопштението. Спасувањето не им помогнало на шверцерите кои биле уапсени откако полицијата пронашла три тони хашиш во вода во нивна близина.

Шверцери со дрога – Kurir.mk

Одреден притвор за двајца албански државјани за шверц на дрога

Шверцери со дрога спасиле полицајци, па биле уапсени