сифан хасан – Kurir.mk

Златната Холанѓанка призна: Да не беше кафето, немаше да бидам олимписка шампионка

Ивона Петрова — Wed, 04 Aug 2021 12:09:21 +0000

Сифан Хасан изјави дека без кафе не би стана олимписка шампионка на 5.000 метри, откако остана без енергија во квалификациите на 1.500 метри. Холандската претставничка утринава во Токио падна во текот на квалификациите на 1.500 метро, но и покрај тоа прва мина низ целта и стигна до полуфиналето. Потоа триумфираше и во финалната трка на 5.000 метри. -Не можам да верувам! Целата своја енергија ја потрошив утринава, бев уморна. Не можам да верувам што се случи. Кога паднав, се чувствував ужасно. Не можев ни да замислам дека ќе бидам олимписка шампионка.„Многу енергија потрошив утринава, не ги чувствувам нозете. Пред финалето не ми беше гајле… Бев толку уморна. Да не беше кафето, не би била олимписка шампионка, изјави Сифан. Хасан во Токио ќе има шанса да одјде и до медалите на 1.500 и 10.000 метри.

Начинот на кој победи холандската атлетичарка на ЛОИ во Токио ќе се памети вечно – публиката не им веруваше на сопствените очи (ВИДЕО)

Дарко Андоновски — Tue, 03 Aug 2021 14:01:08 +0000

Сифан Хасан освои златен медал за 5.000 метри на Олимписките игри во Токио, но тоа што го направи на трката на 1.500 метри е веројатно досега невиден подвиг во атлетиката. На 300 метри од целта Холанѓанката, со потекло од Етиопија, се судри со една од колешките и падна. Во такви ситуации, атлетичарите обично го губат ритамот и одлучуваат да прекинат, но Хасан направи чудо. Ги изненади сите кога се крена и продолжи да трча, како ништо да не се случило. И не само тоа, туку од претпоследно место успеа да се пробие и да победи на спектакуларен начин. Поради тоа стана хит на социјалните мрежи и хероина на денот на Олимписките игри во Токио.

Runner trips in the Women’s 1500m, gets up, and still wins! Very mentally tough Sifan Hassan qualifies for the semi-finals👍 pic.twitter.com/TfYofznlWQ
— ✨Sk Boz✨ (@skkboz) August 2, 2021