сигнализација – Kurir.mk

Фото: Целосно обележана хоризонталната сигнализација кај „Ист Гејт Мол“

Катерина Бојаџиева — Sat, 18 Jun 2022 12:17:18 +0000

Во рамките на ноќното обележување по барање на граѓани, а по налог на Град Скопје, екипите на ЈП Улици и патишта Скопје во текот на измнатата вечер целосно ги обележаа пешачките премини на булеварот АСНОМ со улица Беласица потегот кај Ист Гејт Мол. Ноќното обележување се одвива тековно секоја вечер по однапред утврдената динамика од Град Скопје и со ист интезитет екипите продолжуваат да работат и во наредниот период на останатите градски сообраќајници, информираат од Градот.

ЈП Улици и патишта со дополнителна сигнализација за безбедно движење на возилата кон оштетувањето кое се појави на мостот пред Маркова Река

Магдалена Андонова — Fri, 10 Jun 2022 14:16:17 +0000

Екипите на ЈП Улици и патишта Скопје во текот на изминатата ноќ поставија светлосна сообраќајна опрема и ја обезбедија големата дупка која се појави на мостот кај Маркова река пред скопската населба Драчево. Ошетувањето беше забележано од страна на инспектор за сообраќај во Град Скопје и пријавата беше проследена во најкус можен рок, со цел екипите на Улици и патишта да можат навремено да ја обезбедат истата. Како моментално решение на местото на оштетувањето во асфалтот се интервенираше со поставување на две челични плочи со должина од три метри и широчина од два метри. Дополнително се поставени и сообраќајни знаци за предупредување и намалување на брзината на движење на возилата, а потоа во корелација со надлежните служби од Град Скопје ќе се работи на изнаоѓање на конечно решение за ова оштетување. ЈП Улици и патишта апелираат да се избегне движење на тешки товарни возила, за да не се предизвикаат дополнителни оштетувања и да не се предизвика поголема опасност за безбедноста на возилата и граѓаните кои поминуваат на овој потег.

Поставена нова вертикална и хоризонтална сигнализација во Долно Лисиче

Ивона Петрова — Thu, 24 Mar 2022 12:35:44 +0000

Општина Аеродром постави целосно нова вертикална и хоризонтална сигнализација, како и направи за смирување на сообраќајот на неколку фреквентни локации во Долно Лисиче. Сигнализацијата е поставена по барање на граѓани и родители на ученици од подрачното училиште „Гоце Делчев“. Новата сигнализација ќе ја зголеми безбедноста како на децата, така и на сите учесници во сообраќајот кои гравитираат во овој дел од нашата општина. -Се грижиме за безбедноста на сите наши граѓани, а ваква сигнализација ќе поставуваме и на други локации каде што е тоа потребно на целата територија на општината. Повикуваме на совесно однесување на сите учесници во сообраќајот, како и на санкции од надлежните институции за оние кои ги прекршуваат пропишаните правила и закони, велат од Општинат Аеродром.

Мапирани 30 најкритични железнички премини во државава

Ивона Петрова — Sun, 20 Feb 2022 10:45:41 +0000

Нашите заеднички напори да ја подобриме железничката инфраструктура во Северна Македонија не треба да се фокусирани само на инфраструктура. Постоечката и новата инфраструктура треба да се одржува соодветно за да се зголеми безбедноста и да се избегнат несреќи, укажува Матеј Закоњшек, директор на Секретаријат на Транспортната заедница на ЈИЕ во интервјуто за МИА. Премините, крстосниците и пругите, посочува тој, се едни од најчуствителните точки на сообраќај. -Околу 55 отсто од сите несреќи на железничките премини се со фатален исход или тешки последици. Транспортната заедница заедно со сите регионални партнери и со поддршка од ЕУ мапираше 30 најкритични премини во Северна Македонија и работи на тоа да ја зголеми безбедноста преку подобрување на инфраструктурата и обука на вработените, информира Закоњшек во интервјуто за МИА. Тој најавува дека ќе се спроведе кампања за подигнување на јавната свест низ целиот регион, како што вели, да ги предупредиме нашите граѓани за опасноста на премините, за важноста да бидат соодветно обележани и кои се сообраќајните правила кога треба да се вози таму. По 2021, која беше Годината на железницата, во 2022 година Транспортната заедница исто така ќе се фокусура на зелени, одржливи патишта на иднината. -Активно поддржуваме „зазеленување“ на инвестициите во патиштата, распоредување на напредни информациски технологии и електронски патарини во Западен Балкан. Во блиска иднина, нашите граѓани ќе бидат во можност да ги возат своите електрични возила во регионот и пошироко и да можат да застанат за станици за напојување, кои ќе бидат инсталирани на главните коридори. Веќе почнавме да ги мапираме потенцијалните локации за електронски станици за напојување во Западен Балкан, посочува Закоњшек.