сијамски близначки – Kurir.mk

Докторите на раѓање им кажале дека нема да ја преживеат ноќта, а живеат 33 години – Сијамски близначки кои инспирираат (ВИДЕО)

Ивона Петрова — Tue, 18 Oct 2022 09:48:49 +0000

Аби и Британи се сијамски близначки чија животна приказна инспирираше многу луѓе. Тие се родени пред 33 години кога на нивните родители им било кажано дека нема да ја преживеат ноќта. Ја имаат најретката форма на споени близнаци, ретка медицинска состојба во која една оплодена јајце клетка не успева правилно да се одвои во целост во утробата. Кога зборуваме за внатрешни органи, тие имаат две срца, два стомаци, три бубрези, четири бели дробови. Од друга страна, делат еден црн дроб, еден граден кош, имаат заеднички циркулаторен систем и само делумно одделен нервен систем. Од половината надолу, Аби и Британи делат органи, вклучувајќи ги цревата, мочниот меур и репродуктивните органи.

Нивните родители никогаш не размислувале да ги разделат од страв дека една или двете ќе починат или ќе останат со тежок инвалидитет. Всушност, нивната мајка Пети не ни знаела дека очекува близнаци се додека не се родиле девојчињата. Ниту лекарите не ја сфатиле сериозноста на ситуацијата. До раѓањето. Бебињата веднаш биле пренесени во клиника во поголем град. -Педијатарот рече дека моите бебиња се споени и дека имаат две глави, се присетува Пети Хенсел во интервју за Дејли Меил од 2006 година. „Беше многу директен, но апсолутно коректен. Кога првпат ги видовме, рековме дека се убави. Иако Аби и Британи се поподложни на настинки и имале два напади на пневмонија, и двете велат дека се во добра здравствена состојба, и покрај серијата операции. Третата неразвиена рака им била извадена од градите кога биле уште бебиња. Нивното искривување на 'рбетот било корегирано, додека градната празнина им била проширена кога имале дванаесет години, за да се спречат проблеми со дишењето. Близначките велат дека нивните тела се „поделени со црвена линија“. Едната ја контролира левата страна на телото, додека другата ја контролира десната. Тие мора да работат синхронизирано за да се движат правилно. Нивната анатомија се уште е мистерија за лекарите. Тие не чувствуваат допири на спротивната страна од телото. Кога една од нив ќе се ракува, другата не го чувствува тоа. Ова ги наведува лекарите да веруваат дека нивните неврони се единствени и дека не постои друг таков познат случај во светот. Тие си ги завршуваат речениците и си ги читаат мислите, додека нивните тела се совршено синхронизирани. Родителите не сакаа да зборуваат јавно додека тие самите не одлучиле дека се подготвени. Во 2012 година, сестрите сакаа да го споделат својот живот на социјалните мрежи. Светот за првпат ги виде на малите екрани во 1996 година, кога Опра Винфри ги донесе во своето шоу. Тие глумеа и во неколку документарни филмови. Во тие филмови, сестрите зборуваа за нивното секојдневие и за тоа како научиле да живеат исполнет живот и покрај различните интереси: Аби, на пример, сака математика, додека Британи е родена писателка. На многу начини, Аби и Британи живеат нормален живот. Тие оделе во редовно училиште и биле исклучително социјални. Пријателите и семејството секогаш ги поддржувале. Во прилог на тоа дека совладувањето на животните пречки не им е проблем, говори и фактот дека двете го положиле и возачкиот испит. Денес овие близначки водат мирен живот во родниот град и работат како учителки.

Нивната љубов е нешто неописливо: Родени се како сијамски близначки, а одбиваат да се раздвојат и после операцијата

Ивана Ефремовски — Sun, 18 Nov 2018 15:11:11 +0000

И покрај тоа што сега се независни, споените близначки од Бутан, кои минатата недела беа разделени од австралиски хирурзи, не сакаат да бидат одвоени една од друга, откриваат од Кралската детска болница во Мелбурн. Петнаесетмесечните Дава и Нима Пелден, кои беа родени споени во стомакот, мораа да патуваат 9.600 километри заради операцијата која им го промени животот. „Тие никогаш не се далеку една од друга. Се обидовме и успеавме малку да ги одделиме, но тие постојано се доближуваат и се испреплетуваат со нозете“, вели Кели Смит, координаторката на медицинските сестри во болницата. Сестричките во прв момент биле ставени во посебни креветчиња, но „тоа не им се допаѓало“. „Сега се во ист кревет и среќни се кога се играат една со друга и тоа, всушност, е многу убава глетка. Исто така, сакаат мајка им кога е во близина“, додава Смит. Главниот детски хирург Џо Крамери вели дека тие закрепнуваат добро една недела по операцијата, која траеше повеќе од шест часа и во која беше вклучен 25-член медицински тим. Операцијата беше изведена на 9 ноември и се проценува дека чинела 180.000 долари. „Пополека се враќаат во нормалниот живот. Тие повторно јадат и се движат наоколу“, вели Крамери. Според официјални податоци, споени близнаци се раѓаат еднаш во 200.000 случаи и 70% се женски.

Беа родени како сијамски близначки и преживеаја тешка операција: Погледнете како изгледаат денес (ФОТО+ВИДЕО)

Ивана Ефремовски — Mon, 26 Mar 2018 17:38:46 +0000

Приказната за Исабел и Аби го обиколи светот. Двете идентични близначки биле споени од градите до стомакот. Срцето на Исабела било длабоко во градниот кош на Аби, додека останатите органи биле испреплетени. Родителите се соочиле со многу тешка одлука пред себе: Дали да се обидат да ги раздвојат своите девојчиња? Тие поминале 6 месеци во болница по раѓањето. Престижната „Мајо“ клиника се согласила да ги раздвои девојчињата, во операција во која учествувале 17 хирурзи и која траела 12 часа. Две недели подоцна, девојчињата биле подготвени за да си одат дома, раздвоени. Тоа било пред 10 години. Тие не се сеќаваат дека биле споени, меѓутоа нивниот однос зборува поинаку – овие сестри се неразделни во секој поглед. -Во трговски центар, сакаме да се држиме за раце. Чудно е, велат Изабела и Аби. Она што најмногу изненадува не е тоа што успеале да преживеат, туку желни се за напредок. Двете се здрави, атлетски градени и се најдобри во своето училиште.

ВИДЕО: Успешно раздвоени сијамски близначки кои беа споени во градниот кош и стомакот

Ивана Ефремовски — Wed, 14 Feb 2018 18:51:59 +0000

Во детската болница во Хјустон, Тексас, успешно биле раздвоени сијамски близначки, родени 2016 година. Тие биле споени во делот на градниот кош и стомакот. Операцијата е извршена пред точно еден месец и се покажа успешна, односно 13-месечните бебиња се во добра здравствена состојба. Засега лекарите не соопштуваат повеќе детали. Сестрите близначки се родени на 29 декември 2016 во семејството на Џил и Мајкл Ричардс од северен Тексас.

Во Хјустон успешно раздвоени сијамски близначки

Ивона Петрова — Wed, 14 Feb 2018 08:58:09 +0000