сијамски близнаци – Kurir.mk

ВИДЕО: Доктори во Бразил успешно одвоиле близнаци кои имале споен мозок

Ристе Здравков — Mon, 01 Aug 2022 18:26:47 +0000

Тригодишните близнаци, чии мозоци беа споени, успешно беа разделени по 33-часовна операција, јавува Анадолија. Сијамски близнаци беа разделени во хируршка процедура со помош на технологија за виртуелна реалност. Според „Би-Би-Си“, Бернардо и Артур Лима биле подложени на неколку операции во Рио де Жанеиро, Бразил, предводени од британскиот педијатриски хирург Нур ул Овасе Џеелани од лондонската болница „Грејт Ормонд Стрит“. Како што објави лондонската добротворна организација „Gemini Untwined“, која собираше донации за да го спроведе овој потфат, ова беше една од најкомплексните и најуспешните операции извршени некогаш во историјата. На тригодишните момчиња им биле извршени вкупно седум операции, а само последните две траеле вкупно 33 часа. Во целиот процес учествуваа околу 100 здравствени работници. Пред операцијата, хирурзите со месеци пробуваа различни техники користејќи виртуелна реалност пред да ја започнат операцијата. Лекарите експериментирале со виртуелна реалност заснована на компјутерска томографија (КТ) и магнетна резонанца (МРИ) на близнаците. Операцијата ја водел др. Џелани заедно со др. Габриел Муфареј, шеф на педијатриска хирургија во Instituto Estadual do Cerebro Paulo Niemeyer. Џелани ја опиша операцијата како огромно достигнување и „производ на вселенската ера“. – Успешната разделба на Бернард и Артур е извонредно достигнување на тимот во Рио де Жанеиро. Не само што обезбедивме нова иднина за момчињата и нивното семејство, туку го охрабривме локалниот тим со вештини и увереност дека во иднина ќе можат успешно да преземат ваква сложена работа – рече Џилани,пренесуваат светските агенции.

ВИДЕО: Починаа сијамските близначиња кои делеа едно тело и две срца

Тале Кристо — Fri, 10 Jul 2020 10:13:23 +0000

Сијамските близначки, девет дена по раѓањето починаа во период од три часа. Двете сестри, сијамските близначки, кои делеа едно тело, а имаа две срца, починаа вчера во болница во Узбекистан, девет дена по раѓањето. Дефектот на плодот е одреден во 21 недела на бременоста, но мајката не можела да абортира поради притисок од семејството на сопругот, односно од свекрвата. На мајката која претходно родила здрави деца и се вршело притисок од свекрвата да ја истрпи бременоста до крај. Откако ги видела девојчињата, рекла веднаш да се дадат во дом. -Донесов погрешна одлука“, рекла сопругата. -Не ја ни тепав, ниту ја навредував зошто такви деца ми роди, рече таткото. Да се потсетиме дека пред неколку дена починаа сијамските близнаци Рони и Дони, кои влегоа во Гинисовата книга како сијамски близнаци кои најдолго преживеаа. Тие живееја до 68 години.

Тим од триесет лекари направи вистинско чудо: Раздвоени сијамски близнаци!

Тале Кристо — Wed, 08 Jul 2020 07:51:37 +0000

Во италијанската болница „Бамбино Џес“ успешно е изведена операција каде се раздвоени две сестри близначки кои биле споени со грбот како и со вратот. Поголемиот дел од крвниот систем го делеле, но за среќа успеале да ги спасат. Операција од ваков тип се случува за прв пат во Италија, а во светот се извршила најмногу три пати. - „Сестрите се во добра состојба и се чувствуваат одлично!“ Операцијата ја изведе тим од 30 специјалисти, а најтежок момент им бил кога требале сестрите да ги раздвојат кај главата.

ФОТО: Починаа најстарите сијамски близнаци во свет

Магдалена Андонова — Tue, 07 Jul 2020 10:53:32 +0000

Најстарите сијамски близнаци во светот кои работеле по карневали и во циркуз како споредни улоги од својата три годишна возраст, починаа на 4 јули во нивниот роден крај Дејтон, Охајо на 68 години. Рони и Дони Галион се споени во пределот на стомакот уште од нивното раѓање. Тие двајцата се родени здрави, но првите две години од нивниот живот ги поминале во болница, за да можат докторите да изнајдат начин како безбедно да ги раздвојат. Кога на родителите им било соопштено дека нема гаранција дека ќе ја преживеат операцијата, тие одбиле да ги оперираат своите синови. Близнаците научиле да одат на 29 месеци од нивниот живот. Нивните родители изнајмиле терапевти за да ги научат секојдневните обврски, како врзување чевли, користење на тоалет и да научат како да пишуваат затоа што и двајцата биле деснаци. Не посетувале локално училиште, бидејќи претпоставените на училиштето сметале дека тоа би било вознемирувачко за останатите ученици. Нивното IQ било на просечно ниво, но според книгата „Психолошки профили на сијамски близнаци“, тие биле побавни поради недостаток на формална едукација. Рони и Дони го срушиле гинисовиот рекорд за најстари близнаци во 2014 година на 63 годишна возраст. Последните 10 години од нивниот живот ги поминале страдајќи од најразлични здравствени проблеми. Браќата имале посебно право на глас, но патувале со еден пасош.

Почина докторот кој во 27 часовна операција одвои сијамски близнаци споени со главите (ФОТО)

Ивона Петрова — Tue, 31 Mar 2020 10:24:10 +0000

Светски познатиот и признат детски неврохирург, кој успешно одвои сијамски близнаци споени со главите, почина од коронавирус. Доктор Џејмс Т. Гудрич (73) починал вчера по компликации во врска со Ковид-19, информираше болницата каде бил вработен. Доктор Гудрич во светската јавноста ќе остане запаметен како докторот кој во 2016 година успешно ги одвои сијамските близнаци Џејдон и Анаис кои беа споени со главите. Операцијата траеше 27 часа и се реализираше во Њујорк. Тогаш 13-месечните момченца Анаис и Џејдон делеа дел од мозочното ткиво. Операцијата за одвојување на нивните черепи траела 16 часа, а натамошните операции биле потребни за да се реконструираат нивните глави.

Беа залепени во главите, со мозокот и черепот: По 30 часа операција успешно раздвоени сијамски близначиња

Ивана Ефремовски — Fri, 02 Aug 2019 09:54:16 +0000

Ризичната интервенција, наменета за одвојување на мозокот и черепот, траеше повеќе од 30 часа и беше успешна - состојбата на близнаците е стабилна, но може да се појават компликации, се вели во соопштението на Фондацијата. Операцијата, која започна во зората во четвртокот, е изведена во комбинираната воена болница во Дака и ја водеше 35-члениот унгарски медицински тим на Фондацијата Акција за беспомошни луѓе. Фондацијата е активна во Бангладеш веќе седум години и процесот на раздвојување на браќата близнаци Рабеја и Рукаи започна уште во 2018 година, кога имаа една и пол година. Унгарскиот тим комплетно дизајнираше и изгради оперативен систем за раздвојување наречен „Операција слобода“. Првата фаза беше ендоваскуларно раздвојување на делови од заедничката церебрална вена во 2018 година, под раководство на д-р Иштван Худак, исто така во Дака. Втората фаза на пластична хирургија, имплантација и постепено проширување на специјалниот систем, дизајниран во Унгарија, се случи во Будимпешта, под раководство на доктор Гергел Патаки. Третата фаза беше финалното раздвојување, наречено „Операција слобода“, предводено од неврохирургот д-р Андрас Чокаи.

Сестричките беа родени со споени глави: Денес се две среќни дечиња, раздвоени сијамските близначки (ФОТО)

Ивана Ефремовски — Fri, 19 Jul 2019 06:56:21 +0000

Сијамски близнаци кои биле споени со главите, успешно се раздвоени во Лондон после неколку операции кои вкупно траеле 55 часа. Двегодишните сестри од Пакистан Сафа и Марва Улах, три пати биле оперирани во Болницата „Грејт Ормонд Стрит“, а во хируршките зафати кои биле направени во рок од 4 месеци, учествувале вкупно 100 членови од медицинскиот тим на болницата. Хирурзите успеале да ги раздвојат нивните мозоци кои биле меѓусебно испреплетени во нивниот заеднички череп, а потоа успеале да реконструираат два посебни черепа, користејќи ги фрагментите од заедничкиот.

По 15 часа операција хрватски лекари успешно раздвоија сијамски близнаци (ВИДЕО)

Предраг Кукиќ — Tue, 14 May 2019 09:57:45 +0000

Хрватски лекари успешно раздвоија сијамски близначки, поврзани со стомачни органи и црниот дроб, односно билесраснати со долниот дел од градниот кош, дебелото црево, кожата и меките ткива. Операцијата ја изведе тим лекари од КБЦ Загреб и тоа е прв пат една таква операција да биде изведена во Хрватска. Началничката на заводот за неонатологија и неонатална интензивна медицина Ружа Гризељ вели дека проблем претставувало тоа што бебињата биле прерано родени и што имале неизбалансирана циркулација, поради што едната близначка имала висок, а другата низок притисок. Според нејзини зборови, тоа е втор случај во светот близнаци да се споени со црн дроб и црева, со тоа што во овој случај преживеаја двете девојчиња.