силекс – Kurir.mk

Шкендија го расипа максималниот ефект на домашните екипи во 29. коло на ПМФЛ

Тале Кристо — Wed, 26 Apr 2023 16:14:16 +0000

Шкендија и Силекс одиграа нерешено без голови во дербито на 29. коло на Прва македонска фудбалска лига. Ова беше единствениот натпревар од денешните пет прволигашки кој заврши без победа на домашната екипа. Постигнати резултати: Академија Пандев – Победа 2:0 Македонија ЃП – Скопје 2:1 Шкендија – Силекс 0:0 Шкупи – Брегалница 3:0 Струга – Тиквеш 2:0. Слободен во ова коло беше Работнички. Табела: Струга 56 бодови, Шкендија51, Шкупи 49, Силекс 44, Брегалница 37, Македонија ЃП 36, Тиквеш 31, Работнички 31, Академија Пандев 26, Скопје 19, Победа 13.

Македонија Ѓорче Петров и Силекс утре во борба за трофеј во фудбалскиот Куп

Ивона Петрова — Thu, 19 May 2022 12:25:52 +0000

Фудбалските клубови на Македонија Ѓорче Петров и Силекс утре ќе играат во финалето на Купот на Македонија со почеток од 18 часот на Националната арена „Тодор Проески“. Во пресрет на утрешниот финален натпревар, тренерите и капитените на двата тима на прес – конференција ги споделија своите очекувања за 29. финале од Купот на Македонија. Како што пренесуваат од Фудбалската федерација на Македонија, Муарем Бајрами, шеф на стручниот штаб на ФК Македонија Ѓорче Петров, истакнал дека клубот заслужено е во финалето од Купот на Македонија, но, како што рече „знаеме што нè очекува во пресметката со Силекс“. – Ги елиминиравме Академија Пандев, Шкупи и Струга и сосема заслужено сме во мечот за титула.Мислам дека имаме квалитет и можеме да го освоиме трофејот. Имаме голема почит кон Силекс, тим кој е актуелен освојувач на Купот, без разлика на тоа што оваа година влегоа како второлигаш во финалето. Направивме добра анализа, гледавме повеќе нивни натпревари затоа што немаме меѓусебен дуел една година со нив. Се работи за одличен тим, воден од тренер со кој знаат што сакаат на теренот. Силекс условно се прошета во Втората лига, така што очекувам доста интересен натпревар, но јас верувам во мојот тим. Имаме квалитет, за мене ова е прво финале како тренер, двапати го имам освоено пехарот како играч, се надевам сега ќе успеам и како тренер. Вакви натпревари не се играат секој ден, треба да излеземе на терен и да уживаме, вели Бајрами. Горазд Михајлов – шеф на стручниот штаб на ФК Силекс, пак, истакнува дека верувам дека кој и да игра утре ќе го даде максимумот. – Го респектирам противникот, до последното коло беше во игра за Европа преку лигата, па така и Македонија Ѓ.П. си ја гледа својата шанса преку Купот. Ни се отвори шанса да играме за титула, тука сме и верувам дека пред сè ќе победи фудбалот, а кој ќе биде подобар, ќе видиме. Фаворитската улога не би требало некому да му се дава, затоа што ова е финале и сè е отворено. Меѓутоа, блага предност има противникот, затоа што тие, сепак, доаѓаат од повисок ранг. За мене ова е трето финале, едно освоив, едно загубив со Тетекс, па зошто да не биде трета среќа, рече Михајлов. Капитенот на Македонија Ѓ.П., Адем Ермедин, истакна дека им претстои голем натпревар, како што рече „цела сезона се бориме за вакви натпревари“. – Сакаме да ја крунисаме сезоната со Куп-трофеј. Имаме респект за Силекс и можам да кажам дека не сме случајно во ова финале. Ние како екипа сме подготвени, имавме можеби најтежок пат до финалето, но ги минавме сите и тука сме. Знам дека кој и да игра во финалето ќе го даде максимумот и сакам да го освоиме трофејот и да го донесеме трофејот по долги години во Ѓорче, вели Ермедин. Даниел Божиновски, капитенот на Силекс, пак, истакнува дека нивниот тим е 95 отсто составен од нови играчи и фудбалери, за разлика од минатата сезона. – Со тек на времето, полека се воигравме, направивме резултати како што посакувавме. Приоритет ни беше влезот во Првата лига, тоа и го остваривме. Предизвик ни беше да дојдеме до финалето на Купот, еве го и тоа, па знам дека секој ќе го даде максимумот, смета Божиновски. На овогодинешното финале од Купот Силекс ќе се обиде да го освои четвртиот трофеј во клупската историја, додека „лавовите“ од Ѓорче Петров ќе играат за втора куп титула.

Конференциска лига – квалификации: Шкупи во второто коло, Силекс елиминиран

Тале Кристо — Thu, 15 Jul 2021 20:17:26 +0000

Екипата на Шкупи е единствениот македонски претставник кој имаше успешен настап во првото квалификациско коло во евро-куповите. „Чаирчани“ вечерва на гостувањето кај Лапи во Приштина одиграа 1:1 и по победата со 2:0 на првиот дуел одигран во Скопје, со вкупни 3:1 одат во следната рунда на Конференциската лига на УЕФА. За разлика од Шкупи, Силекс не успеа. Кратовци загубија од молдавски Петрокуб со 1:0 со гол примен во последната минута од судиското надополнување и со вкупен резулат 2:1 се елиминирани. Претходно во текот на денот, „излетот“ во евро-куповите заврши и за Струга Трим Лум по поразот во Скопје со 1:4 од летонска Лиепаја (1:1 прв натпревар). Неуспешен настап во првото квалификациско коло од Лигата на шампионите во вторникот имаше и Шкендија (0:1 и 0:5), но тетовци ќе имаат шанса за поправен во втрата рунда од квалификациите во Конференциската лига. зс/

Силекс го освои фудбалскиот Куп на Македонија

Магдалена Андонова — Wed, 19 May 2021 20:25:46 +0000

Фудбалерите на Силекс триумфираа во овогодишното издание на Македонскиот куп, совладувајќи ја вечерва екипата на Академија Пандев со 4:3 на пенали, откако финалето на Националната арена „Тодор Проески“ во Скопје заврши без голови по 120 минути фудбал. Во натпревар со многу тактизирање и претпазливост, 28. финале на фудбалскиот куп донесе по само една сериозна шанса на двете страни. Најпрво ударот на Радевски во судиското продолжение од регуларниот дел за малку заврши крај голот на Силекс, додека сантиметри го делеа обидот со глава на Каракамишев во 97 минута да му донесе предност на клубот од Кратово. Во пенал серијата двете екипи ги реализираа првите три удари од белата точка, по што голманот на Силекс, Божиновски, го одбрани ударот на Димовски, а чуварот на мрежата на Академија Пандев, Јовановски, беше поуспешен од Ѓеоргиев. Во петтата серија, Карчевски беше прецизен кај Силекс, а Велиновски не успеа да погоди кај Академија Пандев, со што кратовскиот клуб во своето четврто куп финале го освои третиот пехар во клупската историја, и прв од 1997 година. (МИА)

Силекс противник на Академија Пандев во финалето на Купот на Македонија

Дарко Андоновски — Wed, 07 Apr 2021 14:01:23 +0000

Фудбалерите на Силекс ќе играат во финалето на Куп на Македонија, откако попладнево во полуфиналето ја совлада Струга Трим Лум со 1:0. Стрелец на победничкиот гол за гостинскиот тим беше Ристе Каракамишев во 81. минута. За Силекс ова е четврто куп-финале, Струга остана без својот прв пласман во завршницата. Противникот на кратовски Силекс во мечот за трофејот на 19-ти мај ќе биде струмичка Академија Пандев, која вчера на гостински терен ја совлада Македонија ЃП со 3:1.

Пелистер го доби дербито против Вардар, Шкендија го совлада Силекс

Ивана Ефремовски — Sun, 04 Apr 2021 15:16:17 +0000

Фудбалерите на Пелистер со 2:0 триумфираа попладнево во Битола во „вечното“ дерби против актуелниот шампион Вардар, додека лидерот Шкендија со гол во финишот го совлада Силекс во Тетово со 2:1. ПМФЛ-25. коло/резултати: Пелистер – Вардар 2:0 (Маневски 17 минута, 87 пенал) Работнички – Борец 2:1 (Ѓурѓевиќ 83, 90+1 – Адили 82) Шкендија – Силекс 2:1 (Нафиу 63, Ибраими 86 – Ѓорѓиев 76) Шкупи – Ренова 1:2 (Адеми 82 – Јашароски 8, Мишковски 68) Струга Трим – Беласица 3:1 (Ристевски 18, Цаке 27, Каланоски 53, автогол – Цаке 88, автогол) Македонија ЃП – Академија Пандев 1:2 (одиграно во сабота) Табела: Шкендија 56, Шкупи 46, Македонија ЃП 41, Струга Трим 37, Работнички 36, Борец 33, Пелистер 32, Академија Пандев 31, Вардар 27, Ренова 27, Силекс 26, Беласица 14. (МИА)

Силекс убедлив против Вардар за лидерско место на табелата во ПМФЛ

Магдалена Андонова — Sun, 23 Aug 2020 17:28:50 +0000

Екипата на Силекс е нов лидер во Првата македонска фудбалска лига, откако попладнево забележа убедлива победа на гостувањето кај Вардар. Три бода денес на своето конто додаде и Струга по минималната победа над Борец, додека во Битола, Пелистер и Работнички ремизираа. Резултати 3. коло ПМФЛ: Пелистер – Работнички 0:0 Струга Трим Лум – Борец 1:0 Вардар – Силекс 0:4. Одиграно претходно: Македонија Ѓ.П. – Шкендија 0:1 Ренова – Академија Пандев 2:0 Беласица – Шкупи 0:2. Табела: Силекс 7 бода, Шкупи 7, Шкендија 7, Ренова 5, Пелистер 5, Работнички 4, Борец 4, Струга 4, Македонија ЃП 3, Вардар 3, Академија Пандев 0, Беласица 0. (МИА)

Силекс ги заврши настапите во квалификациите за Лигата на шампионите

Тале Кристо — Tue, 18 Aug 2020 18:55:37 +0000

Македонскиот фудбалски клуб Силекс ги заврши настапите во квалификациите за Лигата на шампионите уште во првото коло, откако доживеа пораз од 4-0 (2-0) на гостувањето кај Карабак во Баку, Азербејџан. Стрелци за домаќините беа Ромеро (11), Гуерер (40 и 51) и Емрели (80). По поразот, Силекс ќе игра во второто квалификациско коло од Лигата на Европа. Карабах во второто квалификациско коло ќе игра против подобриот од Шериф Тираспол и Фола Еш од Луксембург.

Силекс ќе игра против Карабах во Азербејџан во квалификациите за ЛШ

Дарко Андоновски — Sun, 09 Aug 2020 11:19:29 +0000

Силекс го доби Карабах за противник во првото коло од квалификациите во Лигата на шампионите, ждрепката одреди натпреварот да се игра во Азербејџан. Попладнево во Нион беа излевчени паровите за провото коло од квалификациите во Лигата на шампионите. Македонскиот претставник Силекс за противник го доби незгодниот тим на Карабах. Оваа сезона, се игра само еден натпревар а а ждрепката одлучи Карабах и Силекс силите да ги одмерат во Азербејџан на 18/19 август. Секако поради пандемијата на коронавирус постои можност натпреварот да се игра на неутрален терен.

Масовна тепачка меѓу фудбалерите на Силекс и Борец пријателски дуел (ВИДЕО)

Ристе Здравков — Sun, 26 Jul 2020 12:11:32 +0000

Силекс го доби пријателскиот натпревар против Борец со 2-0 во рамки на подготовките за следната сезона, но имаше сцени од натпреварот кои не беа од пријателски каркатер, односно се случи масовна тепачка меѓу фудбалерите. Нешковски постигна гол за водство на Силекс од 1-0, по што Мустафов ја потврди победата на екипата од Кратово (2-0). Сепак, на дуелот се случи тепачка, во која се вмешаа речиси сите играчи на двете екипи. Да потсетиме, Силекс ќе настапи во Лигата на шампиони следната сезона, откако Вардар не доби евролиценца.