силен земјотрес – Kurir.mk

ВИДЕО: Силен земјотрес ја погоди Турција

Дарко Андоновски — Sat, 09 Apr 2022 15:27:54 +0000

Централниот дел на турција денеска околу 16 часот беше погоден од силен земјотрес. Евромедитеранскиот сеизмолошки ценатр јави дека епицентарот на земјотресот бил на околу 30 километри од градот Малатија во источна Анадолија. Земјотресот бил со јачина од 5,9 степени по Рихетер.

#SONDAKİKA Malatya'nın Pütürge ilçesinde 5,2 büyüklüğünde deprem meydana geldi. Çevre illerden de hissedilen deprem sonrası bölgedeki son durum @trthaber'de. https://t.co/tOI7IK6nwX
— TRT Haber Canlı (@trthabercanli) April 9, 2022

Земјотрес од 7,2 по Рихтер регистриран во Индонезија

Дарко Андоновски — Wed, 29 Dec 2021 20:15:13 +0000

Силен земјотрес, со интензитет од 7,2 степени според Рихтеровата скала ја погоди групата острови Барат Даја во Индонезија, соопшти Европскиот медитерански сеизмолошки центар. Земјотресот е регистриран на длабочина од 170 км.

Нов силен земјотрес ја погоди Хрватска

Тале Кристо — Wed, 03 Mar 2021 06:30:53 +0000

Хрватската сеизмолошка служба соопшти дека утрово во 05:37 часот е регистриран земјотрес со јачина од 4,2 степени според Рихтеровата скала, со епицентар во близина на Глина. Европско-медитеранскиот сеизмолошки центар наведува дека јачината на земјотресот била 4,1 степени според Рихтеровата скала, а епицентарот бил на седум километри од Глина. Според ЕМСЦ, епицентарот бил на длабочина од 10 километри, а потресот бил почувствуван и во Загреб. – Звучеше како удар, а потоа почна да се ниша. Повторно, тоа глупаво чувство и звуците на крцкање на прозорците и вратите во станот, напиша читател на порталот 24сата.хр. Кликс.ба пренесува дека земјотресот бил почувствуван и во северозападниот дел на Босна и Херцеговина.

ТЛОТО НЕ ПРЕСТАНУВА ДА СЕ ТРЕСЕ: Попладнево серија нови земјотреси ја потресе Хрватска, од силниот удар се тресеше и БиХ

Дарко Андоновски — Thu, 18 Feb 2021 13:33:18 +0000

Умерено силен земјотрес ја потресе централна Хрватска околу 13.10 часот, а потресот се почувствувал сè до Велика Горица и Загреб, но и во соседна БиХ. Сеизмолошката служба известува дека земјотресот бил со јачина од 3,7 степени по Рихтеровата скала, а епицентарот бил на 21 километар западно од Сисак. „Добро ја потресе зградата“, наишал еден жител на Велика Горица на апликацијата ЕМСЦ, а друг од Загреб додаде дека потресот силно се почуствувал на 15-ти кат од зградата. Неколку минути по овој земјотрес, уште два ја погодија истата област. Едниот со магнитуда 2,3, а другата малку послаб, од 1,5 степени по Рихтер.

Уште еден силен земјотрес ги погоди Петриња и Сисак

Тале Кристо — Thu, 07 Jan 2021 12:22:01 +0000

Уште еден земјотрес ја погоди денеска централна Хрватска, шест минути по пладне. Епицентарот бил меѓу Сисак и Петриња. Според првичните информации, земјотресот бил со јачина од 3,5 степени.

ТЛОТО НЕ ПРЕСТАНУВА ДА СЕ ТРЕСЕ: Нов силен земјотрес ја потресе Хрватска!

Дарко Андоновски — Wed, 06 Jan 2021 17:24:11 +0000

Нов силен земјотрес е почуствуван во Хрватска. Првичните информации се дека тој бил со магнитуда од 5,5 степени по Рихтеровата скала. Потресот е регистриран на 45 километри југоисточно од Загреб.

МАКЕДОНИЈА СЕ ТРЕСЕ: Силен земјотрес го потресе и главниот град!

Дарко Андоновски — Wed, 02 Dec 2020 13:13:07 +0000

Пред само неколку секунди речиси силен земјотрес го потресе Скопје, но и целата земја и предизвика вознемиреност кај граѓаните. Според податоците од ЕМСЦ, епицентарот на земјотресот бил на 12 километри одалеченост од Скопје и е со јачина од 3,4 степени според Рихтеровата скала.

АЛАРМАНТНА СИТУАЦИЈА ВО ГРЦИЈА: По силниот земјотрес властите повикуваат сите да се оддалечат од морето, еве што следува! (ВИДЕО)

Дарко Андоновски — Fri, 30 Oct 2020 14:25:02 +0000

Најмалку четворица повредени, материјална штета на објекти и излевање на морето, е првичниот неофицијален биланс од силниот земјотрес со јачина од 6.7 степени според Рихтер на грчкиот остров Самос, јави дописничката на МИА од Атина. Управителот на болницата на Самос, за грчката државна телевизија „ЕРТ“ рече дека четири лица се полесно повредени. Локалното население е на улиците, морето ги поплави крајбрежните делови на островот, а сеизмолозите предупредуваат за последователни земјотреси и можност за мало цунами.

A tsunami has just hit Vathy town Samos, huge damage to property, as of yet only a few injured. Greek government expecting second tsunami #tsunami #samos #greece #earthquake pic.twitter.com/aVk0kabDKu
— Fareid Atta فريد عطا (@atta_fareid) October 30, 2020

Од Секретаријатот за цивилна заштита на Грција преку бројот за итни случаи 112, испратија порака до жителите на Самос и повик да избегнуваат опасни објекти, да останат на отворено, да не ги користат телефоните непотребно, да останат подалеку од плажите, да ги следат медиумите и дека постои опасност од големи бранови. Министерот за здравство на Грција Василис Кикиљас, преку „Твитер“ соопшти дека здравствените центри и болниците на островите Самос и Икариа се со зголемена готовност, а за островот заминуваат претставници на итната помош и неофицијално, за грчкиот остров Самос заминува заменик-министерот за цивилна заштита на Грција Никос Хардаљас. Епицентарот на земјотресот беше на 19 километри северозападно од Самос, во морскиот дел меѓу грчкиот остров и турското крајбрежје.

A #tsunami warning issued after a huge #earthquake with a magnitude of up to 7.0 in Turkey's #Aegean coast. #Izmir #deprem #Deprem #Turkey #Greece
(Video - Social media) pic.twitter.com/TS8sYQXcEk — SitamMoharana_ANI (@SitamMoharana) October 30, 2020

Според турските медиуми, земјотресот предизвика голема материјална штета во Измир. Силниот земјотрес беше почувствуван речиси во сите делови на Грција и во Атина иако е на голема оддалеченост од епицентарот. За 15 часот по локално време беше закажано соопштувањето на новите рестриктивни мерки од грчкиот премиер Кирјакос Мицотакис, меѓутоа, поради земјотресот што се случи кусо пред 14 часот, одложено е телевизиското обраќање на Мицотакис.

Силен земјотрес во Грција, 6.7 степени според првичните проценки!

Дарко Андоновски — Fri, 30 Oct 2020 12:38:15 +0000

Силен земјотрес со интензитет од 6,7 степени според Рихтеровата скала денеска е регистриран во Грција, јави дописничката на МИА од Атина. Според Геодинамикиот институт на грчката Национална опсерваторија епицентарот на земјотресот бил на 19 километри северозападно од грчкиот остров Самос. Епицентарот е во близина на турското крајбрежје, но земјотресот беше почувствуван речиси во сите делови на Грција и во Атина.

Силен земјотрес ја стресе Грција

Тале Кристо — Mon, 17 Aug 2020 07:55:44 +0000

Земјотрес со јачина од 5.1 степен според Рихтер беше регистриран во Грција, јужно од островот Идра, кусо пред 10.30 часот по локално време според Геодинамичкиот институт на Националната опсерваторија, јави дописничката на МИА од Атина. Епицентарот бил во морскиот дел, 53 километри југоисточно од островот Идра, на над 100 километри од Атина, но беше почувствуван и во грчкиот главен град. Засега нема информации за повредени или за причинета материјална штета.