Силјан Мицевски – Kurir.mk

Бизнисменот Мицевски за „Меѓународен сојуз“: Ми беше кажано дека зад проектите за домови за стари лица стои Владата

Дарко Андоновски — Thu, 29 Apr 2021 10:31:45 +0000

Бизнисменот Силјан Мицевски, сопственик на компанијата ,,Пелистер”, на денешното сослушување на рочиштето за случајот „Меѓународен сојуз” изјави дека сумата од 720.000 евра што ја дал за проектите за домови за стари лица, не му е вратена. Тој истакна дека ако заврши вака, ќе се чувствува измамен, додавајќи дека на една од средбите во „Меѓународниот сојуз“ му било речено оти зад проектот со домовите за стари лица стои Владата. – На еден состанок на „Меѓународниот сојуз“ јас прашав како може да се откупи земјиште без градежно одобрение и тука ми беше кажано дека тоа е проект на владата и ќе оди со европско знаме, изјави сведокот Мицевски, додавајќи дека не се сеќава кој точно му го кажал тоа. Во својот исказ пред Судот тој уште изјави дека имал голема доверба во Бојан Јовановски. Обвинети во овој случај се Бојан Јовановски, поранешната пратеничка од редовите на СДСМ, Фросина Ременски, таткото на прво обвинетиот, Миле Јовановски и Јасна Мандиќ Ерцеговиќ. Јовановски е обвинет за „измама и перење пари“. Ременски е обвинета за „помагање во делото измама“, а Мандиќ за „помагање во измамата и перењето пари“, Миле Јовановски се товари за „помагање во перењето пари“ и за „неовластено изработување, држење, посредување и тргување со оружје“. Како правно лице обвинета е и невладината организација „Меѓународен сојуз“.

Силјан Мицевски сведочеше во „Талир“, ама истиот ден доби и тендер од 6,4 милиони евра

Дарко Андоновски — Thu, 10 Sep 2020 07:38:01 +0000

Битолската градежна компанија „Пелистер“ доби тендер за ископ на јаглен и јаловина во кругот на РЕК Битола вреден 6,4 милиони евра од страна на АД ЕСМ, објавува Фактор. Договорот е склучен на 4 септември, а доставен е до Бирото за јавни набавки и објавен беше вчера, односно на истиот ден кога сопственикот на градежната компанија Силјан Мицевски сведочеше во случајот „Талир“ во кој опиша како бил рекетиран од првите луѓе на поранешната владејачка партија откако ќе добиел тендер. Пелистер го добива тендерот за ископ при две понуди, од кои едната од 105 денари и втората од 95,7 денари по килоџул енергија. Времетраењето на договорот е една година. Претходно, компанијата на популарниот битолски бизнисмен постигна договор за ископување со РЕК Битола во мај минатата година и истиот вредеше 776 милиони денари. Претходниот редовен беше во јули 2018 и вредеше 377 милиони денари. Гласот на Мицевски се споменуваше и во „бомбите“ на Зоран Заев објавувани во 2015, а во тој период Центар за граѓански комуникации истражуваше дека Пелистер успеал да постигна договори со АД ЕСМ за ископ на јаглен од околу 100 милиони евра за пет години, од кои рекордниот изнесувал 53 милиони евра.

Стоилковски: Практика му било на Силјан Мицевски да дава донации и на други партии вклучително и СДСМ

Дарко Андоновски — Wed, 09 Sep 2020 14:43:13 +0000

Портпаролот на ВМРО-ДПМНЕ Наум Стоилковски преку статус на Фејсбук пишува дека практика му било на Силјан Мицевски да дава донации и на други пратии вклучително и СДСМ. -Бидејќи бев присутен на сведочењето, сведокот Сиљан М. посочи дека дал своеволна донација во време која партијата била во опозиција, пред да дојде на власт, пред да може да вети било што. Уште повеќе дека на истиот начин тоа практика му било, давал донации и на други партии вклучително и СДСМ. Како поранешен новинар најмногу ме нервира нецелосното и уште повеќе половично информирање зачинето со лични субјективни додатоци во вест. Правдањето кое лично ми беше кажано "бев позади до ѕидот и не слушав најдобро" не е никаков изговор за долгогодишен новинар. Ја разбирам потребата на медиумите да штедат на ресурси, но за "ексклузивки" подобро да се потпрете на сопствени луѓе на кои што верувате дека нема да ве остават на цедило, стои во неговиот пост на Фејсбук.

Бидејќи бев присутен на сведочењето, сведокот Сиљан М. посочи дека дал своеволна донација во време која партијата била... Posted by Naum Stoilkovski on Wednesday, September 9, 2020

Бизнисменот Силјан Мицевски призна дека го финансирал СДСМ, а тоа не е пријавено во ревизорски извештај – ќе реагира ли ОЈО?

Ивана Ефремовски — Wed, 09 Sep 2020 10:38:07 +0000

Предметот „Талир” продолжи денеска во Основниот кривичен суд Скопје со сведочење на бизнисменот Силјан Мицевски од Битола. Мицевски сведочеше на предлог на обвинителката Ленче Ристоска, па доколку таа убаво го слушна што кажа, ќе мора да превземе понатамошни чекори. Од Мицевски очигледно се очекуваше да биде ставен товар на опозициската партија која поради овој случај е со замрзнат имот долго време. Но, бизнисменот пред судот денес истакна дека тој го финансирал и СДСМ. Ова не е пријавено во ревизорскиот извештај! Обвинителката Ристовска ја слушна оваа изјава, па ќе видиме дали ОЈО ќе подигне обвинение по допрен глас. Во спротивно, ќе стане уште појасно дека овие случаи не се водат по закон, туку по нарачка.

Бизнисменот Силјан Мицевски на распит за „Рекет“

Ивона Петрова — Mon, 02 Sep 2019 09:46:28 +0000

Во Обвинителството за организиран криминал и корупција денеска дојде и Силјан Мицевски кој треба да даде исказ за случајот „Рекет“. Мицевски кој по вторпат е повикан во Обвинителството, треба да даде појансување за парите кои наводно ги уплатил на сметката на пензионерка од Скопје наместо на Меѓународниот сојуз на првоосомничениот за „Рекет“, Бојан Јовановски, и заради што ги дал средствата. На влегување во Обвинителството, Мицевски за медиумите изјави дека парите не биле уплатени на сметка на Тодоровска, туку на сметката на Меѓународниот сојуз. најави дека ќе бара парите да му бидат вратени. Пред Мицевски, во Обвинителството беше и водителката Лила Филиповска која повеќе од еден час даваше исказ за „Рекет“. Таа на излегување од Обвинителството не сакаше да даде изјава за медиумите. На новинарските екипи им испрати бакнеж со зборовите „чао друштво“. Во врска со „Рекет“ осомничени и во притвор се Бојан Јовановски – Боки 13, Зоран Милевски – Кичеец и специјалната јавна обвинителка Катица Јанева. МИА